მუხლი 127. გაზის მიწისქვეშ შენახვის პროექტის შინაარსი

ამ წესების 126-ე მუხლით მოთხოვნილი მონაცემების გარდა, გაზის განმეორებით მიწისქვეშა ჩაჭირხვნის ან მიწისქვეშ შენახვის პროექტის განაცხადში უნდა იქნეს წარმოდგენილი:

ა) პროექტთან დაკავშირებული გეოლოგიური მონაცემები, მათ შორის კოლექტორის მფარავი ფენის ისეთი მონაცემები, როგორიცაა: სივრცითი გავრცობა, ფენის საშუალო სიმძლავრე და კრიტიკული წნევა;

ბ) შენახვის ზონებში ნავთობისა და გაზის მარაგები, ფენში ჩაჭირხვნითი ოპერაციების  დაწყებამდე;

გ) შემოთავაზებული მიწისზედა და მიწისქვეშა დამცავი მოწყობილობის ნუსხა, გამოცდის სახეები და პროექტის ტექნიკური უსაფრთხოების უზრუნველსაყოფად აუცილებელი ზომები;

დ) წყლის განთავსების შემოთავაზებული მეთოდი;

ე) საპროექტო ფართობზე ადრე გაბურღილი ჭაბურღილების სრული ინვენტარიზაცია.

კარი VIII

ნავთობისა და გაზის რესურსების რაციონალური გამოყენება

ნავთობისა და გაზის რესურსების რაციონალური გამოყენების ზოგადი მოთხოვნე