ა) ვიტამინების კომპლექსი (გენდევიტი, ცენტრუმი, უნიკაპი, უნდევიტი, „В” ჯგუფის და ნიკოტინის მჟავას შემცველი ვიტამინები), რომლებიც დადებითად მოქმედებენ ქსოვილებში მიმდინარე ნივთიერებათა ცვლის პროცესებზე, სისხლის რეოლოგიურ თვისებებზე და სისხლძარღვთა ტონუსზე. მკურნალობის კურსი სამი კვირა;
ბ) ვიტამინების კომპლექსთან (გენდევიტი, ცენტრუმი, უნიკაპი და უნდევიტი) ერთად კიდურების თვითმასაჟი ჰეპარინის მალამოთი. მალამო წინასწარ ცხელდება 20-320t, ერთი შეზელვისათვის გამოიყენება 10000 ერთეული ჰეპარინი. თვითმასაჟის სეანსის ხანგრძლივობა 7-10 წუთია, მკურნალობის კურსი ორი კვირა. ჰეპარინის მალამოს ახასიათებს ფართო დიაპაზონის თერაპიული, კერძოდ ტკივილგამაყუჩებელი, სპაზმოლიტური მოქმედება, აუმჯობესებს ტროფიკას და სხვ.;
გ) ვიტამინების კომპლექსთან (გენდევიტი, ცენტრუმი, უნიკაპი და უნდევიტი) ერთად კიდურების თვითმასაჟი ვენორუტონით (მალამოს სახით). იგი აუმჯობესებს მიკროცირკულაციას, ხსნის სისხლძარღვოვან სპასმს. მკურნალობის კურსი ორი კვირა;
დ) ვიტამინების კომპლექსთან (გენდევიტი, ცენტრუმი, უნიკაპი და უნდევიტი) ერთად კიდურების თვითმასაჟი სელკოსერილით (მალამო ან ჟელე). რომელიც აუმჯობესებს ქსოვილოვან მეტაბოლიზმს. მკურნალობის კურსი ორი კვირა;
ე) თანმხლები დაავადებების არსებობის შემთხვევაში მკურნალობა უნდა ტარდებოდეს ინდივიდუალურად არაპროფესიული დაავადებების ხასიათის, სტადიის და ფაზის გათვალისწინებით;
2. სანიტარიულ-პროფილაქტორიუმის პირობებში მკურნალობა თერაპიული ღონისძიებების ფართო კომპლექსის გამოყენებით უნდა ჩაუტარდეთ უპირატესად იმ პირებს, რომლებიც მიეკუთვნებიან დისპანსერული აღრიცხვის II -III ჯგუფებს.
ეს ღონისძიებებია:
ა) ფიზიომკურნალობა;
ბ) რეფლექსოთერაპია;
გ) მედიკამენტოზური მკურნალობა (სედატიური, ნეიროტროპული, სისხლძარღვოვანი პრეპარატები, ვიტამინები და სხვ.).
3. სპეციალიზებული განყოფილების პირობებში მკურნალობა უნდა იყოს კომპლექსური და მიმართული: ცენტრალური და პერიფერიული ნერვული სისტემის, კუჭ-ნაწლავის ტრაქტის, ენდოკრინული სისტემის პერიფერიული სისხლის მიმოქცევის და სხვ. ფუნქციის ნორმალიზებისაკენ. მკურნალობისათვის რეკომენდებულია სამკურნალო პრეპარატებთან ერთად ფიზიოპროცედურების ფართო გამოყენება.
4. მკურნალობა უნდა იყოს ინდივიდუალური, დაავადების კლინიკური გამოვლინების, მიმდინარეობის, ხასიათისა და თანმხლები დაავადებების გათვალისწინებით