1. აეროდრომის სრულუფლებიანი მეტეოროლოგიური ორგანო ამყარებს მჭიდრო კავშირს საჰაერო მოძრაობის მომსახურების ორგანოებთან. აეროდრომის სრულუფლებიანი მეტეოროლოგიური ორგანო კონსულტაციის საფუძველზე ამარაგებს სმმ-ს ორგანოებს, ან ორგანიზებას უკეთებს იმ უკანასკნელი მეტეოროლოგიური ინფორმაციით მის მომარაგებას, რომელიც აუცილებელია მათი ფუნქციების შესასრულებლად.
2. შესაბამის ორგანოს, რომელიც ამარაგებს საფრენოსნო ინფორმაციის ცენტრს, ან რაიონულ სამეთვალყურეო ცენტრს წარმოადგენს მეტეოროლოგიური თვალთვალის ორგანოს
3. აეროდრომის სრულუფლებიანი მეტეოროლოგიური ორგანო აუცილებლობის შემთხვევაში ამარაგებს აეროდრომის სამეთვალყურეო პუნქტს შემდეგი მეტეოროლოგიური ინფორმაციით:
ა) ადგილობრივი რეგულარული და საგანგებო შეტყობინებებით, რეგულარული შეტყობინებები კოდური ფორმით METAR და საგანგებო შეტყობინებები კოდური ფორმით SPECI, მათ შორის წნევის მიმდინარე მონაცემებით, აეროდრომის პროგნოზებით და პროგნოზებით დაფრენისათვის;
ბ)ინფორმაციით SIGMET და AIRMET, გაფრთხილებებით ქარის შესახებ და გაფრთხილებებით აეროდრომზე;
გ)ნებისმიერი დამატებითი მეტეოროლოგიური ინფორმაციით, რომლებიც გათვალისწინებულია ლოკალური ხელშეკრულებით;
დ) მიღებული ინფორმაციით ვულანური ფერფლის ღრუბლების შესახებ, რომლებთან დაკავშირებით ჯერ არ იყო გამოშვებული SIGMET-ი.
4. აეროდრომის სრულუფლებიანი მეტეოროლოგიური ორგანო აუცილებლობის შემთხვევაში ამარაგებს მისადგომის-სამეთვალყურეო პუნქტს შემდეგი მეტეოროლოგიური ინფორმაციით:
ა) ადგილობრივი რეგულარული და საგანგებო შეტყობინებებით, რეგულარული შეტყობინებები კოდური ფორმით METAR და საგანგებო შეტყობინებები კოდური ფორმით SPECI, მათ შორის წნევის მიმდინარე მონაცემებით, აეროდრომის პროგნოზებით და პროგნოზებით დაფრენისათვის, აგრეთვე კორექტივებით იმ აეროდრომის პროგნოზებთან, რომელსაც ემსახურება დაფრენის-სამეთვალყურეო პუნქტი;
ბ) ინფორმაციით SIGMET დაAIRMET, გაფრთხილებებით ქარის შესახებ და გაფრთხილებებით აეროდრომზე, შესაბამისი საგანგებო შეტყობინებებით საჰაერო ხომალდებიდან იმ საჰაერო სივრცის შესახებ, რომელიც განეკუთვნება დაფრენის-სამეთვალყურეო პუნქტის მომსახურების ზონას;
გ) ნებისმიერი დამატებითი მეტეოროლოგიური ინფორმაციით, რომლებიც გათვალისწინებულია ლოკალური ხელშეკრულებით;
დ) მიღებული ინფორმაციით ვულანური ფერფლის ღრუბლების შესახებ, რომლებთან დაკავშირებით ჯერ არ იყო გამოშვებული SIGMET-ი.
5. აეროდრომის სრულუფლებიანი მეტეოროლოგიური ორგანო აუცილებლობის შემთხვევაში ამარაგებს საფრენოსნო ინფორმაციის ცენტრს, ან რაიონულ სამეთვალყურეო ცენტრს შემდეგი მეტეოროლოგიური ინფორმაციით:
ა) ადგილობრივი რეგულარული და საგანგებო შეტყობინებებით, რეგულარული შეტყობინებები კოდური ფორმით METAR და საგანგებო შეტყობინებები კოდური ფორმით SPECI, მათ შორის წნევის მიმდინარე მონაცემებით, აეროდრომის პროგნოზებით და პროგნოზებით დაფრენისათვის, აგრეთვე კორექტივებით აეროდრომის პროგნოზებთან;
ბ) სიმაღლეებზე ქარისა და ტემპერატურის პროგნოზებით, ამინდის განსაკუთრებული მოვლენების შესახებ პროგნოზებით ფრენის მარშრუტებზე, განსაკუთრებით იმ მოვლენების შესახებ, რომლებსაც შეუძლიათ ხელი შეუშალონ ფრენების ვიზუალური წესებით შესრულებას. ინფორმაციით SIGMET და AIRMET, გაფრთხილებებით ქარის შესახებ და გაფრთხილებებით აეროდრომზე, შესაბამისი საგანგებო შეტყობინებებით საჰაერო ხომალდებიდან საფრენოსნო ინფორმაციის ცენტრის რაიონში;
გ) საფრენოსნო ინფორმაციის ცენტრის მიერ მოთხოვნილი დამატებითი მეტეოროლოგიური ინფორმაციით, ჰაერში მყოფი საჰაერო ხომალდების მოთხოვნების დასაკმაყოფილებლად. თუ შესაბამის მეტეოროლოგიურ თვალთვალის ორგანოს არ გააჩნია მოთხოვნილი ინფორმაცია, მან უნდა მიმართოს დახმარებისთვის სხვა მეტეოროლოგიურ ორგანოებს;
დ) მიღებული ინფორმაციით ვულანური ფერფლის ღრუბლების შესახებ, რომლებთან დაკავშირებით ჯერ არ იყო გამოშვებული SIGMET-ი;
ე) მიღებული ინფორმაციით ატმოსფეროში რადიოაქტიური ნივთიერებების ავარიულად მოხვედრის შესახებ.
6. აეროდრომის სრულუფლებიანი მეტეოროლოგიური ორგანო აუცილებლობის შემთხვევაში ამარაგებს საჰაერო მოძრაობის მომსახურების ორგანოებს მიღებული ინფორმაციით ვულკანური მოქმედებების და ვულკანური ამოფრქვევების შესახებ.
7. ნებისმიერი მეტეოროლოგიური ინფორმაცია, მოთხოვნილი საჰაერო მოძრაობის მომსახურების ორგანოების მიერ ავარიულ სიტუაციაში მიწოდებულ უნდა იქნეს მაქსიმალურად მოკლე დროში.
8. საფრენოსნო ინფორმაციის მიზნებისათვის აუცილებლობის შემთხვევაში, მიმდინარე მეტეოროლოგიური შეტყობინებები და პროგნოზები მიეწოდებათ საავიაციო ელექტროკავშირის სადგურებს. აუცილებლობის შემთხვევაში ამგვარი ინფორმაციის ასლი ეგზავნებათ საფრენოსნო ინფორმაციის ცენტრს, ან რაიონულ სამეთვალყურეო ცენტრს