საქართველოს განათლებისა და მეცნიერების სამინისტროს ტერიტორიული ორგანოს – საგანმანათლებლო რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ

სახელმწიფო სარეგისტრაციო კოდი 010.320.040.22.022.008.300

საქართველოს განათლებისა და მეცნიერების

მინისტრის ბრძანება №211

2006 წლის 21 მარტი

ქ. თბილისი

საქართველოს განათლებისა და მეცნიერების სამინისტროს ტერიტორიული ორგანოს – საგანმანათლებლო რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-20 მუხლის პირველი პუნქტის, მეორე პუნქტის ,,ა“ ქვეპუნქტის და 21-ე მუხლის, ,,საჯარო სამსახურის შესახებ“ საქართვლოს კანონის მე-19 მუხლის პირველი და მეორე პუნქტების, ,,ნორმატიული აქტების შესახებ“ საქართველოს კანონის მე-17 მუხლის პირველი, მე-2, მე-4 პუნქტების და საქართველოს მთავრობის 2004 წლის 21 მაისის №37 დადგენილებით დამტკიცებული საქართველოს განათლებისა და მეცნიერების სამინისტროს დებულების მე-3 მუხლის მე-2 პუნქტის ,,ა“ ქვეპუნქტის საფუძველზე, ვბრძანებ:

1. დამტკიცდეს საქართველოს განათლებისა და მეცნიერების სამინისტროს ტერიტორიული ორგანოს – საგანმანათლებლო რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნები:

ა) უმაღლესი განათლება;

ბ) კომპიუტერული (საოფისე) პროგრამების ცოდნა;

გ) ნორმატიული აქტების ცოდნა;

გ.ა) საქართველოს კონსტიტუცია;

გ.ბ) საქართველოს კანონი ,,საჯარო სამსახურის შესახებ“;

გ.გ) საქართველოს ,,ზოგადი ადმინისტრაციული“ კოდექსი;

გ.დ) საქართველოს კანონი ,,საჯარო სამსახურში ინტერესთა შეუთავსებლობისა და კორუფციის შესახებ“;

გ.ე) საქართველოს შრომის კანონთა კოდექსი;

გ.ვ) საქართველოს კანონი ,,ზოგადი განათლების შესახებ“;

გ.ზ) საქართველოს კანონი ,,განათლების შესახებ“;

გ.თ) საქართველოს მთავრობის 2004 წლის 21 მაისის №37 დადგენილებით დამტკიცებული ,,საქართველოს განათლებისა და მეცნიერების სამინისტროს დებულება“;

გ.ი) საქართველოს განათლებისა და მეცნიერების მინისტრის 2006 წლის 17 იანვარის №31 ბრძანებით დამტკიცებული „საქართველოს განათლებისა და მეცნიერების სამინისტროს ტერიტორიული ორგანოების საგანმანათლებლო რესურსცენტრების ტიპური დებულება“.

დ) პასუხისმგებლობის მაღალი გრძნობა;

ე) ორგანიზატორული უნარ-ჩვევები;

ვ) ანალიტიკური აზროვნება;

ზ) უკანასკნელი 2 წლის განმავლობაში განათლების სფეროში მუშაობის გამოცდილება;

თ) უცხო ენის/ენების ცოდნა (სასურველია).

2. ბრძანება ამოქმედდეს გამოქვეყნებისთანავე.

ა. ლომაია