1. სტაციონარული, ამბულატორიული და სარეაბილიტაციო სამედიცინო მომსახურების დაფინანსების მისაღებად წარსადგენი დოკუმენტაცია:

ა) განცხადება მუნიციპალიტეტის მერის სახელზე;

ბ) მოსარგებლის პირადობის დამადასტურებელი დოკუმენტი ან/და დაბადების მოწმობა;

გ) მშობლის/კანონიერი წარმომადგენლის დამადასტურებელი დოკუმენტი;

დ) მინდობით აღზრდაში მყოფი ბავშვის დაბადების ან/და პირადობის დამადასტურებელი დოკუმენტი, მინდობით აღზრდის დამადასტურებელი დოკუმენტი;

ე) სამედიცინო დაწესებულების მიერ  გაცემული ცნობა ჯანმრთელობის მდგომარეობის შესახებ  (სამედიცინო დოკუმენტაცია ფორმა №IV-100/ა), რომელშიც მითითებული უნდა იყოს პირის ძირითადი დიაგნოზი ICD-10-ის მიხედვით;

ვ) ანგარიშ - ფაქტურა ან/და ინვოისი სამედიცინო მომსახურების მიმწოდებლისგან;

ზ) დაბადებიდან 18 წლამდე პირების სარეაბილიტაციო სამედიცინო მომსახურების მისაღებად მოსარგებლის მიერ წარმოდგენილი უნდა იქნეს „სოციალური რეაბილიტაციისა და ბავშვზე ზრუნვის 2026 წლის სახელმწიფო პროგრამაში“ მომსახურების მიმწოდებლად რეგისტრირებული სამედიცნო სარეაბილიტაციო დაწესებულების მიერ გაცემული ანგარიშ-ფაქტურა;

თ) სოციალურად დაუცველი ოჯახების ერთიან ბაზაში რეგისტრირებული პირის შემთხვევაში სსიპ „სოციალური მომსახურების სააგენტოს“ მიერ გაცემული სარეიტინგო ქულის დამადასტურებელი დოკუმენტი;

ი) შეზღუდული შესაძლებლობის სტატუსის დამადასტურებელი დოკუმენტი - სამედიცინო სოციალური ექსპერტიზის (სსე) აქტი ფორმა NIV-50/4.

2. მედიკამენტებით უზრუნველყოფის პროგრამით სარგებლობისთვის მოსარგებლემ უნდა წარმოადგინოს:

ა) სამედიცინო დაწესებულების მიერ  გაცემული ცნობა ჯანმრთელობის მდგომარეობის შესახებ  (სამედიცინო დოკუმენტაცია ფორმა №IV-100/ა), რომლის გაცემის დღიდან გასულია არაუმეტეს 30 (ოცდაათი) კალენდარული დღე, გარდა ონკოლოგიური პაციენტებისა,  ხოლო ჰემოდიალიზზე მყოფმა პირებმა უნდა წარმოადგინონ წმ. პანტელეიმონ მკურნალის სახელობის კლინიკიდან გაცემული ჯანმრთელობის მდგომარეობის შესახებ სამედიცინო ცნობა-ფორმა №IV-100/ა,  (დედანი) ერთჯერადად წლის დასაწყისში;

ბ) ჯანმრთელობის მდგომარეობის შესახებ სამედიცინო ცნობაში (სამედიცინო დოკუმენტაცია ფორმა №IV-100/ა) მკურნალი ექიმის  მიერ აღნიშნული უნდა იყოს იმ მედიკამენტების ჩამონათვალი, რომლის მიღება ბინაზე მკურნალობის დროს სასიცოცხლოდ მნიშვნელოვანია პაციენტის ჯანმრთელობისთვის, ან/და მკურნალი ექიმის მიერ ბინაზე გაწერის დღეს გაცემული რეცეპტი;

გ) შეზღუდული შესაძლებლობის სტატუსის დამადასტურებელი დოკუმენტი - სამედიცინო სოციალური ექსპერტიზის (სსე) აქტი ფორმა NIV-50/