„საქართველოს შინაგან საქმეთა სამინისტროს საექსპერტო-კრიმინალისტიკური მთავარი სამმართველოს დებულების დამტკიცების შესახებ“ საქართველოს შინაგან საქმეთა მინისტრის 2007 წლის 15 ივნისის №849 ბრძანებაში ცვლილებების შეტანის თაობაზე

სახელმწიფო სარეგისტრაციო კოდი 140.010.000.22.034.011.165

საქართველოსშინაგანსაქმეთა მინისტრის

ბრძანება№1521

2007 წლის 27 ნოემბერი

ქ. თბილისი

,,საქართველოსშინაგანსაქმეთასამინისტროსსაექსპერტო-კრიმინალისტიკურიმთავარისამმართველოსდებულებისდამტკიცებისშესახებ“ საქართველოსშინაგანსაქმეთამინისტრის 2007 წლის 15 ივნისის№849 ბრძანებაშიცვლილებებისშეტანისთაობაზე

,,ნორმატიული აქტების შესახებ“ საქართველოს კანონის 36-ე მუხლისა და ,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა“ და ,,ნ“ ქვეპუნქტების საფუძველზე, ვბრძანებ:

მუხლი 1. ,,საქართველოს შინაგან საქმეთა სამინისტროს საექსპერტო-კრიმინალისტიკური მთავარი სამმართველოს დებულების დამტკიცების შესახებ“ საქართველოს შინაგან საქმეთა მინისტრის 2007 წლის 15 ივნისის №849 ბრძანებით დამტკიცებულ დებულებაში (სსმ III, 20.06.2007წ., №85, მუხ.909) შეტანილ იქნეს შემდეგი ცვლილებები:

1. დებულების მე-5 მუხლის მე-4 პუნქტი ჩამოყალიბდეს შემდეგი რედაქციით:

,,4. მთავარი სამმართველოს უფროსის ერთ-ერთი მოადგილე ხელმძღვანელობს და პასუხისმგებელია მთავარი სამმართველოს ნარკოლოგიური შემოწმების სამსახურისა და რეგიონალური დანაყოფების საქმიანობაზე.“.

2. დებულების მე-6 მუხლის პირველი პუნქტი ჩამოყალიბდეს შემდეგი რედაქციით:

,,1. მთავარი სამმართველოს სტრუქტურული დანაყოფებია:

ა) საექსპერტო-კრიმინალისტიკური კვლევის სამმართველო;

ბ) ნარკოლოგიური შემოწმების სამსახური;

გ) ორგანიზაციული უზრუნველყოფის განყოფილება;

დ) კინოლოგიის განყოფილება;

ე) რეგიონალური დანაყოფები.“.

3. დებულების მე-8 მუხლი ჩამოყალიბდეს შემდეგი რედაქციით:

    ,,მუხლი 8. ნარკოლოგიური შემოწმების სამსახურის კომპეტენცია

1. ნარკოლოგიური შემოწმების სამსახურის კომპეტენციაა:

ა) კანონმდებლობით დადგენილი წესით უზრუნველყოს ორგანიზაციული საკითხების გადაწყვეტა;

ბ) კანონმდებლობით დადგენილი წესით ნარკოლოგიური გამოკვლევებისა და ექსპერტიზების განხორციელება, შესაბამისი დასკვნის გაცემა;

გ) ნარკოლოგიური გამოკვლევებისა და ექსპერტიზის განხორციელებისათვის სამსახურისა და რეგიონალური დანაყოფების საჭირო საშუალებებით მომარაგებასა და მათ ხარჯვაზე კონტროლი;

დ) უზრუნველყოს გამოკვლევის პროცესში მიღებული ბიოლოგიური მასალის დალუქვა-შენახვა.

2. ნარკოლოგიური შემოწმების სამსახურის საქმიანობაზე პასუხისმგებელია მთავარი სამმართველოს უფროსის ერთ-ერთი მოადგილე.“.

4. დებულების მე-11 მუხლი ჩამოყალიბდეს შემდეგი რედაქციით:

    ,,მუხლი 11. ორგანიზაციული უზრუნველყოფის განყოფილება

1. ორგანიზაციული უზრუნველყოფის განყოფილების კომპეტენციაა:

ა) მთავარ სამმართველოში განსახილველად შემოსული, კონტროლზე აყვანილი დოკუმენტების აღრიცხვა, მათი შესრულების კონტროლი და ანალიზი, მთავარი სამმართველოს კორესპონდენციების მიღება-დაგზავნა, მთავარი სამმართველოს მიერ მომზადებული, შემოსული და გასული დოკუმენტების რეგისტრაცია;

ბ) მთავარი სამმართველოს სტრუქტურული დანაყოფების საქმიანობის მონიტორინგი, ექსპერტიზების ხარისხის გაუმჯობესების ხელშეწყობა უახლესი მეთოდების, სტანდარტების, პროგრამების, აპარატურის აქტიურად მოძიების, შემუშავებისა და დანერგვის გზით;

გ) თანამშრომელთა საშემსრულებლო დისციპლინის კონტროლი;

დ) მთავარ სამმართველოს კომპეტენციას მიკუთვნებულ საკითხებზე ნორმატიული აქტების პროექტების შემუშავება, მინისტრის ბრძანებებისა და სხვა სამართლებრივი აქტების გაცნობა პირადი შემადგენლობისათვის;

ე) მთავარ სამმართველოში შესრულებული ექსპერტიზების, გამოკვლევების და მათზე დართული ნივთიერი მტკიცებულებების შენახვა და გაცემა, გარდა ამ დებულების მე-8 მუხლის პირველი პუნქტის ,,დ“ ქვეპუნქტით გათვალისწინებული შემთხვევისა.

2. ორგანიზაციული უზრუნველყოფის განყოფილების საქმიანობაზე პასუხისმგებელია მთავარი სამმართველოს უფროსი.“.

მუხლი 2. ბრძანება ამოქმედდეს გამოქვეყნებისთანავე.

ი. მერაბიშვილი