„საქართველოს საბიუჯეტო კოდექსში ცვლილების შეტანის შესახებ“

პროექტი საქართველოს კანონი საქართველოს საბიუჯეტო კოდექსში ცვლილების შეტანის შესახებ მუხლი 1. საქართველოს საბიუჯეტო კოდექსში (საქართველოს საკანონმდებლო მაცნე, №47, 28.12.2009, მუხ. 361) შეტანილ იქნეს შემდეგი ცვლილება: 1. 31-ე მუხლის მე-7 ნაწილი ჩამოყალიბდეს შემდეგი რედაქციით: „7. თუ სახელმწიფო ბიუჯეტის დაფინანსებაზე მყოფი საბიუჯეტო ორგანიზაციის საჯარო შესყიდვების გეგმაში ცვლილებების შეტანა იწვევს დაზუსტებული ბიუჯეტით გათვალისწინებული ასიგნებების გადანაწილებას, საბიუჯეტო ორგანიზაციამ საჯარო შესყიდვების გეგმაში ცვლილებების შეტანამდე უნდა განახორციელოს შესაბამის პროგრამებს, ქვეპროგრამებსა და საბიუჯეტო კლასიფიკაციის მუხლებს შორის თანხების გადანაწილება ამ მუხლით დადგენილი წესის შესაბამისად.“. 2. კოდექსის დანართის („შემოსულობების საქართველოს სახელმწიფო, აფხაზეთისა და აჭარის ავტონომიური რესპუბლიკების რესპუბლიკურ და მუნიციპალიტეტების ბიუჯეტებს შორის განაწილება პროცენტული მაჩვენებლების მიხედვით“) ცხრილის 25-ე გრაფა ამოღებულ იქნეს. მუხლი 2. 1. ეს კანონი, გარდა ამ კანონის პირველი მუხლის მე-2 პუნქტისა, ამოქმედდეს 2025 წლის 1 იანვრიდან. 2. ამ კანონის პირველი მუხლის მე-2 პუნქტი ამოქმედდეს გამოქვეყნებისთანავე. საქართველოს პრეზიდენტი სალომე ზურაბიშვილი

განმარტებითი ბარათი საქართველოს კანონის პროექტზე „საქართველოს საბიუჯეტო კოდექსში ცვლილების შეტანის შესახებ“ ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტის მიღება განპირობებულია „საჯარო შესყიდვების შესახებ“ საქართველოს კანონის პროექტის შემუშავებით, რომლითაც ასოცირების შეთანხმებაში მოცემული „საჯარო შესყიდვებისა და 2004/18/EC დირექტივის გაუქმების შესახებ“ 2014 წლის 26 თებერვლის ევროპარლამენტისა და საბჭოს 2014/24/EU დირექტივასა და „პროდუქციის მიწოდების და სამუშაოების შესრულების შესახებ საჯარო ხელშეკრულებებთან დაკავშირებული დავების განხილვის პროცედურების გამოყენების შესახებ კანონების, რეგულაციების და ადმინისტრაციული დებულებების კოორდინაციის თაობაზე“ 1989 წლის 21 დეკემბრის ევროსაბჭოს 89/665/EEC დირექტივასთან დაახლოების II და IV ფაზებით დადგენილი რეგულაციების იმპლემენტაცია ხორციელდება ეროვნულ კანონმდებლობაში. კანონპროექტის მიღება, ასევე, განპირობებულია „სახელმწიფო შესყიდვების შესახებ“ საქართველოს კანონში 2010 წელს განხორციელებული ცვლილებებით, რომლის თანახმად, სატენდერო მოსაკრებელი გაუქმებულ იქნა. შესაბამისად, კანონმდებლობის სრულყოფის მიზნით, მიზანშეწონილად იქნა მიჩნეული საქართველოს საბიუჯეტო კოდექსის დანართის ცხრილის 25-ე გრაფის ამოღება, ვინაიდან აღნიშნული გრაფით დარეგულირებული სახელმწიფო, აფხაზეთისა და აჭარის ავტონომიური რესპუბლიკების რესპუბლიკურ და მუნიციპალიტეტების ბიუჯეტებს შორის სატენდერო მოსაკრებლის განაწილების მექანიზმი არ შეესაბამება მოქმედ „სახელმწიფო შესყიდვების შესახებ“ საქართველოს კანონს. მეტიც, მოქმედი „სახელმწიფო შესყიდვების შესახებ“ საქართველოს კანონი საერთოდ არ იცნობს სატენდერო მოსაკრებლის ცნებას. საგულისხმოა, რომ „საჯარო შესყიდვების შესახებ“ საქართველოს კანონის პროექტის თანახმად, კარდინალურად იცვლება საჯარო შესყიდვებთან დაკავშირებული არაერთი საკითხი, მათ შორის, ინერგება ბევრი ახალი ინსტიტუტი და თავად სფეროს დასახელებაც განიცდის ცვლილებას. ამასთანავე, რამდენადაც ტერმინი - „სახელმწიფო შესყიდვა“ არ უკავშირდება მხოლოდ სახელმწიფოს, „საჯარო შესყიდვების შესახებ“ საქართველოს კანონის პროექტით ხსენებული ტერმინი ნაცვლდება ტერმინით - „საჯარო შესყიდვა“. აღნიშნული ტერმინოლოგიური ცვლილების საჭიროების გათვალისწინებით, მიზანშეწონილად იქნა მიჩნეული საქართველოს საბიუჯეტო კოდექსის „საჯარო შესყიდვების შესახებ“ საქართველოს კანონის პროექტთან შესაბამისობაში მოყვანა და კოდექსში არსებული ტერმინის „სახელმწიფო შესყიდვის“ ჩანაცვლება ტერმინით - „საჯარო შესყიდვა“. ა.ა.ბ) არსებული პრობლემის გადასაჭრელად კანონის მიღების აუცილებლობა: კანონპროექტის მიღების აუცილებლობა გამოწვეულია „საჯარო შესყიდვების შესახებ“ საქართველოს კანონის პროექტთან საქართველოს საბიუჯეტო კოდექსის შესაბამისობის, ასევე, მისი „სახელმწიფო შესყიდვების შესახებ“ საქართველოს კანონის მოქმედ რედაქციასთან შესაბამისობის საჭიროებით. ა.ბ) კანონპროექტის მოსალოდნელი შედეგები: კანონპროექტის მიღებით საქართველოს საბიუჯეტო კოდექსი შესაბამისობაში იქნება მოყვანილი „საჯარო შესყიდვების შესახებ“ საქართველოს კანონის პროექტთან. ასევე „სახელმწიფო შესყიდვების შესახებ“ საქართველოს კანონის მოქმედ რედაქციასთან. ა.გ) კანონპროექტის ძირითადი არსი: კანონპროექტი ითვალისწინებს ტერმინოლოგიურ ცვლილებას. წარმოდგენილი ცვლილების პროექტის თანახმად, ტერმინი „სახელმწიფო შესყიდვა“ ჩანაცვლდება ტერმინით — „საჯარო შესყიდვა“, რითიც საქართველოს საბიუჯეტო კოდექსი შესაბამისობაში იქნება მოყვანილი „საჯარო შესყიდვების შესახებ“ საქართველოს კანონის პროექტთან. კანონპროექტი ასევე ითვალისწინებს საქართველოს საბიუჯეტო კოდექსის დანართის ცხრილის 25-ე გრაფის ამოღებას, კანონმდებლობის სრულყოფის მიზნით, ვინაიდან აღნიშნული გრაფით დარეგულირებული სახელმწიფო, აფხაზეთისა და აჭარის ავტონომიური რესპუბლიკების რესპუბლიკურ და მუნიციპალიტეტების ბიუჯეტებს შორის სატენდერო მოსაკრებლის განაწილების მექანიზმი არ შეესაბამება მოქმედ „სახელმწიფო შესყიდვების შესახებ“ საქართველოს კანონს. მეტიც, მოქმედი „სახელმწიფო შესყიდვების შესახებ“ საქართველოს კანონი საერთოდ არ იცნობს სატენდერო მოსაკრებლის ცნებას. კერძოდ „სახელმწიფო შესყიდვების შესახებ“ საქართველოს კანონის 2010 წლის 1 დეკემბრამდე მოქმედი რედაქციის მე-19 მუხლის პირველი პუნქტის თანახმად, სატენდერო დოკუმენტაციის მიღებისათვის დაწესებული იყო სატენდერო მოსაკრებელი. სატენდერო მოსაკრებელთან ერთად, აღნიშნული პუნქტი ასევე ითვალისწინებდა სატენდერო წინადადების წარდგენისთვის საფასურს. ამავე მუხლის მეორე პუნქტით კი აგრეთვე განსაზღვრული იყო ადგილობრივი სატენდერო მოსაკრებლის დადგენის შესაძლებლობა. 2010 წლის 1 დეკემბერს ამოქმედებული ცვლილების შემდეგ, „სახელმწიფო შესყიდვების შესახებ“ საქართველოს კანონი სატენდერო დოკუმენტაციის მიღებისათვის არ ითვალისწინებს სატენდერო მოსაკრებლის გადახდის ვალდებულებას, მეტიც, კანონი საერთოდ არ იცნობს „სატენდერო მოსაკრებლის ცნებას. 2010 წლის 1 დეკემბრიდან კანონი ითვალისწინებს წინადადების წარდგენის საფასურს, რომელიც „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ო“ ქვეპუნქტის თანახმად, წარმოადგენს სახელმწიფო შესყიდვების სააგენტოს ანგარიშზე გადასახდელ სავალდებულო თანხას. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიციირებული კანონპროექტის შემთხვევაში): ასეთი არ არსებობს. ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში - აღნიშნულის თაობაზე შესაბამისი დასაბუთება: კანონპროექტის ძალაში შესვლა, გარდა კანონის პირველი მუხლის მე-2 პუნქტისა, გათვალისწინებულია 2025 წლის 1 იანვრიდან, ვინაიდან, მისი ამოქმედება დაკავშირებულია „საჯარო შესყიდვების შესახებ“ საქართველოს კანონის პროექტის ძირითადი დებულებების ამოქმედებასთან, ხოლო ამ კანონის პირველი მუხლის მე-2 პუნქტი, ამოქმედდება გამოქვეყნებისთანავე, ვინაიდან, მნიშვნელოვანია მისი დროული ამოქმედება. წარმოდგენილი კანონპროექტი არ ითვალისწინებს კანონისთვის უკუძალის მინიჭებას. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): კანონპროექტის დაჩქარებული წესით განხილვა არ არის მოთხოვნილი. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს სახელმწიფო ბიუჯეტიდან დამატებითი ხარჯების გამოყოფას. ბ.ბ) კანონპროექტის გავლენა სახელმწიფო ან/და მუნიციპალიტეტის ბიუჯეტის საშემოსავლო ნაწილზე: კანონპროექტის მიღება გავლენას არ მოახდენს სახელმწიფო ან მუნიციპალიტეტის ბიუჯეტის საშემოსავლო ნაწილზე. საქართველოს საბიუჯეტო კოდექსის დანართის ცხრილის 25-ე გრაფის ამოღებასთან დაკავშირებით, დამატებით უნდა აღინიშნოს, რომ ცვლილება განპირობებულია „სახელმწიფო შესყიდვების შესახებ“ საქართველოს კანონში განხორციელებული ცვლილებებით, რომელიც ამოქმედდა 2010 წლის 1 დეკემბრიდან. აღნიშნული ცვლილების შედეგად, სატენდერო მოსაკრებელი გაუქმებულ იქნა. მოქმედი „სახელმწიფო შესყიდვების შესახებ“ საქართველოს კანონი საერთოდ არ იცნობს სატენდერო მოსაკრებლის ცნებას. კერძოდ „სახელმწიფო შესყიდვების შესახებ“ საქართველოს კანონის 2010 წლის 1 დეკემბრამდე მოქმედი რედაქციის მე-19 მუხლის პირველი პუნქტის თანახმად, სატენდერო დოკუმენტაციის მიღებისათვის დაწესებული იყო სატენდერო მოსაკრებელი. სატენდერო მოსაკრებელთან ერთად, აღნიშნული პუნქტი ასევე ითვალისწინებდა სატენდერო წინადადების წარდგენისთვის საფასურს, ამავე მუხლის მეორე პუნქტით კი, განსაზღვრული იყო ადგილობრივი სატენდერო მოსაკრებლის დადგენის შესაძლებლობა. 2010 წლის 1 დეკემბერს ამოქმედებული ცვლილების შემდეგ, „სახელმწიფო შესყიდვების შესახებ“ საქართველოს კანონი სატენდერო დოკუმენტაციის მიღებისათვის არ ითვალისწინებს სატენდერო მოსაკრებლის გადახდის ვალდებულებას, მეტიც, კანონი საერთოდ არ იცნობს „სატენდერო მოსაკრებლის ცნებას. 2010 წლის 1 დეკემბრიდან კანონი ითვალისწინებს წინადადების წარდგენის საფასურს, რომელიც „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ო“ ქვეპუნქტის თანახმად, წარმოადგენს სახელმწიფო შესყიდვების სააგენტოს ანგარიშზე გადასახდელ სავალდებულო თანხას. ამდენად, საქართველოს საბიუჯეტო კოდექსის დანართის ცხრილის 25-ე გრაფის ამოღება გავლენას არ მოახდენს სახელმწიფო ან მუნიციპალიტეტის ბიუჯეტის საშემოსავლო ნაწილზე. ბ.გ) კანონპროექტის გავლენა სახელმწიფო ან/და მუნიციპალიტეტის ბიუჯეტის ხარჯვით ნაწილზე: წინამდებარე კანონპროექტის მიღება არ გამოიწვევს სახელმწიფო ან მუნიციპალიტეტის ბიუჯეტის ხარჯვითი ნაწილის ცვლილებებს. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო და საგარეო ვალდებულებები) მითითებით: კანონპროექტის მიღება არ ითვალისწინებს სახელმწიფოს ან მის სისტემაში არსებული უწყების მიერ პირდაპირი ფინანსური ვალდებულების აღებას. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: კანონპროექტის მიღება არ ითვალისწინებს ფინანსურ შედეგებს, იმ პირთათვის, რომელთა მიმართაც ვრცელდება კანონპროექტის მოქმედება. საქართველოს საბიუჯეტო კოდექსის დანართის ცხრილის 25-ე გრაფის ამოღებასთან დაკავშირებით, დამატებით უნდა აღინიშნოს, რომ ცვლილება განპირობებულია „სახელმწიფო შესყიდვების შესახებ“ საქართველოს კანონში განხორციელებული ცვლილებებით, რომელიც ამოქმედდა 2010 წლის 1 დეკემბრიდან. აღნიშნული ცვლილების შედეგად, სატენდერო მოსაკრებელი გაუქმებულ იქნა. მოქმედი „სახელმწიფო შესყიდვების შესახებ“ საქართველოს კანონი საერთოდ არ იცნობს სატენდერო მოსაკრებლის ცნებას. კერძოდ „სახელმწიფო შესყიდვების შესახებ“ საქართველოს კანონის 2010 წლის 1 დეკემბრამდე მოქმედი რედაქციის მე-19 მუხლის პირველი პუნქტის თანახმად, სატენდერო დოკუმენტაციის მიღებისათვის დაწესებული იყო სატენდერო მოსაკრებელი. სატენდერო მოსაკრებელთან ერთად, აღნიშნული პუნქტი ასევე ითვალისწინებდა სატენდერო წინადადების წარდგენისთვის საფასურს. ამავე მუხლის მეორე პუნქტით კი აგრეთვე განსაზღვრული იყო ადგილობრივი სატენდერო მოსაკრებლის დადგენის შესაძლებლობა. 2010 წლის 1 დეკემბერს ამოქმედებული ცვლილების შემდეგ, „სახელმწიფო შესყიდვების შესახებ“ საქართველოს კანონი სატენდერო დოკუმენტაციის მიღებისათვის არ ითვალისწინებს სატენდერო მოსაკრებლის გადახდის ვალდებულებას, მეტიც, კანონი საერთოდ არ იცნობს „სატენდერო მოსაკრებლის ცნებას. 2010 წლის 1 დეკემბრიდან კანონი ითვალისწინებს წინადადების წარდგენის საფასურს, რომელიც „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ო“ ქვეპუნქტის თანახმად, წარმოადგენს სახელმწიფო შესყიდვების სააგენტოს ანგარიშზე გადასახდელ სავალდებულო თანხას. ამდენად, საქართველოს საბიუჯეტო კოდექსის დანართის ცხრილის 25-ე გრაფის ამოღება არ ითვალისწინებს ფინანსურ შედეგებს, იმ პირთათვის, რომელთა მიმართაც ვრცელდება კანონპროექტის მოქმედება. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: კანონპროექტი არ ითვალისწინებს გადასახადის, მოსაკრებლის ან სხვა სახის გადასახდელის (ფულადი შენატანის) დადგენას. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება: კანონპროექტის მიღება არ ახდენს გავლენას ბავშვის უფლებრივ მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს. გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი: კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. აგრეთვე, კანონპროექტის მიღება არ უკავშირდება რომელიმე ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა. ე) კანონპროექტის ავტორი: საჯარო სამართლის იურიდიული პირი − სახელმწიფო შესყიდვების სააგენტო. ვ) კანონპროექტის ინიციატორი: საქართველოს მთავრობა.