1. ამ დებულების მიზანია საქართველოს საბანკო სისტემაში დროის რეალურ რეჟიმში ანგარიშსწორების სისტემის (RTGS) მონაწილე სუბიექტებს შორის ელექტრონული ურთიერთობის (ელექტრონულ-ციფრული ხელმოწერით დამოწმებული საბუთების გაცვლისას წარმოქმნილი ურთიერთობა) მოწესრიგება, ელექტრონულ საბუთში ელექტრონულ-ციფრული ხელმოწერის გამოყენების პირობებისა და წესების უზრუნველყოფა, რომელთა დაცვის შემთხვევაში ელექტრონულ-ციფრული ხელმოწერა ითვლება ქაღალდის საბუთზე არსებული პირადი ხელმოწერის ტოლფასად.
2. ურთიერთობის მოწესრიგება ხდება როგორც ამ დებულებით, ისე დროის რეალურ რეჟიმში ანგარიშსწორების სისტემის (შემდგომში – სისტემა) მონაწილეთა შორის დადებული ხელშეკრულებებით, საგადამხდელო სისტემებთან დაკავშირებული ნორმატიული დოკუმენტებით და მოქმედი კანონმდებლობით.
3. ამ დებულების მოქმედება ვრცელდება ანგარიშსწორების სისტემის მონაწილე სუბიექტებზე, რომლებიც სარგებლობენ ელექტრონული საბუთებით და ელექტრონულ-ციფრული ხელმოწერებით.
4. მომხმარებელთა იმ უფლებების დაცვას, რომლებსაც არ აწესრიგებს ეს დებულება, აგვარებს საქართველოს კანონმდებლობ