ხელმოწერის ტოლფასოვნად ცნობის პირობები
1. ელექტრონულ საბუთს ქაღალდის საბუთის ტოლფასი იურიდიული ძალა აქვს, თუ მისი შედგენა, გადაცემა, დამუშავება და შენახვა ხდება ამ დებულებით, სისტემის ორგანიზატორსა და მონაწილეს შორის გაფორმებული ხელშეკრულებებით, საგადამხდელო სისტემებთან დაკავშირებული ნორმატიული დოკუმენტებით განსაზღვრული მოთხოვნების შესაბამისად.
2. ელექტრონულ საბუთში ელექტრონულ-ციფრული ხელმოწერა ითვლება ქაღალდის საბუთზე არსებული პირადი ხელმოწერის ტოლფასად იმ პირობების ერთდროულად დაცვის შემთხვევაში, როდესაც:
ა) ელექტრონულ-ციფრული ხელმოწერის და შიფრაციის გასაღებების პასპორტი არის მოქმედი, ელექტრონული საბუთის ხელმოწერის (ან მისი შემოწმების) მომენტში;
ბ) არსებობს ხელმოწერის მომენტის დამადასტურებელი დასაბუთებები;
გ) ელექტრონული ხელმოწერა შემოწმებულია ღია გასაღებით (მიმღების მიერ) და დადასტურებულია ელექტრონულ-ციფრული ხელმოწერის ნამდვილობა;
დ) ელექტრონულ-ციფრული ხელმოწერის გამოყენება ხდება ხელმოწერის გასაღების პასპორტში მითითებული მონაცემების შესაბამისად