1. ელექტრონულ საბუთს ადგენს სისტემის ორგანიზატორი განსაზღვრული უსაფრთხოების პროცედურების მიხედვით.
2. სისტემის მონაწილე ელექტრონულ საბუთს, მისი ფორმირების შემდეგ, ადასტურებს თავისი ელექტრონულ-ციფრული ხელმოწერით და ახდენს მის შიფრაციას.
3. სისტემის ორგანიზატორის (ან მონაწილის) მიერ ელექტრონული საბუთი ითვლება გაგზავნილად იმ მომენტიდან, როდესაც საბუთი გადის მისი კონტროლის არედან და მიღებული აქვს შესაბამისი დასტური. კონტროლის არედან გასვლაში იგულისხმება საბუთის უკან დაბრუნების, მასში ცვლილების შეტანის ან გაუქმების შეუძლებლობა საბუთის მიმღები პირის თანხმობის გარეშე.
4. სისტემის ორგანიზატორის (ან მონაწილის) მიერ ელექტრონული საბუთი ითვლება მიღებულად იმ მომენტიდან, როდესაც ამ უკანასკნელს ეძლევა საბუთის წვდომის საშუალება.
5. ელექტრონული საბუთის მიღება-გადაცემის დასტური იგზავნება დაუყოვნებლივ (სისტემის მიერ – პროგრამულ-ტექნიკური საშუალებებით).
6. ელექტრონული საბუთის მიღების დადასტურება ნიშნავს, რომ დადგენილია საბუთის ნამდვილობის ფაქტი.
7. ელექტრონული საბუთის გაგზავნისას (ან მიღებისას) როგორც გამგზავნს, ისე მიმღებს უნდა დარჩეს ელექტრონული საბუთის გაგზავნის (ან მიღების) დასაბუთება (დასტური), რომელიც შეიძლება არსებობდეს ელექტრონული ან ქაღალდის საბუთის სახით.
8. სისტემაში საკორესპონდენტო ანგარიშიდან თანხის ჩამოწერა და მისი მოკორესპონდენტო ანგარიშზე ასახვა ხდება დროის ერთსა და იმავე მომენტში (რეალურ დროში), ამდენად გადარიცხვა იღებს დასრულებულის სტატუსს იმავე მომენტიდან (გადამხდელის ბანკი კარგავს, ხოლო მიმღების ბანკი იღებს სახსრების საკუთრების უფლებას)