1. სისტემის მონაწილე ვალდებულია ბრძანებით დანიშნოს ელექტრონულ-ციფრული ხელმოწერის უფლებამოსილი პირი – ადმინისტრატორი. ადმინისტრატორის შეცვლის შემთხვევაში დაუყოვნებლივ შეატყობინოს ეს სისტემის ორგანიზატორს.
2. ადმინისტრატორი ვალდებულია პირადად გამოცხადდეს სისტემის ორგანიზატორთან – სისტემის უსაფრთხოების ადმინისტრატორთან, გაიაროს სათანადო ინსტრუქტაჟი, დამოუკიდებლად მოახდინოს ელექტრონული გასაღების კომპლექტის (ღია და დახურული) გენერირება.
3. გასაღების კომპლექტი გადაეცემა სისტემის უსაფრთხოების ადმინისტრატორს დაშიფრული სახით.
4. სისტემის უსაფრთხოების ადმინისტრატორი აფორმებს და გადასცემს ელექტრონულ-ციფრული ხელმოწერის გასაღებების პასპორტს.
5. სისტემის ადმინისტრატორი მონაწილის ადმინისტრატორს გადასცემს და იღებს მისგან ღია გასაღებების კომპლექტს.
6. შემოწმების შემდეგ ადმინისტრატორები ახდენენ ხელმოწერის გასაღებების პასპორტის 2 ეგზემპლარის ორმხრივ ხელმოწერას, რომელთაგან თითო 10 წელი ინახება მხარეებთან.
7. გასაღებების შეცვლის შემთხვევაში მხარე, რომელიც ახდენს შეცვლის ინიციირებას, ვალდებულია დროულად შეატყობინოს მეორე მხარეს ამ პროცედურის გატარების აუცილებლობა.
8. ერთ-ერთი მხარის ინიციატივით გასაღებების აუცილებელი შეცვლა ხდება, როდესაც გასულია გასაღებების კომპლექტის მოქმედების ვადა, მოხდა გასაღებების კომპრომეტირება ან შეიცვალა მონაწილის ადმინისტრატორი.
9. გასაღებების მოქმედების ვადა დგინდება მხარეთა შეთანხმებით. დადგენილი ვადის გასვლის შემთხვევაში გასაღებების გამოცვლა სავალდებულია. შეიძლება გასაღებების გამოცვლა მათი მოქმედების ვადის გასვლამდე ნებისმიერ დროს, ერთ-ერთი მხარის სურვილით.
10. გასაღებების შეცვლის შემდეგ მონაწილე ვალდებულია ელექტრონულ საბუთებთან ერთად შეინახოს ხმარებიდან ამოღებული გასაღებების კომპლექტი შესაბამისი შიფრაცია-დეშიფრაციის პროგრამული უზრუნველყოფის ვერსიებით არანაკლებ 10 წელი.
11. მონაწილე ვალდებულია დამოუკიდებლად უზრუნველყოს გასაღებების შენახვა და დაცვა გავრცელებისა და გაცხადებისაგან