სახელმწიფო ტყის ფონდის ჩხოროწყუს სატყეო უბნის მუხურის და თაიას სატყეოებიდან 22660.00მ მიწის ფართობის ამორიცხვის შესახებ

საქართველოს მთავრობის

დადგენილება №218

2011 წლის 24 მაისი

ქ. თბილისი

სახელმწიფო ტყის ფონდის ჩხოროწყუს  სატყეო უბნის მუხურის და თაიას  სატყეოებიდან 22660.00 მ² მიწის ფართობის ამორიცხვის შესახებ

მუხლი 1. „სახელმწიფო ტყის ფონდის საზღვრის დადგენის წესის შესახებ“  საქართველოს მთავრობის 2010 წლის 13 აგვისტოს N240 დადგენილებით დამტკიცებული წესის მე-4 მუხლის შესა­ბამისად, მოწონებულ იქნეს საქართველოს ენერგეტიკისა და ბუ­ნე­ბრივი რესურსების სამინისტროსა და შპს „ქართული საინვესტიციო ჯგუფი ენერგიის“წინადადება და საქართველოს მთავრობასთან გაფორმებული ურთიერთგაგების მემორანდუმის საფუძველზე, მდი­ნარე ხობისწყალზე განსახორციელებელი ჰესების მშენებლობის კას­კადებიდან, პირველი ხობი-2 ჰესის მშენებლობისათვის ჩხოროწყუს მუნიციპალიტეტის ტერიტორიაზე შერჩეული 22660.00 მ² ფართობის მიწის ნაკვეთები, რომლებიც მდებარეობს სახელმწიფო ტყის ფონდის ჩხოროწყუს სატყეო უბნის მუხურის (ყოფილი საკოლმეურნეო ტყე) და თაიას სატყეოებში, დანართის შესაბამისად, ამოირიცხოს სახელმწიფო ტყის ფონდიდან მათი საქართველოს კანონმდებლობის შესაბამისად განკარგვის მიზნით.

მუხლი 2. საქართველოს ეკონომიკისა და მდგრადი განვი­თარების სამინისტრომ ამ დადგენილების პირველი მუხლის შესრუ­ლების მიზნით უზრუნველყოს თავის კომპეტენციაში შემავალი საკითხების კანონმდებლობით დადგენილი წესით განხორციელება.

მუხლი 3. სახელმწიფო ტყის ფონდიდან ამორიცხულ ტერი­ტორიაზე ხე-ტყის ჭრის, მისი საჭიროების შემთხვევაში, რეგულირება მოხდეს შესაბამისი საკანონმდებლო  მოთხოვნების მიხედვით.

მუხლი4.დადგენილება ამოქმედდეს გამოქვეყნების­თა­ნავე.

პრემიერ-მინისტრი                                                                                         ნ. გილაური

დანართი

მდინარე ხობისწყალზე ჰესების კასკადიდან პირველი ხობი-2 ჰესის       მშენებლობისათვის ჩხოროწყუს სატყეო უბნის ტყის ფონდიდან ამოსარიცხი ფართობების ნუსხა