ქ. ქუთაისში შპს "საფეხბურთო კლუბი ტორპედო ქუთაისის" საწვრთნელი პროცესის სრულყოფისა და ბავშვთა ფეხბურთის განვითარების ხელშეწყობისათვის სახელმწიფო ტყის ფონდიდან 5016 მ2 მიწის ფართობის ამორიცხვის შესახებ

საქართველოს მთავრობის

დადგენილება №66

2011 წლის 8 თებერვალი

ქ. თბილისი

ქ. ქუთაისში შპს,,საფეხბურთო კლუბი ტორპედო ქუთაისის“ საწვრთნელი პროცესის სრულყოფისა და ბავშვთა ფეხბურთის განვითარების ხელშეწყობისათვის სახელმწიფო ტყის ფონდიდან5016მ²მიწის ფართობის ამორიცხვის შესახებ

მუხლი1.საქართველოს ტყის კოდექსის მე-18მუხლის პირ­ველი და მე-2ნაწილებისა და ,,სახელმწიფო ტყის ფონდის სა­ზღვრის დადგენის წესის შესახებ“ საქართველოს მთავრობის2010წლის13აგვისტოს№240დადგენილებით დამტკიცებული წესის მე-4მუხლის შესაბამისად მოწონებულ იქნეს ბაღდათის, ვანის, ზესტაფონის, თერჯოლის, სამტრედიის, საჩხერის, ტყი­ბულის, წყალტუბოს, ჭიათურის, ხარაგაულის, ხონის მუნიციპა­ლი­ტეტებსა და თვითმმართველ ქალაქ ქუთაისში სახელმწიფო რწმუნებულის– გუბერნატორის წინადადება და სსიპ– სატყეო სააგენტოს მართვას დაქვემდებარებული ბაღდათის სატყეო უბ­ნის ქუთაისის სატყეოს№16კვარტალის№8ლიტერიდან5016მ²მიწის ფართობი ამოირიცხოს სახელმწიფო ტყის ფონდიდან სა­ქართველოს კანონმდებლობის შესაბამისად განკარგვის მიზნით.

მუხლი2.საქართველოს ეკონომიკისა და მდგრადი გან­ვი­თარების სამინისტრომ ამ დადგენილების პირველი მუხლის შეს­რულების მიზნით უზრუნველყოს მის კომპეტენციაში შემა­ვალი საკითხების კანონმდებლობით დადგენილი წესით განხორ­ციე­ლება.

მუხლი3.სახელმწიფო ტყის ფონდიდან ამორიცხულ ტე­რი­ტორიაზე ხე-ტყის ჭრა განხორციელდეს აუცილებლობიდან გა­მომდინარე და მოპოვებული მერქნული რესურსი დასაწყობდეს საქართველოს გარემოს დაცვისა და ბუნებრივი რესურსების სამინისტროს სისტემაში შემავალი სსიპ– სატყეო სააგენტოს მიერ მითითებულ ტერიტორიაზე ,,სახელმწიფო ქონების შესა­ხებ“ საქართველოს კანონის29¹მუხლის შესაბამისად.

მუხლი4. დადგენილება ამოქმედდეს გამოქვეყნებისთა­ნავე.

პრემიერ-მინისტრი    ნ. გილაური