სს „თბილსრესის” №3 და №4 ენერგობლოკების რეაბილიტაციის ღონისძიებათა ფინანსური უზრუნველყოფის შესახებ

✨ ჰკითხე AI-ს ამ კანონის შესახებ

საქართველოს მთავრობის განკარგულება მოქმედი ენერგეტიკა

მიღების თარიღი

16.05.2006

გამომცემი ორგანო

საქართველოს მთავრობა

ნომერი

№216

სარეგისტრაციო კოდი

000000000.00(0).000.000000

გამოქვეყნების წყარო

matsne.gov.ge , საქართველოს მთავრობის განკარგულებების კრებული, 5, 16/05/2006

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს მთავრობის

განკარგულება №216

2006 წლის 16 მაისი

ქ. თბილისი

სს „თბილსრესის” №3 და№4 ენერგობლოკების რეაბილიტაციის ღონისძიებათა ფინანსური უზრუნველყოფის შესახებ

საქართველოს მთავრობის 2005 წლის 2 ივნისის № 218 და 23 სექტემბრის № 395 განკარგულებებით განსაზღვრულ ღონისძიებათა შესაბამისად საქართველოს ფინანსთა სამინისტრომ ენერგეტიკის სამინისტროსათვის გამოყოფილი საერთო ასიგნებიდან სესხად გამოუყო სს „თბილსრესს” 13 913,3 ათასი აშშ დოლარის ეკვივალენტი თანხა ლარობით. კომპანია „ელიტტექნოსტროის” მიერ სს „თბილსრესთან” გაფორმებული ხელშეკრულების თანახმად № 3 და № 4 აგრეგატების რეაბილიტაციის სამუშაოები დამთავრებულია და 250-260 მვტ საერთო სიმძლავრის ენერგობლოკები გადაცემულია საექსპლუატაციოდ. ამასთან, მიმდინარე წელს № 3 ენერგობლოკის ქვაბაგრეგატზე საჭირო შეიქმნა დამატებით სამუშაოთა შესრულება, რომლის მოცულობამ სათანადო დეფექტაციის აქტის მიხედვით შეადგინა 699,896 (ექვსას ოთხმოცდაცხრამეტი ათას რვაას ოთხმოცდათექვსმეტი) ათასი აშშ დოლარის ეკვივალენტი თანხა ლარობით.

აღნიშნულ სამუშაოთა დასაფინანსებლად საქართველოს ენერგეტიკის სამინისტროსათვის გათვალისწინებული საერთო ასიგნებებიდან საკრედიტო რესურსების გამოყოფის მიზნით:

1. საქართველოს ფინანსთა სამინისტრომ (ა. ალექსიშვილი) საქართველოს 2006 წლის სახელმწიფო ბიუჯეტში ენერგეტიკის სამინისტროსათვის განსაზღვრულ საერთო ასიგნებებში შეიტანოს შესაბამისი ცვლილებები და სს „თბილსრესის” № 3 ენერგობლოკის სარეაბილიტაციოდ გათვალისწინებულ ღონისძიებათა დასაფინანსებლად გამოყოს 699,896 (ექვსას ოთხმოცდაცხრამეტი ათას რვაას ოთხმოცდათექვსმეტი) აშშ დოლარის ეკვივალენტი თანხა ლარობით და გამოიყენოს იგი საკრედიტო რესურსად სს „თბილსრესის” მიერ № 3 ენერგობლოკის ქვაბაგრეგატის რეაბილიტაციის მიზნით 2006 წელს სს „ელიტტექნოსტროისთან” დამატებით გაფორმებული ხელშეკრულების დასაფინანსებლად.

2. განკარგულების პირველი პუნქტით გამოყოფილი თანხა გაიცეს 15-წლიანი კრედიტის სახით საქართველოს სტატისტიკის დეპარტამენტის მიერ დადგენილ საშუალო წლიურ ინფლაციის დონეს პლუს ერთი პროცენტი სარგებლის დარიცხვით.

3. საქართველოს ფინანსთა სამინისტრომ (ა. ალექსიშვილი) და ენერგეტიკის სამინისტრომ (ნ. გილაური) „თბილსრესთან” გააფორმონ შესაბამისი საკრედიტო ხელშეკრულება ამ განკარგულებით განსაზღვრული პირობების გათვალისწინებით.

4. განკარგულების შესრულების კონტროლი განახორციელონ საქართველოს ფინანსთა მინისტრმა ა. ალექსიშვილმა და ენერგეტიკის მინისტრმა ნ. გილაურმა.

5. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი