ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ

საქართველოს მთავრობის

განკარგულება №324  

2006 წლის 4 ივლისი

ქ. თბილისი

ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ

„საქართველოს 2006 წლის სახელმწიფო ბიუჯეტის შესახებ” საქართველოს კანონის მე-40 მუხლის მე-3 პუნქტის თანახმად:

1. საქართველოს ფინანსთა სამინისტრომ (ა. ალექსი­შვილი) გამოყოს 8 915 000 (რვა მილიონ ცხრაას თხუთმეტი ათასი) ლარი შემდეგი ტერიტორიული ერთეულების ბიუჯე­ტებისათვის:

ა) იმერეთის მხარეში განსახორციელებელი პროექტე­ბისათვის – 5 965 000 (ხუთი მილიონ ცხრაას სამოცდახუთი ათასი) ლარი №1 დანართის შესაბამისად;

ბ) სამცხე-ჯავახეთის მხარეში განსახორციელებელი პროექტებისათვის – 1 000 000 (ერთი მილიონი) ლარი №2 დანართის შესაბამისად;

გ) სამეგრელოსა და ზემო სვანეთის მხარეში განსა­ხორციელებელი პროექტებისათვის – 1 350 000 (ერთი მილიონ სამას ორმოცდაათი ათასი) ლარი №3 დანართის შესაბამისად;

დ) ქვემო ქართლის მხარეში განსახორიელებელი პროექ­ტებისათვის – 600 000 (ექვსასი ათასი) ლარი №4 დანართის შესაბამისად.

2. განკარგულების შესრულების კონტროლი განახორ­ციელონ საქართველოს ფინანსთა სამინისტრომ (ა. ალექსი­შვილი) და საქართველოს მთავრობის კანცელარიის უფროსის მოადგილემ – რეგიონალურ საკითხთა დეპარტამენტის უფ­როს­მა ჯ. ბაკურაძემ.

 

პრემიერ-მინისტრი          ზ. ნოღაიდელი

      

                                  დანართი №1

იმერეთის მხარეში განსახორციელებელი პროექტები

თანხა სულ – 5 965 000 ლარი

1. ქ. ქუთაისის ბიუჯეტს გამოეყოს 5 465 000 (ხუთი მილიონ ოთხას სამოცდახუთი ათასი) ლარი შემდეგი პროექტების განსახორციელებლად:

ა) 2 000 000 – ლარი გზებისა და საკანალიზაციო სისტემის რეაბილიტაციისათვის, კერძოდ: მჭედლიძის ქუჩა, როძევიჩის ქუჩა, ირაკლი აბაშიძის ქუჩის გაგრძელება, გაპონოვის ქუჩა, ნიკეას II შესახვევი, სოლომონ I-ის ქუჩა, გამარჯვების ქუჩა, ჯანელიძის ქუჩის საკანალიზაციო სისტემა, ბუაჩიძის ქუჩის ღვარსადენის კაპიტალური შეკეთება;

ბ) 520 000 ლარი – წყალმომარაგების სისტემის რეაბილი­ტაციისათვის, კერძოდ: კიბულის ქუჩაზე წყლის „ახალი ამტანის” მილის კაპიტალური შეკეთება, წერეთლის ქუჩის ბოლო მონაკვეთზე წყლის მილის შეცვლა;

გ) 500 000 ლარი – გაზმომარაგების სისტემის რეაბილი­ტაციისათვის, კერძოდ: ავტოქარხნის სამხრეთი დასახლება, თაბუკაშვილის დასახლება;

 დ) 990 000 ლარი – ფასადების კაპიტალური შეკეთე­ბისათვის, კერძოდ: ავტოქარხნის დასახლება, ახალგაზრდობის გამზირი;

ე) 760 000 ლარი – მრავალპროფილიანი სახლების გადა­ხურვისათვის;

ვ) 350 000 ლარი – საკანალიზაციო ქსელების რეაბილიტაციისათვის, კერძოდ: შანიძის აღმართი, განათლების I შესახვევი, ტყიბულის ქუჩა, ბაგრატის ქუჩა 65, ბარნოვის ქუჩა 120;

ზ) 345 000 ლარი – ღვარსადენების შეკეთებისათვის, კერძოდ: ბარნოვისა და შანიძის ქუჩების, ავტოქარხნის დასახლებისა და წერეთლის ქუჩის მე-8 ჩიხი.

2. ჭიათურის რაიონის ბიუჯეტს გამოეყოს 500 000 (ხუთასი ათასი) ლარი შემდეგი პროექტების განსახორ­ციელებლად:

ა) 190 000 ლარი – წყალმომარაგების სისტემის აღდგე­ნისათვის, კერძოდ: სატუმბო სადგურის რეაბილიტაციის, „მონასტრის” სათავე-ნაგებობის აღდგენის, რუსთაველის ქუჩაზე წყალშემკრები სისტემის რეაბილიტაციისათვის;

ბ) 210 000 ლარი – ჭავჭავაძის, გოგებაშვილისა და თორღვაშვილის ქუჩების საკანალიზაციო ქსელის რეაბილი­ტაციისათვის;

გ) 100 000 ლარი – მაგისტრალური გაზსადენის მშენებლობისათვის ჭავჭავაძის ქუჩისა და ლეჟუბნის დასახ­ლებებში.

 

დანართი №2

სამცხე-ჯავახეთის მხარეში განსახორციელებელი პროექტები

თანხა სულ – 1 000 000 ლარი

ბორჯომის რაიონის ბიუჯეტს გამოეყოს 1 000 000 (ერთი მილიონი) ლარი შემდეგი პროექტების განსახორციელებლად:

ა) 300 000 ლარი – ცენტრალური სტადიონის მშენებლობის გაგრძელებისათვის;

ბ) ქალაქ ბორჯომის კეთილმოწყობის სამუშაოებისათვის, კერძოდ: შეღებვის სამუშაოებისათვის – 150 000 ლარი, მაღალ­სართულიანი საცხოვრებელი სახლების სახურავებისა და ლიფტების გამოცვლა-შეკეთებისათვის – 400 000 ლარი, ტროტუ­არებისა და სავალი ნაწილის მოპირკეთების სამუშაოებისათვის – 100 000 ლარი, პარკებისა და სკვერების რეაბილიტაციისათვის – 50 000 ლარი.

 

   დანართი №3

სამეგრელო-ზემო სვანეთის მხარეში განსახორციელებელი პროექტები

თანხა სულ – 1 350 000 ლარი

 

ზუგდიდის რაიონის ბიუჯეტს გამოეყოს 1 350 000 (ერთი მილიონ სამას ორმოცდაათი ათასი) ლარი გზების, შენობების ფასადების რეაბილიტაციის, პარკის კეთილმოწყობისა და ქუჩე­ბის გარე განათების სამუშაოებისათვის.

 

   დანართი №4

 

ქვემო ქართლის მხარეში განსახორციელებელი პროექტები

თანხა სულ – 600 000 ლარი

 

ქ. რუსთავის ბიუჯეტს გამოეყოს 600 000 (ექვსასი ათასი) ლარი შემდეგი პროექტების განსახორციელებლად:

ა) 452 588 ლარი – ვახუშტის, ვაჟა-ფშაველას, 9 ძმა ხერხეულიძის, თოდრიას I ჩიხისა და ბათუმის ქუჩებზე წყლის გაყვანილობის რეაბილიტაციისათვის;

ბ) 147 412 ლარი – ვახუშტის, 9 ძმა ხერხეულიძის, თოდრიას I ჩიხისა და ბათუმის ქუჩებზე სანიაღვრე კანალიზაციის გაყვა­ნილობათა რეაბილიტაციისათვის.