სტიქიური მოვლენების შედეგად უსახლკაროდ დარჩენილი მოსახლეობისათვის ფინანსური დახმარების შესახებ

საქართველოს მთავრობის

განკარგულება №190

2005 წლის 20 მაისი

ქ. თბილისი

სტიქიური მოვლენების შედეგად უსახლკაროდ დარჩენილი მოსახლეობისათვის ფინანსური დახმარების შესახებ

საქართველოში ბოლო პერიოდში სტიქიური მოვლენებისაგან დაინგრა 240 საცხოვრებელი სახლი, მათ შორის: ლენტეხის რაიონში – 75, ცაგერის რაიონში – 37, მესტიის რაიონში – 94; ონის რაიონში – 17; წყალტუბოს რაიონში – 3 და ვანის რაიონში – 14.

 2005 წლის აპრილ-მაისში მომხდარი სტიქიური მოვლენების შედეგად უსახლკაროდ დარჩენილი მოსახლეობისათვის გადაუდებელი დახმარების გაწევის მიზნით:

1. საქართველოს ფინანსთა სამინისტრომ (ვ. ჩეჩელაშვილი) ,,საქართველოს 2005 წლის სახელმწიფო ბიუჯეტის შესახებ“საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ლტოლვილ-თა და განსახლების სამინისტროს გამოუყოს 1 200 000 (მილიონ ორასი ათასი) ლარი.

2. ეთხოვოს საქართველოს ადმინისტრაციულ-ტერიტორიულ ერთეულებში საქართველოს პრეზიდენტის სახელმწიფო რწმუნებულებს ო. სირაძეს, კ. არდიასა და საქართველოს პრეზიდენტის სახელმწიფო რწმუნებულის მოვალეობის შემსრულებელს ზ. ქაჯაიას საქართველოს ლტოლვილთა და განსახლების სამინისტროს უმოკლეს ვადაში წარუდგინონ უსახლკაროდ დარჩენილი ოჯახების სახელობითი სიები სათანადო დოკუმენტაციით.

3. საქართველოს ლტოლვილთა და განსახლების სამინისტრომ (ე. ასტემიროვა) უზრუნველყოს უსახლკაროდ დარჩენილი თითოეული ოჯახისათვის 5 000 (ხუთი ათასი) ლარის გადაცემა.

4. განკარგულების შესრულებას კონტროლი გაუწიოს საქართველოს მთავრობის კანცელარიის რეგიონალური პოლიტიკის განხორციელების კოორდინაციისა და განსაკუთ-რებულ საკითხთა დეპარტამენტმა (ჯ. ბაკურაძე).

5. განკარგულება ძალაშია ხელმოწრის დღიდან.

პრემიერ-მინისტრი ზ. ნოღაიდელი