საქართველო-უკრაინის ეკონომიკური თანამშრომლობის მთავრობათაშორისი კომისიის ფარგლებში სამუშაო ჯგუფების შექმნის შესახებ

საქართველოს მთავრობის

განკარგულება№269

2005 წლის 30 ივნისი

ქ. თბილისი

საქართველო-უკრაინის ეკონომიკური თანამშრომლობის მთავრობათაშორისი კომისიის ფარგლებში სამუშაო ჯგუფების შექმნის შესახებ

1. საქართველო-უკრაინის ეკონომიკური თანამშრომლობის მთავრობათაშორისი კომისიის ფარგლებში შეიქმნას შემდეგი სამუშაო ჯგუფები:

ა) ორმხრივი რეგიონალური თანამშრომლობისა და ნორმატიული ბაზის განვითარების ჯგუფი (ჯგუფის ხელმძღვანელი – საქართველოს საგარეო საქმეთა მინისტრის მოადგილე მერაბ ანთაძე);

ბ) შავი ზღვის ფსკერზე უკრაინის ენერგოსისტემასთან დამაკავშირებელი წყალქვეშა კაბელის გაყვანის შესაძლებლობის შემსწავლელი ჯგუფი (ჯგუფის ხელმძღვანელი – საქართველოს ენერგეტიკის მინისტრის მოადგილე არჩილ მამათელაშვილი);

გ) მრეწველობის, ტრანსპორტის, კავშირგაბმულობისა და მშენებლობის ჯგუფი (ჯგუფის ხელმძღვანელი – საქართველოს ეკონომიკური განვითარების მინისტრის პირველი მოადგილე კახა სეხნიაშვილი);

დ) სასოფლო-სამრეწველო სფეროში თანამშრომლობის ჯგუფი (ჯგუფის ხელმძღვანელი – საქართველოს სოფლის მეურნეობის მინისტრის მოადგილე მირიან დეკანოიძე);

ე) ჰუმანიტარულ სფეროში თანამშრომლობის ჯგუფი (ჯგუფის ხელმძღვანელი – საქართველოს კულტურის, ძეგლთა დაცვისა და სპორტის მინისტრის პირველი მოადგილე გიორგი სულხანიშვილი);

ვ) მხარეების ტერიტორიაზე არსებულ ობიექტებზე საკუთრების უფლებების ცნობის ჯგუფი (ჯგუფის ხელმძღვანელი – საქართველოს ეკონომიკური განვითარების მინისტრის მოადგილე კახა დამენია).

2. სამუშაო ჯგუფების ხელმძღვანელებმა უზრუნველყონ ჯგუფების დაკომპლექტება და უმოკლეს დროში თავიანთი მიმართულებების მიხედვით დაიწყონ შესაბამის ღონისძიებათა განხორციელება.

3. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი