სახელმწიფო ტყის ფონდის წყნეთის ყოფილი სატყეო უბნების საზღვრებში შემავალი მიწის ფართობების სახელმწიფო ტყის ფონდიდან ამორიცხვის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობ ი ს
განკარგულება№476
2008 წლის 28 ივლისი
ქ. თბილისი
სახელმწიფო ტყის ფონდის წყნეთის ყოფილი სატყეო უბნების საზღვრებში შემავალი მიწის ფართობების სახელმწიფო ტყის ფონდიდან ამორიცხვის შესახებ
1. „ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“საქართველოს კანონის პირველი მუხლის მე-2 და მე-3 პუნქტებისა და „სახელმწიფო ტყის ფონდის მიწებიდან ფართობების ამორიცხვისა და ჩარიცხვის შესახებ“დებულების დამტკიცების თაობაზე” საქართველოს მთავრობის 2007 წლის 10 მაისის №96 დადგენილების შესაბამისად მოწონებულ იქნეს სახელმწიფო ტყის ფონდის წყნეთისა და ბაგების სატყეო უბნების საზღვრებში შემავალი მიწის ფართობების სახელმწიფო ტყის ფონდიდან ამორიცხვის თაობაზე საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2008 წლის 4 იანვრის №1 სხდომის ოქმი) და საქართველოს მთავრობის 2008 წლის 17 იანვრის №2 სხდომის ოქმის შესაბამისად (საკითხი XXVI) ქვემო ქართლის სატყეო სამმართველოს მართვას დაქვემდებარებული სახელმწიფო სამეურნეო ტყის ფონდის გარდაბანი-მარნეულის სატყეოდან (ყოფილი წყნეთის სატყეო) №4 კვარტალის №19 ლიტერიდან ამოირიცხოს კერძო საკუთრებაში რეგისტრირებული შემდეგი მიწის ფართობები:
ა) სარეგისტრაციო №012001016049, სარეგისტრაციო ზონა – თბილისი–კოდი 01, სექტორი–წყნეთი–კოდი 20, №01 კვარტალი, №16/049 ნაკვეთი, 1000.00 მ2 ფართობი, მესაკუთრე – ირინა ჭელიძე;
ბ) სარეგისტრაციო №812300060, სარეგისტრაციო ზონა – გარდაბანი–კოდი 81, სექტორი – წყნეთის სატყეო უბანი–კოდი 23, №00 კვარტალი, №060 ნაკვეთი, 0.06 ჰა ფართობი, მესაკუთრე – ვასილ ძოწენიძე.
2. საქართველოს გარემოს დაცვისა და ბუნებრივი რესურსების სამინისტრომ (ი. ღვალაძე) ამ განკარგულების პირველი პუნქტის შესრულების მიზნით უზრუნველყოს სამინისტროს კომპეტენციაში შემავალი საკითხების კანონით დადგენილი წესით განხორციელება.
3. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე