,,საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ” საქართველოს მთავრობის 2010 წლის 13 იანვრის №40 განკარგულებაში ცვლილებების შეტანის თაობაზე

ს აქართველოს მ თ ავრობის

განკარგულება №333

2010 წლის 19 მარტი

ქ. თბილისი

,,საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ” საქართველოს მთავრობის 2010 წლის 13 იანვრის №40 განკარგულებაში ცვლილებების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, ,,საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ” საქართველოს მთავრობის 2010 წლის 13 იანვრის №40 განკარგულებაში შეტანილ იქნეს შემდეგი ცვლილებები:

ა) №4 დანართის მე-4 პუნქტის ,,ვ” ქვეპუნქტი ჩამოყალიბდეს ახალი რედაქციით:

 ,,ვ) ქ. ხაშურში ქალაქის ცენტრალური მოედნისა და მისი მიმდებარე ტერიტორიების კეთილმოწყობისათვის.”;

 ბ) №7 დანართის მე-2, მე-3, მე-4 და მე-5 პუნქტები ჩამოყალიბდეს ახალი რედაქციით:

,,2. ასპინძის მუნიციპალიტეტს – 920 000 (ცხრაას ოცი ათასი) ლარი შემდეგი პროექტების განსახორციელებლად:

ა) დაბა ასპინძაში სანაპიროს ქუჩისა და სოფლების: საროსა და ხიზაბავრასთან მისასვლელი გზის მოასფალტებისათვის;

ბ) დაბა ასპინძაში მრავალბინიანი საცხოვრებელი სახლების გადახურვისათვის;

გ) დაბა ასპინძაში საავადმყოფო-პოლიკლინიკურ-ამბულატორიული გაერთიანების შენობის რემონტისათვის;

დ) დაბა ასპინძის კულტურისა და დასვენების პარკში ატრაქციონების მოსაწყობად.

3. ახალციხის მუნიციპალიტეტს – 960 000 (ცხრაას სამოცი ათასი) ლარი შემდეგი პროექტების განსახორციელებლად:

ა) ქ. ახალციხეში წყალსადენის ქსელის რეაბილიტაციისათვის;

ბ) ქ. ახალციხეში პარკის მშენებლობისათვის;

გ) ქ. ახალციხეში მრავალბინიანი საცხოვრებელი სახლის რეაბილიტაციისათვის;

დ) მესხეთის (ახალციხის) სახელმწიფო თეატრის გათბობის სისტემის რეაბილიტაციისათვის.

4. ახალქალაქის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) ქ. ახალქალაქში საცურაო აუზის კომპლექსის მშენებლობისათვის;

ბ) ქ. ახალქალაქში საკანალიზაციო ქსელის რეაბილიტაციისათვის;

გ) ქ. ახალქალაქში სასმელი წყლის მაგისტრალის რეაბილიტაციისათვის;

დ) სოფლებში: კარწახში, სულდაში, ვაჩიანსა და ბოზალში გარე განათების მოსაწყობად;

ე) ქ. ახალქალაქში მრავალბინიანი საცხოვრებელი სახლების გადახურვისათვის.

5. ნინოწმინდის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) ქ. ნინოწმინდაში მოსწავლე-ახალგაზრდობის სახლის რეაბილიტაციისათვის;

ბ) ქ. ნინოწმინდაში ჰოვსეფიანის სახელობის ქუჩის მოასფალტებისათვის.”.

პრემიერ-მინისტრი                                                                                                  ნ. გილაური