საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ

საქართველოს მთავრობის

განკარგულება №1041

2009 წლის 29 დეკემბერი

ქ. თბილისი

საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ

1. ,,საქართველოს 2009 წლის სახელმწიფო ბიუჯეტის შესახებ“საქართველოს კანონის მე-17 მუხლით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს ფინანსთა სამინისტრომ თვითმმართველ ქ. ქუთაისსა და ჭიათურის, ტყიბულის, თერჯოლის, ყაზბეგის, თიანეთის, ლანჩხუთის, ოზურგეთის, ჩოხატაურის მუნიციპალიტეტებს გამოუყოს 5 029 000 (ხუთი მილიონ ოცდაცხრა ათასი) ლარი, მათ შორის:

ა) თვითმმართველ ქ. ქუთაისს – 1 000 000 (ერთი მილიონი) ლარი შემდეგი პროექტების განსახორციელებლად:

ა.ა) ქ. ქუთაისში ვიდეოკონტროლის სისტემის მოწყობა;

ა.ბ) ქ. ქუთაისში კანალიზაციის ქსელის რეაბილიტაცია;

ა.გ) მრავალსართულიანი ბინების დაზიანებული სახურავების რეაბილიტაცია;

ბ) ჭიათურის მუნიციპალიტეტს – 650 000 (ექვსას ორმოცდაათი ათასი) ლარი შემდეგი პროექტების განსახორციელებლად:

ბ.ა) ადგილობრივი გზების რეაბილიტაცია;

ბ.ბ) საგზაო ნიშნების დაყენება და ქუჩების დახაზვა;

ბ.გ) სახელოვნებო სკოლების კაპიტალური შეკეთება;

ბ.დ) შპს ,,ბაგირგზებისათვის“ახალი ვაგონების შეძენა და მისი ტექნიკური გადაიარაღება;

ბ.ე) №27 სპორტულ სკოლასთან არსებული სპორტული სასახლის კაპიტალური შეკეთება;

ბ.ვ) ნაგავსაყრელის მოწყობა;

ბ.ზ) ურბანული ტერიტორიის კეთილმოწყობა (მრავალსართულიანი  საცხოვრებელი სახლების ლიფტების აღდგენა, სახურავების შეძენა, საყრდენი კედლების აღდგენა);

ბ.თ) კულტურის სასახლის გათბობის სისტემის რეაბილიტაცია;

ბ.ი) ტროტუარების აღდგენა;

ბ.კ) მუნიციპალიტეტის ადმინისტრაციული შენობის კაპიტალური შეკეთება და გათბობის სისტემის შეკეთება;

გ) ტყიბულის მუნიციპალიტეტს – 350 000 (სამას ორმოცდაათი ათასი) ლარი შემდეგი პროექტების განსახორციელებლად:

გ.ა) ხანძარსაწინააღმდეგო და სამაშველო სამსახურის შენობის მშენებლობა;

გ.ბ) ტროტუარებისა და გზის კედლების აღდგენა-მოწყობა;

გ.გ) საგზაო კომუნიკაციების რეაბილიტაცია;

დ) თერჯოლის მუნიციპალიტეტს – 250 000 (ორას ორმოცდაათი ათასი) ლარი შემდეგი პროექტების განსახორციელებლად:

დ.ა)  სოფელ თუზის ბაგა-ბაღის შენობის კაპიტალური შეკეთება;

დ.ბ) სოფელ რუფოთის ბაგა-ბაღის შენობის რემონტი;

დ.გ) სოფელ ქვ. ალისუბანში ბაგა-ბაღის შენობის მშენებლობის დაწყება;

დ.დ) სოფელ ბარდუბნის №2 ბაგა-ბაღის შენობის მიმდინარე შეკეთება;

დ.ე) მუნიციპალიტეტში გარე განათების გაუმჯობესება;

ე) ყაზბეგის მუნიციპალიტეტს – 354 600 (სამას ორმოცდათოთხმეტი ათას ექვსასი) ლარი შემდეგი პროექტების განსახორციელებლად:

ე.ა) ყაზბეგის მუნიციპალიტეტის გამგეობის შენობის კაპიტალური რემონტი;

ე.ბ) სანაგვე ურნების შეძენა;

ე.გ) კომპლექსური სპორტული დარბაზის კაპიტალური რემონტი და ინვენტარის შეძენა;

ე.დ) დაბა სტეფანწმინდაში ყაზბეგის ქუჩის ფასადების შეღებვა და კეთილმოწყობა;

ე.ე) დაბა სტეფანწმინდაში მოედნის კეთილმოწყობა;

ე.ვ) დაბა სტეფანწმინდაში საზოგადოებრივი საპირფარეშოს მშენებლობა;

ვ) თიანეთის მუნიციპალიტეტს – 275 400 (ორას სამოცდათხუთმეტი ათას ოთხასი) ლარი შემდეგი პროექტების განსახორციელებლად:

ვ.ა) დაბა თიანეთში ვაჟა-ფშაველას სახელობის კულტურისა და დასვენების პარკის კეთილმოწყობა და მასთან დამაკავშირებელი ხიდის რეაბილიტაცია;

ვ.ბ) სპორტული დარბაზის ინვენტარით აღჭურვა;

ვ.გ) №1 და №2 საბავშვო ბაღების კაპიტალური რემონტი;

ვ.დ) დაბა თიანეთში რუსთაველის ქუჩაზე გარე ფასადების შეღებვა;

ზ) ლანჩხუთის მუნიციპალიტეტს – 333 000 (სამას ოცდაცამეტი ათასი) ლარი შემდეგი პროექტების განსახორციელებლად:

ზ.ა) მრავალსართულიანი საცხოვრებელი სახლების რეაბილიტაცია;

ზ.ბ) გარე განათების რეაბილიტაცია;

თ) ოზურგეთის მუნიციპალიტეტს – 1 316 000 (ერთი მილიონ სამას თექვსმეტი ათასი) ლარი შემდეგი პროექტების განსახორციელებლად:

თ.ა) ადგილობრივი გზების რეაბილიტაცია;

თ.ბ) წყალსადენის ქსელის რეაბილიტაცია;

თ.გ) დასუფთავების ღონისძიებები;

ი) ჩოხატაურის მუნიციპალიტეტს – 500 000 (ხუთასი ათასი) ლარი შემდეგი პროექტების განსახორციელებლად:

ი.ა) გამგეობისა და საკრებულოს ადმინისტრაციული შენობის რეაბილიტაცია;

ი.ბ) სახანძრო სამსახურის ავტომობილების კაპიტალური რემონტი;

ი.გ) სამხარეო პოლიციის შენობის კაპიტალური შეკეთება;

ი.დ) ადგილობრივი გზების რეაბილიტაცია;

ი.ე) წყლის სისტემის ექსპლუატაცია;

ი.ვ) საკანალიზაციო სისტემების მოწყობა;

ი.ზ) კურორტ ბახმაროს კეთილმოწყობა;

ი.თ) ახალგარემონტებული ბაღებისა და მოსწავლე-ახალგაზრდობის სახლისათვის ინვენტარის შეძენა;

ი.ი) ცენტრალური სტადიონის რემონტი;

ი.კ) საბავშვო ბაღებში გათბობის სისტემის მოწყობა;

ი.ლ) საჭამიასერის, ბასილეთისა და ერკეთის საბავშვო ბაღების  შენობათა რეაბილიტაცია;

ი.მ) დაბის ცენტრისა და ქუჩების კეთილმოწყობა.

2. განკარგულების შესრულების კონტროლი თავიანთი კომპეტენციის ფარგლებში განახორციელონ საქართველოს ადმინისტრაციულ-ტერიტორიულ ერთეულებში სახელმწიფო რწმუნებულებმა – გუბერნატორებმა, საქართველოს რეგიონული განვითარებისა და ინფრასტრუქტურის სამინისტრომ და საქართველოს ფინანსთა სამინისტრომ.  

პრემიერ-მინისტრი                                                                            ნ. გილაური