საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ

 ს აქართველოს მ თ ავრობის

განკარგულება №40

2010 წლის 13 იანვარი

ქ. თბილისი

საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ

1. ,,საქართველოს 2010 წლის სახელმწიფო ბიუჯეტის შესახებ” საქართველოს კანონის მე-17 მუხლით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს ფინანსთა სამინისტრომ ადგილობრივ თვითმმართველ ერთეულებს გამოუყოს 66 000 000 (სამოცდაექვსი მილიონი) ლარი №1 – №9 დანართების შესაბამისად.

2. განკარგულების შესრულების კონტროლი კომპეტენციის ფარგლებში განახორციელონ ადმინისტრაციულ-ტერიტორიულ ერთეულებში სახელმწიფო რწმუნებულებმა – გუბერნატორებმა, საქართველოს რეგიონული განვითარებისა და ინფრასტრუქტურის სამინისტრომ და საქართველოს ფინანსთა სამინისტრომ.

პრემიერ-მინისტრი                                                                                      ნ. გილაური

 

 

დანართი №1

 

ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღისა და ყვარლის მუნიციპალიტეტებს გამოეყოთ 9 000 000 (ცხრა მილიონი) ლარი, მათ შორის:

1. ახმეტის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

 ა) სოფლების: ქისტაურის, ზემო ხოდაშენის, ზემო ალვანისა და მატანის შიდა გზებისა და დუისი-ომალოს გზის რეაბილიტაციისათვის;

 ბ) ქ. ახმეტის რეაბილიტირებულ ქუჩებზე გარე განათების მოსაწყობად;

 გ) ქ. ახმეტის კულტურის სახლის კაპიტალური რემონტისათვის;

 დ) სოფ. ოჟიოს კულტურის სახლის კაპიტალური რემონტისათვის.

 2. ლაგოდეხის მუნიციპალიტეტს – 1 100 000 (ერთი მილიონ ასი ათასი) ლარი შემდეგი პროექტების განსახორციელებლად:

 ა) სოფლების: ნაენდროვალის, მშვიდობიანისა და გელათის ხიდების რეაბილიტაციისათვის;

 ბ) ქ. ლაგოდეხსა და სოფ. ქვ. გურგენიანში შიდა გზების რეაბილიტაციისათვის;

 გ) ქ. ლაგოდეხისა და სოფლების: აფენის, ლელიანის, ნინიგორის წყლის სისტემების რეაბილიტაციისათვის;

 დ) სოფლების: ცოდნისკარის (მდ. გურგენიანის ხევი), ლელიანის (სადრენაჟე არხი), კართუბნის (სარწყავი არხი), არეშფერანის (მდ. აფენი), გიორგეთის (სადრენაჟე არხი) – მდინარეების კალაპოტებისა და სადრენაჟე (სარწყავი) არხების გასაწმენდად;

 ე) ქ. ლაგოდეხისა და სოფლების: ლელიანისა და გიორგეთის გარე განათების მოსაწყობად.

 3. საგარეჯოს მუნიციპალიტეტს – 1 300 000 (ერთი მილიონ სამასი ათასი) ლარი შემდეგი პროექტების განსახორციელებლად:

 ა) სოფ. დიდი ჩაილურის ცენტრალური გზის მოასფალტებისათვის;

ბ) სოფლების: ბადიაურისა და ყანდაურის დამაკავშირებელი გზის მოასფალტებისათვის;

გ) სოფ. კაკაბეთში მისასვლელი გზის მოასფალტებისათვის;

 დ) სოფ. ვერხვიანის წყალმომარაგების ქსელის რეაბილიტაციისათვის.

 4. სიღნაღის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) ქ. წნორისა და სოფლების: ანაგის, ვაქირის, საქობოს, მაშინაარის, ბოდბისხევის, ერისიმედის, ჯუგაანის, ტიბაანის, ძველი ანაგის, ქვემო მაჩხაანის, ხირსის, ხორნაბუჯის (ყარაღაჯი), ნუკრიანის, ზემო ბოდბის, ქვემო ბოდბის, ქვემო მაღაროსა და ულიანოვკის წყლის სისტემების რეაბილიტაციისათვის;

 ბ) ქ. წნორის სტალინის ქუჩის ორმული დამუშავებისათვის;

გ) სოფლების: ანაგის, ვაქირის, საქობოს, ბოდბისხევის, ჯუგაანის, ტიბაანის, ნუკრიანის, ქვემო მაღაროსა და ქვემო ბოდბის შიდა საუბნო გზების რეაბილიტაციისათვის;

დ) სოფ. ჯუგაანში მისასვლელი გზის რეაბილიტაციისათვის;

ე) სოფლების: ბოდბისხევის, ჯუგაანის, ტიბაანის, ზემო მაღაროსა და ზემო ბოდბის გარე განათების სისტემების მოსაწყობად.

5. თელავის მუნიციპალიტეტს – 1 570 000 (ერთი მილიონ ხუთას სამოცდაათი ათასი) ლარი შემდეგი პროექტების განსახორციელებლად:

 ა) ქ. თელავის ხუთი მრავალბინიანი საცხოვრებელი სახლის სახურავების სრული რეაბილიტაციისათვის;

 ბ) ქ. თელავში მრავალსართულიანი საცხოვრებელი სახლების ლიფტების კაპიტალური შეკეთებისათვის;

 გ) ქ. თელავის იაშვილის სახელობის სამხატვრო სკოლის რეაბილიტაციისათვის;

 დ) ქ. თელავის ახალი სანიაღვრე არხების მოწყობისა და არსებულის რეაბილიტაცია-მოასფალტებისათვის;

 ე) ქ. თელავისა და სოფლების: კისისხევის, წინანდლისა და ართანას საბავშვო ბაღების შეკეთებისათვის;

 ვ) მუნიციპალიტეტის სოფლების გზების რეაბილიტაციისათვის;

 ზ) ქ. თელავში გოშაძის ქუჩის, ,,ყადორის” უბნისა და ლესელიძის ქუჩის კანალიზაციის მოსაწყობად.

 6. ყვარლის მუნიციპალიტეტს – 980 000 (ცხრაას ოთხმოცი ათასი) ლარი შემდეგი პროექტების განსახორციელებლად:

ა) ქ. ყვარელსა და სოფლებში: მთისძირში, ენისელსა და ჭიკაანში გარე განათების მოსაწყობად;

 ბ) სოფლების: მთისძირისა და შილდის ცენტრალური გზის მოასფალტება-გადაკვრისათვის;

გ) ქ. ყვარელსა და სოფლებში: ბალღოჯიანში, კუჭატანში, ენისელსა და ახალსოფელში საბავშვო ბაღების კაპიტალური რემონტისათვის;

დ) სოფ. ჭიკაანში 600-ტონიანი წყლის რეზერვუარის კაპიტალური რემონტისათვის;

ე) სოფ. გრემის წყალსადენის ქსელის მოსაწყობად;

ვ) სოფ. საბუეს 500-ტონიანი აუზის რემონტისა და წყალსადენის მაგისტრალის გაყვანისათვის;

ზ) სოფ. ჭიკაანში სპორტული მოედნის მოსაწყობად;

თ) ქ. ყვარელში ოთხი საერთო საცხოვრებლის სახურავების კაპიტალური რემონტისათვის.

 7. გურჯაანის მუნიციპალიტეტს – 1 550 000 (ერთი მილიონ ხუთას ორმოცდაათი ათასი) ლარი შემდეგი პროექტების განსახორციელებლად:

 ა) ქ. გურჯაანში ოცდაათი მრავალბინიანი საცხოვრებელი სახლის თუნუქით გადახურვისათვის;

 ბ) სოფლების: ჩუმლაყის, გურჯაანის, ჭანდარის, კოლაგის, ბაკურციხის, კარდენახის, არაშენდასა და მახარაძის სასმელი წყლის სისტემების რეაბილიტაციისათვის;

 გ) ქ. გურჯაანში სკვერის მოსაწყობად;

 დ) სოფელ ველისციხეში გარე განათების მოსაწყობად.

 8. დედოფლისწყაროს მუნიციპალიტეტს – 700 000 (შვიდასი ათასი) ლარი შემდეგი პროექტების განსახორციელებლად:

ა) ქ. დედოფლისწყაროსა და სოფლებში: ზემო მაჩხაანში, არბოშიკსა და ოზაანში მინი-სპორტული მოედნების მოსაწყობად;

ბ) სოფლებში: არხილოსკალოში, ქვემო ქედში, მირზაანში, გამარჯვებასა და წითელწყაროში ცენტრალური ქუჩების გარე განათების მოსაწყობად;

გ) ქ. დედოფლისწყაროს მრავალსართულიანი საცხოვრებელი სახლების სახურავების რეაბილიტაციისათვის;

დ) ქ. დედოფლისწყაროში რუსთაველის ქუჩაზე მდებარე სკვერის კეთილმოსაწყობად;

ე) ქ. დედოფლისწყაროში საკანალიზაციო სისტემის რეაბილიტაციისათვის (გაწმენდა, ჭების ამოწევა);

ვ) სოფ. ჯაფარიძის შიდა გზების რეაბილიტაციისათვის;

ზ) სოფ. ჯაფარიძის სასმელი წყლის რეზერვუარისა და წყალშემკრებების რეაბილიტაციისათვის.

 

 

 დანართი №2

ბაღდათის, ვანის, ზესტაფონის, თერჯოლის, სამტრედიის, საჩხერის, ტყიბულის, წყალტუბოს, ჭიათურის, ხარაგაულის, ხონის მუნიციპალიტეტებსა და თვითმმართველ ქალაქ ქუთაისს გამოეყოთ 15 000 000 (თხუთმეტი მილიონი) ლარი, მათ შორის:

 

1. ქ. ქუთაისის მერიას – 7 500 000 (შვიდი მილიონ ხუთასი ათასი) ლარი შემდეგი პროექტების განსახორციელებლად:

ა) ქ. ქუთაისში მიწისქვეშა კომუნიკაციების შეცვლისა და ქუჩების რეაბილიტაციისათვის;

ბ) ქ. ქუთაისში სასწრაფო დახმარების შენობის კაპიტალური რემონტისათვის;

გ) ქ. ქუთაისში მრავალბინიანი საცხოვრებელი სახლების ლიფტების კაპიტალური შეკეთებისათვის;

დ) ქ. ქუთაისში ახალი გარე განათების მონტაჟისათვის;

ე) ქ. ქუთაისში მაღალსართულიანი კორპუსების გადახურვისათვის;

ვ) ქ. ქუთაისში მარტივი ტიპის სპორტული მოედნების მოსაწყობად.

2. ზესტაფონის მუნიციპალიტეტს – 750 000 (შვიდას ორმოცდაათი ათასი) ლარი შემდეგი პროექტების განსახორციელებლად:

ა) ქ. ზესტაფონში დასვენების პარკის (ირინეს ბაღი) რეაბილიტაციისათვის;

ბ) ქ. ზესტაფონში აღმაშენებლის ქუჩაზე მდებარე სკვერის (აღმაშენებლისა და წერეთლის ქუჩების გადაკვეთა) კეთილმოწყობისა და სკვერში 9 აპრილისა და გია აბესაძის ხსოვნისადმი მიძღვნილი მემორიალის მშენებლობისათვის;

გ) ქ. ზესტაფონში რობაქიძის, შათირიშვილის, ზაპოროჟიეს, ლაღიძის, მეგობრობის, ბატონიშვილის, გია აბესაძის, ქუთაისისა და კეთილაძის ქუჩების გარე განათების მოსაწყობად;

დ) ქ. ზესტაფონში კეთილაძის ქუჩაზე არსებული სამანქანო ხიდის რეაბილიტაციისათვის;

ე) ქ. ზესტაფონში საყოფაცხოვრებო ნარჩენების გასატანი სპეცავტომობილის შესაძენად.

3. სამტრედიის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) სამტრედიის მუნიციპალიტეტის ტერიტორიაზე არსებული საბავშვო ბაღების რეაბილიტაციისათვის;

ბ) ქ. სამტრედიაში მრავალბინიანი საცხოვრებელი სახლების სახურავებისა და სარდაფებში არსებული კომუნიკაციების აღდგენითი სამუშაოებისათვის;

გ) მუნიციპალიტეტის ტერიტორიაზე ხიდებისა და ბოგირების რეაბილიტაციისათვის;

დ) ქ. სამტრედიაში შუქნიშნებისა და საგზაო ნიშნების მონტაჟისათვის;

ე) ქ. სამტრედიაში გარე განათების მოსაწყობად;

ვ) ქ. სამტრედიაში ტროტუარებისა და ბორდიურების მოსაწყობად;

ზ) ქ. სამტრედიის ცენტრალური ბიბლიოთეკის რემონტისათვის;

თ) ქ. სამტრედიის სამუსიკო სკოლების რეაბილიტაციისათვის.

4. წყალტუბოს მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

 ა) ქ. წყალტუბოში გარე განათების მოსაწყობად;

 ბ) ქ. წყალტუბოში საკონცერტო დარბაზ „ივერიის“ რეაბილიტაციისათვის;

 გ) ქ. წყალტუბოს ცენტრალური პარკის შადრევნის რეაბილიტაციისათვის;

 დ) პიკაპის ტიპის სახანძრო სპეცმანქანის შესაძენად.

5. ვანის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ვანის მუნიციპალიტეტის ტერიტორიაზე სანიაღვრე არხების გაწმენდა-აღდგენისათვის;

ბ) ქ. ვანში მრავალბინიანი საცხოვრებელი სახლების სახურავების შეკეთებისა და გარე ფასადების შეღებვისათვის;

გ) ქ. ვანის ცენტრალურ მოედანთან არსებულ სკვერში შადრევნის მოსაწყობად;

დ) მუნიციპალიტეტის ტერიტორიაზე გაბიონების მოსაწყობად;

ე) ქ. ვანის გამგეობის წინ ტიციან ტაბიძის სახელობის სკვერის კეთილმოსაწყობად;

ვ) ქ. ვანში ცენტრალურ ქუჩებზე ფეხით სავალი ბილიკების კეთილმოსაწყობად.

6. ხარაგაულის მუნიციპალიტეტს – 600 000 (ექვსასი ათასი) ლარი დაბა ხარაგაულში თამაზ გიორგაძის სახელობის სპორტული სკოლის მშენებლობისათვის.

7. ხონის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. ხონის მრავალბინიანი საცხოვრებელი სახლების სახურავების კაპიტალური რემონტისათვის;

ბ) ქ. ხონისათვის ნაგვის გადასაზიდი ავტომანქანისა და ბუნკერების შესაძენად;

გ) ქ. ხონში ტროტუარებისა და გაზონების მოწყობა-გაფართოებისათვის;

დ) ქ. ხონში საფეხბურთო სტადიონის რეაბილიტაციისათვის;

ე) ქ. ხონში სამუსიკო სკოლის შენობის რეაბილიტაციისათვის.

8. თერჯოლის მუნიციპალიტეტს – 700 000 (შვიდასი ათასი) ლარი ადგილობრივი მნიშვნელობის გზების კაპიტალური და მიმდინარე შეკეთებისათვის.

9. ტყიბულის მუნიციპალიტეტის გამგეობას – 700 000 (შვიდასი ათასი) ლარი შემდეგი პროექტების განსახორციელებლად:

ა) საბინაო ამხანაგობების დახმარების პროგრამისათვის;

ბ) ქ. ტყიბულისათვის საქალაქო ტრანსპორტის შესაძენად;

გ) ქ. ტყიბულისათვის საყოფაცხოვრებო ნარჩენების გასატანი სპეცტექნიკის შესაძენად;

დ) ქ. ტყიბულში სკვერებისა და ატრაქციონების მოწყობა-რეაბილიტაციისათვის;

ე) ქ. ტყიბულის ცენტრის კეთილმოსაწყობად;

ვ) ქ. ტყიბულსა და სოფლებში: სოჩხეთსა და კურსებში მინი-სტადიონების მოსაწყობად.

10. ბაღდათის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. ბაღდათის სამუსიკო სკოლის რეაბილიტაციისათვის;

ბ) ქ. ბაღდათის კულტურის ცენტრის რეაბილიტაციისათვის;

გ) ქ. ბაღდათის ტროტუარების მოწყობა-რეაბილიტაციისათვის;

დ) ქ. ბაღდათსა და სოფ. დიმში სკვერების მოსაწყობად;

ე) ქ. ბაღდათის გარე განათების მოსაწყობად;

ვ) ქ. ბაღდათის მოსწავლე-ახალგაზრდობის სახლის რეაბილიტაციისათვის.

11. ჭიათურის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) ქ. ჭიათურის სახანძრო სამსახურისათვის სპეცავტოტრანსპორტის შესაძენად;

ბ) საჩხერის გზატკეცილზე, იაშვილის, კოსტავას, ჭიღლაძის, მუხაძის, რუსთაველის, წერეთლისა და თბილისის ქუჩებზე გარე განათების ქსელის გაფართოებისათვის;

გ) აბაშიძის, ტაბიძის, მოსკოვის, წმინდა გიორგის, იაშვილის, თბილისის, სტალინის ქუჩებზე და სოფ. წინსოფელში შიდა საუბნო გზების რეაბილიტაციისათვის;

დ) ტოლსტოისა და ყაზბეგის ქუჩის ხიდის (№1 საჯარო სკოლასთან), ნიკოპოლის, თხელიძის, სტალინის, ჭავჭავაძის ქუჩებზე არსებული ხიდებისა და მოაჯირების კაპიტალური შეკეთებისათვის;

ე) ქ. ჭიათურაში სტალინის ქუჩაზე სკვერების მოსაწყობად;

ვ) იაშვილის, წერეთლის, ძნელაძის ქუჩებსა და საჩხერის გზატკეცილზე მრავალსართულიანი საცხოვრებელი სახლების შიდა ეზოების კეთილმოსაწყობად.

12. საჩხერის მუნიციპალიტეტს – 750 000 (შვიდას ორმოცდაათი ათასი) ლარი შემდეგი პროექტების განსახორციელებლად:

ა) სოფ. მერჯევში საბავშვო ბაღის სამშენებლო სამუშაოებისათვის;

ბ) საჩხერე-ჭიათურის საავტომობილო გზის საჩხერის მონაკვეთზე გარე განათების მოსაწყობად;

გ) ქ. საჩხერეში გარე განათების მოსაწყობად;

დ) საჩხერის მუნიციპალიტეტში ხელოვნურსაფარიანი სტადიონის მოსაწყობად;

ე) მუნიციპალიტეტის ექვს სოფელში საავტომობილო გზებზე მოსაცდელების მოსაწყობად;

ვ) ნაგვის სპეცმანქანის შესასყიდად;

ზ) საჩხერის მუნიციპალიტეტის გამგეობისა და საკრებულოს ადმინისტრაციული შენობების ფასადის (სამი გვერდის) კაპიტალური შეკეთებისათვის.

 

დანართი №3

ზუგდიდის, მარტვილის, სენაკის, მესტიის, აბაშის, ჩხოროწყუსა და ხობის მუნიციპალიტეტებსა და თვითმმართველ ქალაქ ფოთს გამოეყოთ 10 000 000 (ათი მილიონი) ლარი, მათ შორის:

1. თვითმმართველ ქალაქ ფოთს – 2 000 000 (ორი მილიონი) ლარი ქ. ფოთში ფალიაშვილის, ტაბიძის, კლდიაშვილის, მარჯანიშვილის, ჭალადიდელის (გიგო დოდიას ქუჩის ჩათვლით) ქუჩების მოასფალტებისათვის.

2. ზუგდიდის მუნიციპალიტეტს – 3 000 000 (სამი მილიონი) ლარი შემდეგი პროექტების განსახორციელებლად:

ა) გარე განათების მშენებლობა-რეაბილიტაციისათვის;

ბ) სანიაღვრე არხების მშენებლობა-რეაბილიტაციისათვის;

გ) ქ. ზუგდიდის გამწვანების სამუშაოების განსახორციელებლად;

დ) შენობა-ნაგებობების სახურავების რეაბილიტაციისათვის;

ე) წყალმომარაგების სისტემების მშენებლობა-რეაბილიტაციისათვის;

ვ) ნაპირსამაგრი ნაგებობების მშენებლობა-რეაბილიტაციისათვის;

ზ) ხიდებისა და ბოგირების მშენებლობა-რეაბილიტაციისათვის;

თ) საკანალიზაციო სისტემების მშენებლობა-რეაბილიტაციისათვის;

ი) კულტდაწესებულებათა შენობების მშენებლობა-რეაბილიტაციისათვის;

კ) მინი-სპორტული მოედნების მშენებლობა-რეაბილიტაციისათვის;

ლ) საბავშვო ბაღების შენობების მშენებლობა-რეაბილიტაციისათვის;

მ) გზების მშენებლობა-რეაბილიტაციისათვის;

ნ) ტროტუარების მშენებლობა-რეაბილიტაციისათვის.

3. მარტვილის მუნიციპალიტეტს – 1 250 000 (ერთი მილიონ ორას ორმოცდაათი ათასი) ლარი შემდეგი პროექტების განსახორციელებლად:

ა) ქ. მარტვილის მშვიდობის ქუჩაზე ტროტუარების, გაზონების მოწყობისა და პარკის მშენებლობისათვის;

ბ) ქ. მარტვილის კომუნალური საცხოვრებელი კორპუსებისა და მუსიკალური სკოლის სახურავებისა და გარე ფასადების რეაბილიტაციისათვის;

გ) ქ. მარტვილისა და სოფ. დიდი ჭყონის კულტურის სახლების რეაბილიტაციისათვის;

დ) ქ. მარტვილის მრავალბინიან საცხოვრებელ სახლებთან შემავალი ქუჩების მოასფალტებისათვის;

ე) ქ. მარტვილის თავისუფლების ქუჩასა და თავისუფლების მოედანზე ბორდიურების, ტროტუარებისა და გაზონების მოსაწყობად.

4. სენაკის მუნიციპალიტეტს – 1 250 000 (ერთი მილიონ ორას ორმოცდაათი ათასი) ლარი შემდეგი პროექტების განსახორციელებლად:

ა) სენაკის მუნიციპალიტეტის შიდა გზების რეაბილიტაციისათვის;

ბ) ქ. სენაკისა და ზემო ჭალადიდის თემის მოსახლეობის წყალმომარაგების გაუმჯობესებისათვის;

გ) ქ. სენაკისათვის ნაგავმზიდისა და სანაგვე ბუნკერების შესაძენად;

დ) ქ. სენაკის საბავშვო ბაღების რეაბილიტაციისათვის;

ე) ქ. სენაკში ორი სპორტული მოედნის მოსაწყობად;

ვ) ქ. სენაკის სანიაღვრე არხების რეაბილიტაციისათვის.

5. მესტიის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) დაბა მესტიაში მრავალბინიანი საცხოვრებელი სახლების გადახურვისა და ფასადების რემონტისათვის;

ბ) დაბა მესტიაში გარე განათების მოსაწყობად;

გ) დაბა მესტიაში ცენტრის პარკის რეაბილიტაციისათვის;

დ) დაბა მესტიაში სპორტული მოედნების მოწყობისა და სპორტდარბაზის რემონტისათვის;

ე) დაბა მესტიაში გზების, გზის დამცავი ნაგებობების, ტროტუარებისა და ღობეების კეთილმოსაწყობად;

ვ) დაბა მესტიაში ცენტრალურ გზაზე არსებული შენობების ფასადების რემონტისათვის;

ზ) დაბა მესტიის შემოსასვლელის კეთილმოსაწყობად;

თ) სოფ. იფარი-აღიშის გზის, ხიდების რემონტისათვის;

ი) სოფ. უშგულის საბავშვო ბაღის მშენებლობისათვის.

6. აბაშის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. აბაშის ცენტრის კეთილმოსაწყობად (პარკი, ტროტუარები, დეკორატიული კედლები და ღობე);

ბ) ქ. აბაშასა და სოფ. მარანში გარე განათების მოსაწყობად;

გ) ქ. აბაშაში მრავალბინიანი საცხოვრებელი სახლების გადახურვისა და ფასადების რემონტისათვის.

7. ჩხოროწყუს მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) დაბა ჩხოროწყუსა და სოფლებში გარე განათების მოსაწყობად;

ბ) დაბა ჩხოროწყუში ტროტუარების რეაბილიტაციისა და საგზაო ნიშნების მოწყობისათვის;

გ) დაბა ჩხოროწყუში ბეტონის სანიაღვრე არხების მშენებლობისათვის;

დ) დაბა ჩხოროწყუში მრავალბინიანი საცხოვრებელი სახლების გადახურვა-შეღებვისათვის;

ე) ლესიჭინის თემში მდ. მისკურზე ხიდის მშენებლობისათვის;

ვ) დაბა ჩხოროწყუსა და ლესიჭინის თემში მინი-სტადიონების რეაბილიტაციისათვის;

ზ) სოფელ თაიაში მინი-სტადიონის მშენებლობისათვის.

8. ხობის მუნიციპალიტეტს – 400 000 (ოთხასი ათასი) ლარი შემდეგი პროექტების განსახორციელებლად:

ა) სოფ. პატარა ფოთის წყალგაყვანილობის სისტემის რეაბილიტაციისათვის;

ბ) სოფ. პატარა ფოთში გზის მოხრეშვისათვის;

გ) სოფ. საგვიჩიოს წყალგაყვანილობის სისტემის რეაბილიტაციისათვის.

 

 დანართი №4

 გორის, კასპის, ქარელისა და ხაშურის მუნიციპალიტეტებს გამოეყოთ 7 000 000 (შვიდი მილიონი) ლარი, მათ შორის:

1. გორის მუნიციპალიტეტს – 2 500 000 (ორი მილიონ ხუთასი ათასი) ლარი შემდეგი პროექტების განსახორციელებლად:

ა) ქ. გორში სასაფლაოზე ასასვლელი გზის რეაბილიტაციისათვის;

ბ) ქ. გორში ,,ფეიქართა” დასახლებაში შიდა კვარტალური ქუჩების რეაბილიტაციისათვის;

გ) ქ. გორში ფეხით სავალი ნაწილების, ტროტუარების რეაბილიტაციისათვის;

დ) ქ. გორში მრავალბინიანი საცხოვრებელი სახლების სახურავების რეაბილიტაციისათვის;

ე) ქ. გორში ცხინვალის გზატკეცილზე, დევნილთა ჩასახლებასთან, მარცხენა მხარეზე ქუჩის გაგანიერებისა და ტროტუარის მოწყობისათვის;

ვ) ქ. გორში ,,ვოლოგდისა” და ,,ტიუმენის” დასახლებებში შიდა ქუჩების რეაბილიტაციისათვის;

ზ) ქ. გორში გოგებაშვილის (პუშკინის ქუჩიდან გიორგი ბრწყინვალის ქუჩამდე), ტაბიძის, ევდოშვილისა და გიორგი ერისთავის ქუჩების რეაბილიტაციისათვის;

თ) ქ. გორში ამილახვრის ქუჩასა (სტალინის მოედნიდან თამარ მეფის მე-2 ჩიხამდე) და თამარ მეფის მე-2 ჩიხის გზების რეაბილიტაციისათვის;

ი) ქ. გორში სტალინისა და ამილახვრის ქუჩების გადაკვეთასთან არსებული სკვერის რეკონსტრუქციისათვის.

 2. კასპის მუნიციპალიტეტს – 1 500 000 (ერთი მილიონ ხუთასი ათასი) ლარი შემდეგი პროექტების განსახორციელებლად:

ა) ქ. კასპში 26 მაისის ქუჩის მოასფალტების, სანიაღვრე არხებისა და ფეხით სავალი გზის მოწყობისათვის;

ბ) ქ. კასპში მრავალბინიანი საცხოვრებელი სახლების სახურავების სრული რეაბილიტაციისათვის;

გ) ქ. კასპში ქუჩების გარე განათების ქსელის რეაბილიტაცია-მოწყობისათვის.

3. ქარელის მუნიციპალიტეტს – 1 500 000 (ერთი მილიონ ხუთასი ათასი) ლარი შემდეგი პროექტების განსახორციელებლად:

ა) ქ. ქარელსა და დაბა აგარაში საკანალიზაციო გაყვანილობის მოსაწყობად;

ბ) ქ. ქარელსა და დაბა აგარაში სანიაღვრე არხების მოსაწყობად;

გ) ქ. ქარელის, დაბა აგარასა და სოფლების: ბრეთის მეურნეობისა და ბებნისის მეურნეობის მრავალბინიანი საცხოვრებელი სახლების სახურავების რეაბილიტაციისათვის;

დ) ქ. ქარელში ტროტუარების მოსაწყობად.

4. ხაშურის მუნიციპალიტეტს – 1 500 000 (ერთი მილიონ ხუთასი ათასი) ლარი შემდეგი პროექტების განსახორციელებლად:

ა) ქ. ხაშურსა და დაბა სურამში მრავალბინიანი საცხოვრებელი სახლების სახურავების მოწყობისათვის;

ბ) ქ. ხაშურსა და დაბა სურამში სანიაღვრე არხების მოსაწყობად;

გ) ქ. ხაშურში საკანალიზაციო სისტემის მოსაწყობად;

დ) ქ. ხაშურში ქუჩების მოასფალტების, ქუჩების დაპრფილებისა და მოხრეშვა-მოშანდაკებისათვის;

ე) ქ. ხაშურში გარე განათების მოსაწყობად;

ვ) ქ. ხაშურში ქალაქის ცენტრალური მოედნისა და მიმდებარე ქუჩებზე ტროტუარების მოსაწყობად.

 

 დანართი №5

 

 ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და თვითმმართველ ქალაქ რუსთავს გამოეყოთ 10 000 000 (ათი მილიონი) ლარი, მათ შორის:

1. თვითმმართველ ქალაქ რუსთავს – 5 000 000 (ხუთი მილიონი) ლარი შემდეგი პროექტების განსახორციელებლად:

ა) ქ. რუსთავში საცხოვრებელი შენობების სახურავების რეაბილიტაციისათვის;

ბ) ქ. რუსთავში ასფალტ/ბეტონის საფარის რეაბილიტაციისათვის შემდეგ მიკრორაიონებსა და ქუჩებში: 1 მაისის ქუჩა, XXI მკ/რ (ჩერკასკის ქუჩიდან ქუთაისის ქუჩამდე შიდა კვარტალური გზების რეაბილიტაცია), ლეონიძის №22-24 საცხოვრებელ სახლებთან, მუმლაძის ქუჩა, ოდიშარიას ქუჩა (მშენებელთა ქუჩიდან წმ. ნინოს ქუჩამდე), მე-20 მკ/რ (ტაშკენტის ქუჩიდან ჩერკასკის ქუჩამდე შიდა კვარტალური გზების რეაბილიტაცია), XVIII მკ/რ, XXI მკ/რ (ქუთაისის ქუჩიდან შარტავას ქუჩამდე), VII მკ/რ – შიდა კვარტალური გზა, სამგორის ქუჩა, კონსტიტუციის ქუჩა, კახეთის ქუჩა, ტოლსტოის ქუჩა, ჯავახიშვილის ქუჩა (მიჩურინი), VIII მკ/რ-ის შიდაკვარტალური გზა, მეგობრობის I გასასვლელი, XI მკ/რ, ტაბიძის ქუჩა, XII მკ/რ-დან – ტაბიძის ქუჩამდე;

გ) ქ. რუსთავისათვის საყოფაცხოვრებო ნარჩენების ურნების შესაძენად;

დ) ქ. რუსთავში საცხოვრებელი შენობების საწვიმარი მილების მოსაწყობად;

ე) ქ. რუსთავში საცხოვრებელი შენობების სარდაფებში წყალკანალიზაციის სისტემების რეაბილიტაციისათვის;

ვ) ქ. რუსთავის საცხოვრებელ შენობებში საწრეტი (სადრენაჟო) სისტემის მოწყობისა და გამაგრებითი სამუშაოებისათვის.

2. გარდაბნის მუნიციპალიტეტს – 700 000 (შვიდასი ათასი) ლარი შემდეგი პროექტების განსახორციელებლად:

ა) სოფლებში: კალინინოსა და მარტყოფში გზების რეაბილიტაციისათვის;

ბ) სოფ. ვაზიანში წყალსადენის გასაყვანად.

 3. მარნეულის მუნიციპალიტეტს – 1 900 000 (ერთი მილიონ ცხრაასი ათასი) ლარი ქ. მარნეულის ქუჩების მოასფალტება-ბეტონირებისათვის.

 4. ბოლნისის მუნიციპალიტეტს – 500 000 (ხუთასი ათასი) ლარი ქ. ბოლნისის საკანალიზაციო წყლის გამწმენდი ნაგებობის მშენებლობისათვის.

 5. დმანისის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. დმანისში წმ. ნინოს ქუჩაზე ტროტუარებისა და ბორდიურების რეაბილიტაციისათვის;

ბ) ქ. დმანისში მრავალბინიანი საცხოვრებელი სახლების სახურავების რეაბილიტაციისათვის;

გ) ქ. დმანისში კ. გამსახურდიას, დავით აღმაშენებლისა და მიხეილ ხერგიანის ქუჩების მოასფალტებისა და არსებული სანიაღვრე არხების რეაბილიტაციისათვის.

 6. თეთრიწყაროს მუნიციპალიტეტს – 700 000 (შვიდასი ათასი) ლარი შემდეგი პროექტების განსახორციელებლად:

ა) სოფ. კოდის ტერიტორიაზე ჩასახლებული დევნილებისათვის წყალმომარაგების სისტემის მოსაწყობად;

ბ) ქ. თეთრიწყაროს ცენტრალური პარკის კეთილმოსაწყობად;

გ) ქ. თეთრიწყაროსა და სოფლების: წინწყაროსა და ასურეთის საბავშვო ბაღების რემონტისათვის;

დ) ქ. თეთრიწყაროში მშვიდობის ქუჩის მოასფალტების დასრულებისათვის, შოთა რუსთაველის, ილია ჭავჭავაძის, 9 აპრილის ქუჩების ნაწილის მიწისქვეშა კომუნიკაციებისა და მიმდებარე ტერიტორიაზე სანიაღვრე არხისა და ტროტუარის მოწესრიგებისათვის;

ე) დაბა მანგლისში მშვიდობისა და 9 ძმის ქუჩების მიწისქვეშა კომუნიკაციების შეცვლისა და სანიაღვრე არხების მოწყობისათვის;

ვ) სოფ. კოდაში დევნილთა ჩასახლების ტერიტორიაზე და სოფ. ხაიშში სპორტული მოედნების მოწყობისა და სოფ. დიდგორის საჯარო სკოლის სპორტული დარბაზის რემონტისათვის;

ზ) სოფ. ალექსეევკაში სასმელი წყლის სისტემის რეაბილიტაციისათვის;

თ) სოფ. კოდაში ფაბრიკის დასახლების საკანალიზაციო სისტემის რეაბილიტაციისათვის.

 7. წალკის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. წალკაში ღია სპორტული მოედნის რეაბილიტაციისათვის, სოფლებში: თრიალეთსა და ნარდევანიშში მწვანესაფარიანი ღია სპორტული მოედნების მოწყობისათვის;

ბ) ქ. წალკაში გარე განათების რეაბილიტაციისათვის;

გ) სოფლებში: აშკალასა და დაშბაში წყლის სისტემების რეაბილიტაციისათვის;

დ) სოფლების: ავრალოსა და ჯინისის სპორტული დარბაზების რეაბილიტაციისათვის.

 

 დანართი №6

 

ლანჩხუთის, ოზურგეთისა და ჩოხატაურის მუნიციპალიტეტებს გამოეყოთ 3 000 000 (სამი მილიონი) ლარი, მათ შორის:

1. ლანჩხუთის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) სოფ. შუხუთის კულტურის სახლის რეაბილიტაციისათვის;

ბ) სოფლების: მაჩხვარეთისა და ჩოჩხათის ცენტრალურ გზაზე ნაპირსამაგრი სამუშაოებისათვის;

გ) სოფლებში: მაჩხვარეთში, ნიგვზიანში, აცანაში, ჩიბათში, წყალწმინდაში, ლესაში, ჩოლობარგში, ქვემო აკეთსა და ჭანჭათში წყალსადენის მოწყობა-მშენებლობისათვის;

დ) სოფ. მამათში მდინარე სუფსაზე ხიდის მოსაწყობად;

ე) სოფ. გვიმბალაურში საბავშვო ბაღის რეაბილიტაციისათვის;

ვ) სოფ. ჯურუყვეთის გზის რეაბილიტაციისათვის;

ზ) სოფ. ნინოშვილში სპორტული მოედნის მოსაწყობად;

თ) სოფ. სუფსის საწრეტი კოლექტორების გასაწმენდად.

 2. ოზურგეთის მუნიციპალიტეტს – 1 700 000 (ერთი მილიონ შვიდასი ათასი) ლარი შემდეგი პროექტების განსახორციელებლად:

ა) ქ. ოზურგეთსა და სოფლებში: ნატანებში, შრომაში, დაბა ურეკში, თხინვალში, კონჭკათში, მერიაში, დვაბზუში, ცხემლისხიდში, ვაკიჯვარში, ბახვში, ლიხაურსა და ჭანიეთში ადგილობრივი მნიშვნელობის გზების მოასფალტებისა და რეაბილიტაციისათვის;

ბ) ქ. ოზურგეთის სანიაღვრე არხების რეაბილიტაციისათვის;

გ) ანასეულის წყალსადენის სათავე ნაგებობის რემონტისათვის;

დ) ქ. ოზურგეთისა და დაბების: ლაითურის, ნარუჯისა და ნასაკირალის ტერიტორიაზე მრავალბინიანი სახლების სახურავების რეაბილიტაციისათვის;

ე) ქ. ოზურგეთის ქუჩებში გარე განათების სამუშაოებისათვის;

ვ) ქ. ოზურგეთსა და სოფლებში: ვაკიჯვარსა და ნატანებში, დაბებში: ნასაკირალსა და ურეკში წყალსადენისა და კანალიზაციის შიდა ქსელის რეაბილიტაციისათვის;

ზ) ქ. ოზურგეთში სკვერების კეთილმოსაწყობად.

3. ჩოხატაურის მუნიციპალიტეტს – 500 000 (ხუთასი ათასი) ლარი შემდეგი პროექტების განსახორციელებლად:

ა) დაბა ჩოხატაურში მრავალბინიანი საცხოვრებელი სახლების სახურავების რეაბილიტაციისათვის;

ბ) სოფ. შუაფარცხმის წყალსადენის სამუშაოებისათვის;

გ) დაბა ჩოხატაურში სამხატვრო სკოლის შენობის რეაბილიტაციისათვის;

დ) სოფ. ზემოხეთის ადმინისტრაციული შენობის რეაბილიტაციისათვის;

ე) დაბა ჩოხატაურში სპორტული კომპლექსის მშენებლობისათვის;

ვ) დაბა ჩოხატაურში დუმბაძის სკვერის კეთილმოსაწყობად;

ზ) დაბა ჩოხატაურისათვის ნაგავმზიდი ავტომანქანისა და ურნების შესაძენად;

თ) დაბა ჩოხატაურში მოსწავლე-ახალგაზრდობის სახლში სანიტარიული კვანძის მოსაწყობად;

ი) დაბა ჩოხატაურში ლაბორატორიის შიდა რემონტისათვის;

კ) ჩოხატაურის მუნიციპალიტეტის ადმინისტრაციული შენობის ნაწილობრივი რეაბილიტაციისათვის.

 

დანართი №7

 

 

ადიგენის, ასპინძის, ახალქალაქის, ახალციხის, ბორჯომისა და ნინოწმინდის მუნიციპალიტეტებს გამოეყოთ 5 000 000 (ხუთი მილიონი) ლარი, მათ შორის:

1. ადიგენის მუნიციპალიტეტს – 580 000 (ხუთას ოთხმოცი ათასი) ლარი შემდეგი პროექტების განსახორციელებლად:

ა) სოფლებში: დიდ სმადაში, ჩორჩანში, პატარა სმადაში, ღორძეში, ლელოვანსა და დაბა აბასთუმანში სასმელი წყლის ქსელების რეაბილიტაციისათვის;

ბ) სოფლებში: ფხეროში, შოყაში, ზემო ენთელში, ქვემო ენთელში, ნაქურდევში, ხევაშენში, უნწაში, ბენარასა და შოლავერში სასმელი წყლის რეზერვუარის მშენებლობისათვის;

გ) დაბა ადიგენში საკანალიზაციო ქსელის რეაბილიტაციისათვის;

დ) დაბა ადიგენში ქუჩების მოასფალტებისათვის;

ე) სოფ. მოხეში ხიდის მშენებლობისათვის.

2. ასპინძის მუნიციპალიტეტს – 920 000 (ცხრაას ოცი ათასი) ლარი შემდეგი პროექტების განსახორციელებლად:

ა) დაბა ასპინძაში სანაპიროს ქუჩის მოასფალტებისა და სოფ. ხიზაბავრაში შიდა გზის რეაბილიტაციისათვის;

ბ) სოფლებში: ნიჩგორსა და აწყვიტაში სასმელი წყლის ქსელის მოსაწყობად.

 3. ახალციხის მუნიციპალიტეტს – 960 000 (ცხრაას სამოცი ათასი) ლარი შემდეგი პროექტების განსახორციელებლად:

ა) ქ. ახალციხეში წყალსადენის ქსელის რეაბილიტაციისათვის;

ბ) ქალაქებში: ახალციხესა და ვალეში ქუჩების მოასფალტებისათვის;

გ) ქ. ახალციხეში მრავალბინიანი საცხოვრებელი სახლის რეაბილიტაციისათვის.

4. ახალქალაქის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) ქ. ახალქალაქში ქუჩების რეაბილიტაციისათვის;

ბ) ქ. ახალქალაქში საკანალიზაციო ქსელის რეაბილიტაციისათვის;

გ) ქ. ახალქალაქში სასმელი წყლის მაგისტრალის რეაბილიტაციისათვის;

დ) სოფლებში: კარწახში, სულდაში, ვაჩიანსა და ბალხოში გარე განათების მოსაწყობად.

5. ნინოწმინდის მუნიციპალიტეტს – 800 000 (რვაასი ათასი) ლარი შემდეგი პროექტების განსახორციელებლად:

ა) ქ. ნინოწმინდაში ხიდების მშენებლობისათვის;

ბ) ქ. ნინოწმინდაში ქუჩების მოასფალტებისათვის.

6. ბორჯომის მუნიციპალიტეტს – 840 000 (რვაას ორმოცი ათასი) ლარი შემდეგი პროექტების განსახორციელებლად:

ა) ქ. ბორჯომსა და სოფლებში: ახალდაბასა და ანდეზიტში მრავალბინიანი საცხოვრებელი სახლების რეაბილიტაციისათვის;

ბ) სოფლებში: ჭობისხევში, ახალდაბაში, მზეთამზეში, ქვებისხევში, ანდეზიტში, ტაბაწყურსა და ბალანთაში გზების რეაბილიტაციისათვის;

გ) დაბა ახალდაბასა და სოფლებში: რველში, ლიკანში, დვირსა და ყვიბისში წყალსადენის რეაბილიტაციისათვის.

 

დანართი №8

 

დუშეთის, თიანეთის, მცხეთისა და ყაზბეგის მუნიციპალიტეტებს გამოეყოთ 4 000 000 (ოთხი მილიონი) ლარი, მათ შორის:

1. დუშეთის მუნიციპალიტეტს – 1 000 000 (ერთი მილიონი) ლარი შემდეგი პროექტების განსახორციელებლად:

ა) დაბა ჟინვალში მრავალბინიანი საცხოვრებელი სახლების სახურავების შეკეთებისათვის;

ბ) ქ. დუშეთში მრავალბინიანი საცხოვრებელი სახლების სახურავების შეკეთებისათვის;

გ) ქ. დუშეთში სასმელი წყლის ქსელის რეაბილიტაციისათვის;

დ) დაბა ჟინვალში სპორტული დარბაზის მოსაწყობად;

ე) სოფ. არაგვისპირის საბავშვო ბაღის შეკეთებისა და გაზიფიცირებისათვის;

ვ) ქ. დუშეთში №1, №2, №3 საბავშვო ბაღების გაზიფიცირებისათვის;

ზ) ქ. დუშეთში გარე განათების სამუშაოებისათვის.

2. თიანეთის მუნიციპალიტეტს – 1 000 000 (ერთი მილიონი) ლარი შემდეგი პროექტების განსახორციელებლად:

ა) სოფ. საყდრიონში სპორტული დარბაზის რეაბილიტაცია-მშენებლობისათვის;

 ბ) სოფლებში: ნაქალაქარში, ღულელებში, ზარიძეებში, ტუშურებში, ჟებოტაში, ჩაბანოში, ახალსოფელსა და ლიშოში წყლის სისტემების რეაბილიტაციისათვის;

 გ) დაბებში: თიანეთსა და სიონში გარე განათების რეაბილიტაცია-მშენებლობისათვის;

 დ) სოფ. ღულელებში ხელოვნურსაფარიანი მოედნის მოსაწყობად;

 ე) სოფ. ჯიჯეთში ბოგირის ტიპის ხიდის მოსაწყობად;

 ვ) დაბა თიანეთში მუნიციპალიტეტის გამგეობის შენობის კაპიტალური რემონტისათვის;

 ზ) დაბა თიანეთში მრავალბინიანი საცხოვრებელი სახლების სახურავების რეაბილიტაციისათვის.

 3. მცხეთის მუნიციპალიტეტს – 1 400 000 (ერთი მილიონ ოთხასი ათასი) ლარი შემდეგი პროექტების განსახორციელებლად:

ა) ქ. მცხეთაში პეტრე იბერიელისა და შრომის ქუჩებზე საყრდენი კედლის აღდგენა-რეაბილიტაციისათვის;

 ბ) სოფლების: წილკნისა და მუხრანის ღვინის ქარხნის დასახლების წყალმომარაგების სისტემის მოწესრიგებისათვის;

 გ) ჯიღაურა-ბიწმენდის გზის მონაკვეთის კაპიტალური რემონტის, სოფ. ლისში მისასვლელი გზის რეაბილიტაციისა და სოფ. სასხორ-ზედა ნიჩბისის გზის სარემონტო სამუშაოებისათვის;

 დ) სოფ. გალავნის სპორტული დარბაზის მშენებლობისათვის.

 4. ყაზბეგის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) სოფლებში: არშაში, გერგეტში, სიონსა და გარბანში გარე განათების მოსაწყობად;

ბ) დაბა სტეფანწმინდაში სპორტული დარბაზის რემონტისათვის;

გ) დაბა სტეფანწმინდაში სტადიონის მოსაწყობად;

დ) დაბა სტეფანწმინდაში ცენტრალური ქუჩის რეაბილიტაციისათვის;

ე) დაბა სტეფანწმინდაში მუნიციპალიტეტის ადმინისტრაციული შენობის რემონტისათვის;

ვ) სოფ. ყანობში ბოგირის მოსაწყობად; 

ზ) სოფლებში: გერგეტსა და გორისციხეში საბავშვო ბაღების რემონტისათვის.

 

 დანართი №9

ამბროლაურის, ლენტეხის, ონისა და ცაგერის მუნიციპალიტეტებს გამოეყოთ 3 000 000 (სამი მილიონი) ლარი, მათ შორის:

1. ამბროლაურის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) ქ. ამბროლაურში საჭიდაო დარბაზის მშენებლობისათვის;

ბ) სოფლების: გორისუბნის, ბოსტანას, ძირიგეულის, პირველი ტოლის, პატარა ბარეულის, ღადიშის, წესის, ურავის, ლიხეთის, ხიმშის ჭიჭინაძეების უბნის, ბაჯის ჭელიძეების უბნისა და სხვავა-ფუტიეთის დამაკავშირებელი სასოფლო გზების რეაბილიტაციისათვის;

გ) სოფლების: ქვიშარის, ბარეულის, ზედა ღადიშის, ქვედა შავრის (ფარეიშვილების უბნის), ბაჯისა და ხვანჭკარის (ლუხუტაშვილების უბნის) წყალსადენების ქსელის მოწყობა- რეაბილიტაციისათვის.

 2. ცაგერის მუნიციპალიტეტს – 900 000 (ცხრაასი ათასი) ლარი შემდეგი პროექტების განსახორციელებლად:

ა) ქ. ცაგერის დამწვარი მუზეუმის შენობის რეაბილიტაციისათვის;

 ბ) ქ. ცაგერის სპორტული დარბაზის რემონტისათვის;

 გ) ქ. ცაგერის კულტურის სახლის რემონტისათვის;

 დ) ქ. ცაგერის ლ. ასათიანის სახ. ბაღის კეთილმოწყობის სამუშაოებისათვის;

 ე) ქ. ცაგერის ხელოვნურსაფარიანი სპორტული მოედნის მოსაწყობად;

 ვ) ქ. ცაგერში ბავშვების გასართობი პარკის მოსაწყობად;

 ზ) ქ. ცაგერში საცხოვრებელი ბინებისა და შენობების ფასადებისა და სახურავების რემონტისათვის;

 თ) ცაგერის მუნიციპალიტეტის სოფლების ადმინისტრაციული შენობების სამშენებლო-სარემონტო სამუშაოებისა და სოფ. სპათაგორში ახალი ადმინისტრაციული შენობის მშენებლობისათვის;

 ი) ცაგერის მუნიციპალიტეტის სოფ. ოფიტარაში ბიბლიოთეკის შენობის რემონტისათვის;

 კ) ქ. ცაგერისა და სოფლების ცენტრების გარე განათების მოსაწყობად;

 ლ) მუნიციპალიტეტის სოფლების წყალსადენების მშენებლობა-რეაბილიტაციისათვის;

 მ) ცაგერის მუნიციპალიტეტის შიდა სასოფლო გზების მოვლა-შენახვისათვის.

3. ონის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) ქ. ონში სანიაღვრე არხების მოსაწყობად;

ბ) ქ. ონში მრავალბინიანი საცხოვრებელი სახლების რემონტისათვის;

გ) ქ. ონსა და სოფლებში: უწერასა და შოვში მინერალურ წყლებთან მისასვლელებისა და მიმდებარე ტერიტორიების მოსაწყობად;

დ) ქ. ონის კულტურისა და დასვენების პარკის კეთილმოსაწყობად;

ე) სოფლებში: წმენდაურში, ქრისტესში, კომანდელში, ხირხონისში, ბარსა და შეუბანში სასმელი წყლის სისტემების მოსაწყობად;

ვ) ქ. ონში საჭიდაო დარბაზის რემონტისათვის;

 ზ) სოფლების: ბაჯიხევის, კომანდელის, ხირხონისის, ქრისტესის, სხიერის, შეუბნის, გომის შიდა სასოფლო გზების მოვლა-შენახვისათვის;

თ) სოფლებში: ღარსა და ნიგვზნარაში ასფალტის საფარიანი მოედნების მოსაწყობად.

4. ლენტეხის მუნიციპალიტეტს – 600 000 (ექვსასი ათასი) ლარი შემდეგი პროექტების განსახორციელებლად:

ა) დაბა ლენტეხში ცენტრალური ქუჩების გასწვრივ დეკორატიული ღობეების მოსაწყობად;

ბ) დაბა ლენტეხში შენობების გადახურვისა და ფასადების კეთილმოსაწყობად;

გ) დაბა ლენტეხსა და ადმინისტრაციულ ცენტრებში გარე განათების რეაბილიტაციისათვის;

დ) დაბა ლენტეხში პარკებისა და სკვერების რეაბილიტაციისათვის;

ე) დაბა ლენტეხსა და სოფლებში წყალსადენებისა და სათავე ნაგებობების რეაბილიტაცისათვის;

ვ) დაბა ლენტეხში ახალგაზრდული ცენტრისა და კინოს სახლის რეაბილიტაციისათვის;

ზ) სოფლების: ნანარის, გულიდის, ხელედის, საყდრის, გვიმბრალის, ყვედრეშისა და ცხმელურის კლუბების რეაბილიტაციისათვის;

თ) სოფ. ჟახუნდერის ადმინისტრაციული შენობის რეაბილიტაციის, სოფ. ჩიხარეშის ადმინისტრაციული შენობის სახურავისა და ელგაყვანილობის მოწყობის, სოფ. თეკალის ადმინისტრაციული შენობის შემოღობვისა და ეზოს კეთილმოწყობისათვის;

ი) სოფლების: ხოფურისა და შკედის საბავშვო ბაღების რეაბილიტაციისათვის;

კ) ლენტეხის მუნიციპალიტეტში სპორტული მოედნების მოსაწყობად.