„2015 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2015 წლის 1 ივნისის №1109 განკარგულებაში ცვლილების შეტანის შესახებ

საქართველოს მთავრობის

განკარგულება №2376

2015 წლის 9 ნოემბერი

 ქ. თბილისი

 „2015 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2015 წლის 1 ივნისის №1109 განკარგულებაში ცვლილების შეტანის შესახებ

საქართველოს ზოგადი ადმინისტრაციული კოდექსის 63-ე მუხლის შესაბამისად, „2015 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2015 წლის 1 ივნისის №1109 განკარგულებაში შეტანილ იქნეს შემდეგი ცვლილებები:

ა) განკარგულების პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

 „ბ)  აპრილ-ივნისშიგამოცხადებული ტენდერების შედეგად წარმოქმნილი ეკონომია შეადგენს 12 857 927 (თორმეტი მილიონ რვაას ორმოცდაჩვიდმეტი ათას ცხრაას ოცდაშვიდი) ლარს (დანართი №2);“;

ბ) განკარგულების პირველ პუნქტს დაემატოს შემდეგი შინაარსის „დ“ ქვეპუნქტი:

 „დ)            ივლის-სექტემბერში გამოცხადებული ტენდერების შედეგად წარმოქმნილი ეკონომია შეადგენს 12 749 265 (თორმეტი მილიონ შვიდას ორმოცდაცხრა ათას ორას სამოცდახუთი) ლარს (დანართი №4).“;

გ) განკარგულებას დაემატოს შემდეგი შინაარსის 1¹ პუნქტი:

„1¹. დაევალოს საქართველოს ფინანსთა სამინისტროს, ამ განკარგულების პირველი პუნქტის „დ“ ქვეპუნქტით განსაზღვრული ეკონომიიდან 9 031 000 (ცხრა მილიონ ოცდათერთმეტი ათასი) ლარი (დანართი №5), „საქართველოს 2015 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-3 პუნქტის თანახმად, მიმართოს საქართველოს მთავრობის სარეზერვო ფონდში, საქართველოს კანონმდებლობით დადგენილი წესით.“;

დ) განკარგულების მეორე პუნქტი ჩამოყალიბდეს შემდეგი რედაქციით:

„2. საქართველოს სამინისტროებსა და მათ კონტროლს დაქვემდებარებულ საბიუჯეტო ორგანიზაციებს მიეცეთ უფლება, „სახელმწიფო შესყიდვების შესახებ“ საქართველოს კანონის შესაბამისად, 2015 წლის იანვარ-სექტემბერში წარმოქმნილი ეკონომია, გარდა ამ განკარგულების 1¹ პუნქტით გათვალისწინებული ოდენობისა, მიმართონ მათ მიერ განსახორციელებელი ინფრასტრუქტურული ღონისძიებების დასაფინანსებლად.“;

ე)  განკარგულების დანართი №2 ჩამოყალიბდეს თანდართული რედაქციით;

ვ) განკარგულებას დაემატოს დანართი №4 და დანართი №5 თანდართული რედაქციით.

 

პრემიერ-მინისტრი                                 ირაკლი ღარიბაშვილი