მუხლი 4. საქმისწარმოების ორგანიზება და კონტროლი

1. საქმისწარმოების წესით დადგენილი მოთხოვნების დაცვასა და შესრულებაზე კონტროლს თავისი კომპეტენციის ფარგლებში ახორციელებს ერედვის მუნიციპალიტეტის ადმინისტრაციული სამსახურის საქმისწარმოების, საკადრო პოლიტიკისა და კადრების საორგანიზაციო განყოფილება (შემდგომ –
საქმისწარმოების განყოფილება).

2. ამ საქმისწარმოების წესით დადგენილი პროცედურების დაცვისათვის პასუხისმგებლობა ეკისრება საქმისწარმოების განყოფილებას, რომლის მოვალეობაში შედის:

ა) შემოსული და ადგილზე შექმნილი დოკუმენტების აღრიცხვა;

ბ) დოკუმენტების გადაცემა ქვედანაყოფის უფროსისა და შემსრულებლისათვის;

გ) დოკუმენტების შესრულების კონტროლი და შესრულების მიმდინარეობის შესახებ ინფორმაციის მომზადება;

დ) გასული დოკუმენტების გაგზავნა;

ე) საქმეთა მომზადება არქივისათვის ჩასაბარებლად;

ვ) საქმეთა ნომენკლატურის შედგენა;

ზ) თვითმმართველობის მოხელეთათვის საქმისწარმოების წესის გაცნობა;

თ) სხვა მოვალეობები, რაც გათვალისწინებულია ერედვის მუნიციპალიტეტის ადმინისტრაციული სამსახურის დებულებით.

3. ერედვის მუნიციპალიტეტის გამგეობაში შესაბამისი ტექნიკური მხარდაჭერის დანერგვისას დოკუმენტბრუნვის ორგანიზება იწარმოებს ელექტრონული ფორმით.