„საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის 25 თებერვლის №303 განკარგულებაში ცვლილების შეტანის თაობაზე

საქართველოს მთავრობის

განკარგულება №2472

2016 წლის 29 ნოემბერი

ქ. თბილისი

„საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის25 თებერვლის №303 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს მოსახლეობის ბუნებრივი გაზით მომარაგებისათვის საჭირო ღონისძიებების შესახებ“ საქართველოს მთავრობის 2016 წლის 25 თებერვლის №303 განკარგულებაში შეტანილ იქნეს ცვლილება და განკარგულების პირველი პუნქტის „დ“ და „ც“ ქვეპუნქტები ჩამოყალიბდეს შემდეგი რედაქციით:

„დ) ახმეტის მუნიციპალიტეტის სოფლების: ბაყილოვანის, საკობიანოს, ყვარელწყლის, დედისფერულის, ქორეთის, დუისის, წინუბნის, ჯოყოლოს, ბირკიანის, ხორბალოს, ზემო ხალაწნის, შუა ხალაწნის, ქვემო ხალაწნის, დუმასტურის, ომალოს, არგოხის, მაღრაანისა და ფიჩხოვანის გაზიფიცირებისთვის საჭირო სამშენებლო სამუშაოების შესრულება;“;

„ც) ყვარლის მუნიციპალიტეტის სოფლების: შოროხის (სარუსო), ჩანტლისყურეს, საბუეს, შაქრიანისა და ზინობიანის გაზიფიცირებისათვის საჭირო საპროექტო სამუშაოების შესრულება, ასევე ყვარლის მუნიციპალიტეტის სოფელ ალმატისა და თივის გაზიფიცირებისათვის საჭირო საპროექტო და სამშენებლო სამუშაოების შესრულება;“.

 

პრემიერ-მინისტრი                                   გიორგი კვირიკაშვილი