1.
სიღნაღის მუნიციპალიტეტში რეგისტრირებული ან/და ფაქტობრივად  მაცხოვრებელი  მარჩენალდაკარგული  მიიღებს  200 (ორასი)  ლარის  ოდენობით   ერთჯერად   დაფინანსებას.
2.
სიღნაღის მუნიციპალიტეტში რეგისტრირებული ან/და ფაქტობრივად  მაცხოვრებელი  მარტოხელა   მშობელი  მიიღებს  100  (ასი)  ლარის  ოდენობით   ერთჯერად  დაფინანსებას.
3.
ამ მუხლის  პირველი პუნქტით გათვალისწინებული პროგრამით მოსარგებლემ  დახმარების მისაღებად  უნდა წარმოადგინოს შემდეგი დოკუმენტაცია: ა) განცხადება მერის სახელზე;

ბ) მშობლის პირადობის მოწმობის ასლი, ხოლო დედ-მამით ობოლი ბავშვის  შემთხვევაში –მეურვე/მზრუნველის  პირადობის  მოწმობის  ასლი და მეურვეობის დამადასტურებელი ცნობა;

გ) ბავშვის შესაბამისი სტატუსის დამადასტურებელი დოკუმენტის ასლი (ცნობა სოციალური მომსახურების  სააგენტოდან)  ან  მშობლის  (მშობლები)  გარდაცვალების  მოწმობის ასლი;

დ) საბანკო ანგარიშის რეკვიზიტები.

4.
ანაზღაურება   მოხდება   უნაღდო   ანგარიშსწორების   ფორმით  ბანკში   გახსნილ   პირად  ანგარიშზე.
5.
ამ მუხლის  მეორე პუნქტით გათვალისწინებული პროგრამით მოსარგებლემ  დახმარების მისაღებად  უნდა წარმოადგინოს   შემდეგი  დოკუმენტაცია:
ა)
განცხადება მერის სახელზე;
ბ)
პირადობის დამადასტურებელი მოწმობის ასლი, ხოლო  პირადობის დამადასტურებელ დოკუმენტში რეგისტრაციის ადგილის განუსაზღვრელობის შემთხვევაში, ასევე, სსიპ – სახელმწიფო სერვისების განვითარების სააგენტოდან განცხადება-ანკეტის (ფორმა №1) ასლი ან/და მუნიციპალიტეტის მერის წარმომადგენლის ცნობა პირის კონკრეტულ მისამართზე ფაქტობრივი ცხოვრების ფაქტის დადასტურების შესახებ;
გ)
შვილის (შვილები) დაბადების მოწმობის ასლი;
დ)
საბანკო ანგარიშის რეკვიზიტები.
6.
ანაზღაურება   მოხდება   უნაღდო   ანგარიშსწორების   ფორმით  ბანკში   გახსნილ   პირად   ანგარიშზე