1. საზოგადოებრივი უსაფრთხოების მართვის ცენტრი „112“-ის ამოცანებია:

ა) გადაუდებელი დახმარების ოპერატიული და ეფექტიანი მართვის მიზნით საგანგებო სიტუაციებსა და საქართველოს კანონმდებლობით განსაზღვრულ სხვა შემთხვევებში ერთიანი სატელეფონო ნომრის − „112“-ის საშუალებით შეტყობინებების მიღება;

ბ) უფლებამოსილ სუბიექტებთან ერთად საგანგებო სიტუაციებისა და გადაუდებელი დახმარების გაწევის აუცილებლობის სხვა შემთხვევების ოპერატიული და ეფექტიანი მართვა და ამ მიზნით აღნიშნულ სუბიექტებთან კოორდინირებული საქმიანობის უზრუნველყოფა;

გ) ვიდეოანალიტიკური პროგრამების გამოყენებით 24-საათიანი უწყვეტი ვიდეომეთვალყურეობის განხორციელება ქვეყნის მთელ ტერიტორიაზე დანაშაულის ჩადენის, დანაშაულის მცდელობის ფაქტისა და სამართალდარღვევის დაფიქსირებისა და შესაბამისი რეაგირების მიზნით;

დ) საქართველოს კანონმდებლობით გათვალისწინებულ შემთხვევაში და წესით ელექტრონული ზედამხედველობის უზრუნველყოფა;

ე) საქართველოს კანონმდებლობით დადგენილი წესით კერძო დაცვითი საქმიანობის ლიცენზიის გაცემა და მისი კონტროლი.

2. საზოგადოებრივი უსაფრთხოების მართვის ცენტრი „112“-ის ფუნქციებია:

ა) საგანგებო სიტუაციების, დანაშაულის/სამართალდარღვევისა და გადაუდებელი დახმარების აუცილებლობის სხვა შემთხვევის შესახებ შეტყობინების/ინფორმაციის მიღება, დამუშავება და მათზე რეაგირების მიზნით შესაბამისი სუბიექტებისათვის ინფორმაციის მიწოდება;

ბ) სასწრაფო სამედიცინო დახმარების, ბუნებრივი აირით მომარაგების შეწყვეტის, შეზღუდვის ან/და წნევის დასაშვები ნორმიდან გადახრის (ცვალებადობის), სასმელი წყლის მომარაგების შეწყვეტის ან/და წნევის ცვალებადობის, მექანიკურ სატრანსპორტო საშუალებათა ევაკუატორით ან თავისი სვლით გადაადგილების მომსახურების გაწევის და გადაუდებელი დახმარების აუცილებლობის სხვა შემთხვევების შესახებ შეტყობინების მიღება/დამუშავება და უფლებამოსილი სუბიექტებისთვის შემდგომი რეაგირების მიზნით გადაცემა;

გ) სამინისტროს ანონიმურ შეტყობინებათა პროგრამის მეშვეობით, გადაუდებელი შემთხვევების დროს, მართლსაწინააღმდეგო ქმედების შესახებ ინფორმაციის მიღება და დამუშავება საჭიროების შემთხვევაში, რეაგირების მიზნით შესაბამისი სუბიექტებისათვის მიწოდება;

დ) საგანგებო სიტუაციებისა და გადაუდებელი დახმარების აუცილებლობის სხვა შემთხვევების აღრიცხვა, ანალიზი და შესაბამისი სტატისტიკის წარმოება;

ე) საგანგებო სიტუაციებისა და გადაუდებელი დახმარების აუცილებლობის შემთხვევებზე რეაგირების განმახორციელებელი უფლებამოსილი სუბიექტის მისვლამდე კომპეტენციის ფარგლებში კონსულტაციის გაწევა და პირისთვის აუცილებელი პირველადი ინფორმაციის მიწოდება;

ვ) მექანიკურ სატრანსპორტო საშუალებათა ევაკუატორით ან თავისი სვლით გადაადგილების უზრუნველყოფა, საგზაო-სატრანსპორტო შემთხვევის შედეგად გარდაცვლილთა გადაყვანა პროზექტურაში;

ზ) სპეციალურად დაცული (საჯარიმო) სადგომების მოწყობა-ორგანიზება საქართველოს ადმინისტრაციული ან სისხლის სამართლის კანონმდებლობით სამინისტროს კომპეტენციისთვის მიკუთვნებული სამართალდარღვევების/დანაშაულის შემთხვევაში გადაყვნას/ჩამორთმევას დაქვემდებარებულ სატრანსპორტო საშუალებათა სპეციალურად დაცულ (საჯარიმო) სადგომზე გადაყვანის და დგომის უზრუნველსაყოფად;

თ) ვიდეომეთვალყურეობის პროცესში, სპეციალური ანალიტიკური პროგრამის შედეგად დანაშაულის/დანაშაულის მცდელობის ფაქტის დაფიქსირება, ძებნილი პირების/ავტომობილების აღმოჩენა;

ი) ვიდეომეთვალყურეობის შედეგად ადმინისტრაციული სამართალდარღვევების დაფიქსირება და საქართველოს კანონმდებლობით დადგენილ შემთხვევებში, ადმინისტრაციული სახდელის შეფარდების მიზნით, სამინისტროს შესაბამისი დანაყოფისათვის ან შესაბამისი უწყებისთვის ინფორმაციის გადაცემა;

კ) ვიდეომეთვალყურეობის პროცესში სპეციალური ანალიტიკური პროგრამის მეშვეობით გამოვლენილი შესაძლო მართლსაწინაააღმდეგო ან/და სხვა საფრთხის შემცველი შემთხვევის შესახებ სამინისტროს შესაბამისი დანაყოფის ან/და უფლებამოსილი ორგანოებისათვის ინფორმაციის ოპერატიულად მიწოდება;

ლ) საპოლიციო ღონისძიების განხორციელებისას, შესაბამის დანაყოფებს შორის კოორდინირებული მუშაობის უზრუნველყოფა;

მ) საზოგადოებრივი უსაფრთხოების მართვის ცენტრ „112“-ში შემოსული შეტყობინების და ამ პუნქტის „კ“ ქვეპუნქტით გათვალისწინებული შემთხვევის შესახებ სამინისტროს დანაყოფების ან/და შესაბამისი უწყებების მიერ რეაგირების ღონისძიების აღრიცხვა, ანალიზი და საოპერაციო ანალიტიკის განხორციელება;

ნ) ინციდენტზე მორეაგირე დანაყოფისათვის დანიშნულების ადგილზე მისვლამდე აუცილებელი პირველადი და სიტუაციური ინფორმაციის მიწოდება და მათი შემდგომი უწყვეტი ანალიტიკური და საინფორმაციო მხარდაჭერა;

ო) მასშტაბური ღონისძიების, ოპერაციის და კრიზისული ვითარების დროს, სამინისტროს შესაბამისი დანაყოფების ერთიანი რეაგირების ღონისძიებების სტრატეგიული მართვის ხელშეწყობა;

პ) ვიდეომეთვალყურეობის შედეგად მოპოვებული ინფორმაციის დამუშავება და უფლებამოსილი პირისთვის გადაცემის უზრუნველყოფა საქართველოს კანონმდებლობით დადგენილი წესით;

ჟ) კომპეტენციის ფარგლებში, საქართველოს მასშტაბით სამინისტროს ვიდეომეთვალყურეობის ერთიანი ქსელის, სასერვეროების და ქსელში ჩართული კამერების გამართული ფუნქციონირების უზრუნველყოფა;

რ) ვიდეომეთვალყურეობის სისტემის დაგეგმვის, ავტომატური ფოტო (რადარი) და ვიდეოტექნიკის დამონტაჟება/განთავსების და ვიდეომეთვალყურეობის სისტემაში ჩართვის უზრუნველყოფა საქართველოს კანონმდებლობით გათვალისწინებულ შემთხვევებში;

ს) პოლიციის საჭიროებებიდან გამომდინარე, სასაზღვრო გამტარი პუნქტების, აეროპორტების, საზღვაო პორტების, რკინიგზის ცენტრალური და საკვანძო სადგურების, მეტროპოლიტენის სადგურების, ხიდების, საზოგადოებრივი მასობრივი თავშეყრის ადგილების და საქართველოს კანონმდებლობით განსაზღვრული სხვა ადგილების ვიდეოკამერებით აღჭურვის შესახებ რეკომენდაციების გაცემა ან/და უკვე არსებული ვიდეოკამერების სამინისტროს ვიდეომეთვალყურეობის სისტემაში ჩართვა;

ტ) საქართველოს კანონმდებლობით დადგენილი წესით, სხვის მფლობელობაში არსებული/დამონტაჟებული ავტომატურ ფოტო (რადარი) და ვიდეოტექნიკის გამოყენება;

უ) კომპეტენციის ფარგლებში საქართველოს კანონმდებლობით დადგენილი ვიდეომეთვალყურეობის სისტემების და მათ დამონტაჟება-ექსპლუატაციასთან დაკავშირებული მოთხოვნების შესრულების მონიტორინგის განხორციელება და შესაბამისი რეკომენდაციების გაცემა;

ფ) ერთიანი რეესტრის წარმოება სამინისტროს ქსელში ჩართული ვიდეომეთვალყურეობის სისტემის ფარგლებში კამერების განთავსების ადგილებისა და რაოდენობის შესახებ;

ქ) კონსულტაციების გაწევა სამინისტროს შესაბამის დანაყოფებისთვის კამერის ტიპის, შესაბამისი ტექნიკური მახასიათებლების და მის გამართულ ფუნქციონირებასთან დაკავშირებულ საკითხებზე;

ღ) კომპიუტერული მომსახურების, ვიდეო სამეთვალყურეო სისტემებთან დაკავშირებული მომსახურებისა და საქართველოს მთავრობის დადგენილებით გათვალისწინებული სხვა მომსახურების გაწევა და შესაბამისი შემოსავლის მიღება;

ყ) სამინისტროს პოლიციის დეპარტამენტების შიდა და გარე მეთვალყურეობის კამერების სისტემიდან, აგრეთვე, საპატრულო პოლიციის დეპარტამენტის სამხრე ვიდეოკამერების სისტემიდან მონაცემთა ამოღება და უფლებამოსილი პირისთვის საქართველოს კანონმდებლობით დადგენილი წესით გადაცემა;

შ) კერძო დაცვითი საქმიანობის ლიცენზიის გაცემასა და კერძო დაცვით საქმიანობაზე კონტროლის განხორციელება „კერძო დაცვითი საქმიანობის შესახებ“ საქართველოს კანონის შესაბამისად;

ჩ) ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვის მიზნით, 24-საათიანი ელექტრონული ზედამხედველობის უზრუნველყოფა სპეციალური ელექტრონული პროგრამის მეშვეობით და სათანადო ინსტრუქციით გათვალისწინებული ინფორმაციის შესაბამისი სუბიექტებისათვის გადაცემა;

ც) საქმიანობის ეფექტიანობის შეფასების მიზნით საზოგადოებრივი უსაფრთხოების მართვის ცენტრ „112“-ში შემოსულ შეტყობინებაზე შესაბამისი რეაგირების ღონისძიებების შესახებ საზოგადოების ცნობიერების ამაღლება და აზრის კვლევა;

ძ) კომპეტენციის ფარგლებში საქართველოს ან/და უცხო ქვეყნის შესაბამის დაწესებულებებთან/ორგანიზაციებთან თანამშრომლობა;

წ) საქართველოს კანონმდებლობით დადგენილი წესით საკადრო რეზერვის შექმნა;

ჭ) საქართველოს კანონმდებლობით დადგენილი წესით, ხელშეკრულების საფუძველზე სხვადასხვა სამუშაოს შესრულება და მომსახურების გაწევა;

ხ) საქართველოს კანონმდებლობით გათვალისწინებული სხვა უფლებამოსილებების განხორციელებ