1. ადმინისტრაცია (სამმართველო):

ა) სტრუქტურულ ერთეულებთან კოორდინაციით, უზრუნველყოფს საზოგადოებრივი უსაფრთხოების მართვის ცენტრი „112“-ის განვითარების სტრატეგიისა და სამოქმედო გეგმის შემუშავებას და შესრულების მდგომარეობის შესახებ ანგარიშის შედგენას;

ბ) უზრუნველყოფს საზოგადოებრივი უსაფრთხოების მართვის ცენტრ „112“-ის მიერ განხორციელებული საქმიანობის შესახებ ინფორმაციის დამუშავებას, სამუშაო პროცესის ანალიზს, სტატისტიკის წარმოებასა და აღნიშნულის საფუძველზე, შესაბამისი რეკომენდაციების მომზადებას;

გ) მონაცემთა სტატისტიკური დამუშავებისა და სამუშაო პროცესების ანალიზის საფუძველზე, უზრუნველყოფს პროექტების ინიცირებას, დაგეგმვას და განხორციელებას;

დ) უზრუნველყოფს საზოგადოებრივი უსაფრთხოების მართვის ცენტრ „112“-ში არსებული სერვისების გაუმჯობესებას და ახალი სერვისების შექმნას;

ე) ახორციელებს ადგილობრივ და საერთაშორისო დონეზე საუკეთესო პრაქტიკის მოძიებას და შესწავლას;

ვ) თანამშრომლობს ადგილობრივ, საერთაშორისო და დონორ ორგანიზაციებთან;

ზ) უზრუნველყოფს საზოგადოებასთან, მედიასა და საზოგადოებრივ ორგანიზაციებთან ურთიერთობის სტრატეგიის შემუშავებას და კომუნიკაციის მართვას;

თ) უზრუნველყოფს საზოგადოებრივი უსაფრთხოების მართვის ცენტრ „112“-ის იმიჯის შექმნასა და ამაღლებას;

ი) ახორციელებს საზოგადოებრივი უსაფრთხოების მართვის ცენტრ „112“-ის ოფიციალური ვებგვერდისა და სოციალურ ქსელში სხვა ოფიციალური გვერდების მართვას;

კ) ახორციელებს საგანგებო სიტუაციებისა და გადაუდებელი დახმარების აუცილებლობის შემთხვევათა შესახებ შეტყობინებათა აღრიცხვას, ანალიზსა და შესაბამისი სტატისტიკის წარმოებას;

ლ) საზოგადოებრივი უსაფრთხოების მართვის ცენტრ „112“-ის საჭიროებათა გათვალისწინებით, გეგმავს და ახორციელებს მარკეტინგულ კვლევებსა და კამპანიებს;

მ) უზრუნველყოფს საზოგადოებისა და მედიის წარმომადგენლებთან თემატური შეხვედრების, პრესკონფერენციებისა და ბრიფინგების მოწყობას, საზოგადოებრივ ღონისძიებათა დაგეგმვას და განხორციელებას;

ნ) უზრუნველყოფს საპროტოკოლო საქმიანობას;

ო) უზრუნველყოფს საზოგადოებრივი უსაფრთხოების მართვის ცენტრ „112“-ის საქმიანობის სამართლებრივ მხარდაჭერას;

პ) კომპეტენციის ფარგლებში, უზრუნველყოფს საზოგადოებრივი უსაფრთხოების მართვის ცენტრ „112“-ის წარმომადგენლობას სასამართლოში, ადმინისტრაციულ ორგანოებში, ასევე, იურიდიულ და ფიზიკურ პირებთან საზოგადოებრივი უსაფრთხოების მართვის ცენტრი „112“-ის ინტერესების დაცვას;

ჟ) ეწევა სამართალშემოქმედებით საქმიანობას;

რ) უზრუნველყოფს ერთგვაროვანი სამართლებრივი პრაქტიკის ჩამოყალიბებას;

ს) უზრუნველყოფს შემოსული კორესპონდენციის სამართლებრივ განხილვას კომპეტენციის ფარგლებში;

ტ) უზრუნველყოფს სტრუქტურული ერთეულების მიერ მომზადებული სამართლებრივი აქტებისა და დოკუმენტების სამართლებრივ ექსპერტიზას;

უ) საჯარო ინფორმაციის გაცემის უზრუნველყოფისა და პროაქტიულად გამოქვეყნების მიზნით, საზოგადოებრივი უსაფრთხოების მართვის ცენტრ „112“-ის შესაბამისი სტრუქტურული ერთეულებიდან გამოითხოვს საჭირო ინფორმაციას და უზრუნველყოფს მათ შესრულებაზე კონტროლს;

ფ) უზრუნველყოფს სახელმწიფო შესყიდვების შესახებ ხელშეკრულებების სამართლებრივ ექსპერტიზას;

ქ) ახორციელებს საქმისწარმოებას საქართველოს კანონმდებლობით დადგენილი წესების შესაბამისად;

ღ) ახორციელებს საზოგადოებრივი უსაფრთხოების მართვის ცენტრ „112“-ში შემოსული და გასული კორესპონდენციის დამუშავებას, რეგისტრაციას და ხელმძღვანელობისთვის მიწოდებას;

ყ) პერსონალური მონაცემების დაცვის/დამუშავების საკითხებზე უზრუნველყოფს საზოგადოებრივი უსაფრთხოების მართვის ცენტრ „112“-ის სტრუქტურული ერთეულების ინფორმირებას;

შ) შემოსული საიდუმლო და არასაიდუმლო დოკუმენტაციის მიღება, აღრიცხვა და საქმისწარმოება, საქართველოს კანონმდებლობით დადგენილი წესის შესაბამისად;

ჩ) კომპეტენციის ფარგლებში ახორციელებს საორგანიზაციო საკითხებს;

ც) უზრუნველყოფს სამინისტროს ტერიტორიული ორგანოების შიდა და გარე მეთვალყურეობის კამერების სისტემიდან მონაცემთა ამოღებასა და უფლებამოსილი პირისთვის გადაცემას ა საქართველოს კანონმდებლობის შესაბამისად;

ძ) სათანადო მიმართვის საფუძველზე, საქართველოს კანონმდებლობის შესაბამისად, უზრუნველყოფს სამინისტროს საპატრულო პოლიციის დეპარტამენტის სამხრე ვიდეოკამერების სისტემიდან მონაცემთა ამოღებას და უფლებამოსილი პირისთვის გადაცემას საქართველოს კანონმდებლობის შესაბამისად;

წ) უზრუნველყოფს ვიდეომეთვალყურეობის და აუდიოშეტყობინების შედეგად მოპოვებული ინფორმაციის დამუშავებას და უფლებამოსილი პირისთვის გადაცემას კანონმდებლობით დადგენილი წესით;

ჭ) ახორციელებს ამ დებულებით და საქართველოს კანონმდებლობით გათვალისწინებულ სხვა უფლებამოსილებებს.

2. ანალიზისა და პროექტების მართვის სამსახური უზრუნველყოფს ამ მუხლის პირველი პუნქტის „ა“-„ნ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელებას.

3. სამართლებრივი უზრუნველყოფის განყოფილება უზრუნველყოფს ამ მუხლის პირველი პუნქტის „ო“-„ფ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელებას.

4. საქმისწარმოების განყოფილება უზრუნველყოფს ამ მუხლის პირველი პუნქტის „ქ“-„ჩ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელებას.

5. ვიდეო-აუდიო ჩანაწერების განყოფილება უზრუნველყოფს ამ მუხლის პირველი პუნქტის „ც“-„წ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელება