1. ადამიანური რესურსების მართვისა და განვითარების სამმართველო:

ა) უზრუნველყოფს საზოგადოებრივი უსაფრთხოების მართვის ცენტრ „112“-ის ადამიანური რესურსების მართვის პოლიტიკისა და სტრატეგიის განსაზღვრას და მის განხორციელებას;

ბ) გეგმავს და ორგანიზებას უწევს ადამიანური რესურსების მოზიდვას, შერჩევისა და დანიშვნის პროცესს საქართველოს კანონმდებლობით დადგენილი წესის შესაბამისად;

გ) კანდიდატთა შერჩევის მიზნით უზრუნველყოფს კონკურსის ჩატარებისათვის საქართველოს კანონმდებლობით გათვალისწინებულ ღონისძიებებს;

დ) უზრუნველყოფს საზოგადოებრივი უსაფრთხოების მართვის ცენტრ „112“-ში არსებულ ვაკანტურ თანამდებობებზე კონკურსის დაგეგმვასა და ორგანიზებას, საქართველოს კანონმდებლობით დადგენილი წესით;

ე) საზოგადოებრივი უსაფრთხოების მართვის ცენტრ „112“-ის დირექტორის (შემდგომ - დირექტორი) მიერ განსაზღვრული წესით უზრუნველყოფს საკადრო რეზერვის შექმნას;

ვ) უზრუნველყოფს საკადრო საკითხებთან დაკავშირებული ბრძანებების/ხელშეკრულებების (მოსამსახურეთა მიღების, თანამდებობრივი გადაადგილების, წახალისების, ხელფასზე დანამატის დაწესების აგრეთვე დისციპლინური პასუხისმგებლობის შეფარდების, თანამდებობიდან გათავისუფლებისა და შრომითი ხელშეკრულებების) პროექტის მომზადებას;

ზ) უზრუნველყოფს საზოგადოებრივი უსაფრთხოების მართვის ცენტრ „112“-ის მოსამსახურეთა პირადი საქმეების აღრიცხვა-დამუშავებას, ასევე საარქივო პირადი საქმეების აღრიცხვას და შესაბამის მონაცემთა ბაზის წარმოებას;

თ) კომპეტენციის ფარგლებში, ახორციელებს საზოგადოებრივი უსაფრთხოების მართვის ცენტრ „112“-ის მოსამსახურეთა სახელმწიფო საიდუმლოებაზე დაშვების მასალების მომზადებას;

ი) განსახორციელებელი ღონისძიებების შესახებ შეიმუშავებს წინადადებებს ადამიანური რესურსების მართვის ხარისხის გაუმჯობესებასთან დაკავშირებით (სამუშაოს შეფასებისა და მოტივაციის სისტემები);

კ) კოორდინაციას უწევს საზოგადოებრივი უსაფრთხოების მართვის ცენტრ „112“-ის მომსახურეთა სამუშაო აღწერილობების, შინაგანაწესის, საკვალიფიკაციო მოთხოვნებისა და ადამიანური რესურსების მართვასთან დაკავშირებული ინსტრუქციების შემუშავების პროცესს;

ლ) ადამიანური რესურსების მართვის მიზნებისათვის ამუშავებს შესაბამის მონაცემებს, აწარმოებს საზოგადოებრივი უსაფრთხოების მართვის ცენტრ „112“-ის მოსამსახურეთა მონაცემთა ბაზებს;

მ) ხელს უწყობს საზოგადოებრივი უსაფრთხოების მართვის ცენტრ „112“-ის მოსამსახურეთა კვალიფიკაციის ამაღლებას;

ნ) საზოგადოებრივი უსაფრთხოების მართვის ცენტრ „112“-ის მოსამსახურეებისთვის ან/და მისაღები კანდიდატებისთვის შეიმუშავებს კითხვარს, ტესტს, დამხმარე სასწავლო მასალას, უზრუნველყოფს მათ გამოყენებას/ჩატარებას და შედეგების შეფასებას;

ო) საკუთარი კომპეტენციის ფარგლებში განსაზღვრავს საზოგადოებრივი უსაფრთხოების მართვის ცენტრი „112“-ის მოსამსახურეთა პროფესიული განვითარების საჭიროებებს და უზრუნველყოფს სასწავლო მოდულების შემუშავებას, დაგეგმვას და ორგანიზებას;

პ) უზრუნველყოფს მისაღებ კანდიდატთა საბაზისო მომზადების კურსის ჩატარებას და სასწავლო პრაქტიკის დაგეგმვას;

ჟ) უზრუნველყოფს საზოგადოებრივი უსაფრთხოების მართვის ცენტრ „112“-ის მოსამსახურეთა საქმიანობაზე დაკვირვების შედეგად სასწავლო კურსების ეფექტიანობის შეფასებას და საჭიროების შემთხვევაში, შესაბამისი რეკომენდაციების შემუშავებას;

რ) კონსულტაციას უწევს საზოგადოებრივი უსაფრთხოების მართვის ცენტრ „112“-ის მოსამსახურეების სტრესის მართვის, ეფექტიანი კომუნიკაციის ან/და სამუშაოს შესრულებისთვის საჭირო სხვა მნიშვნელოვანი საკითხების შესახებ;

ს) ახორციელებს ამ დებულებით და საქართველოს კანონმდებლობით გათვალისწინებულ სხვა უფლებამოსილებებს.

2. სასწავლო ცენტრი (განყოფილება) უზრუნველყოფს ამ მუხლის პირველი პუნქტის „ო“-„რ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელება