1. ლიცენზირებული დაწესებულებების შემოწმების სამმართველო:

ა) უზრუნველყოფს კერძო დაცვით საქმიანობაზე კონტროლს, დაცვითი ორგანიზაციისა და მცველის მიერ „კერძო დაცვითი საქმიანობის შესახებ“ საქართველოს კანონის მოთხოვნების დაცვის შემოწმებას და ამ მოთხოვნების დარღვევისათვის, კერძო დაცვითი ორგანიზაციისათვის, ფიზიკური ან/და იურიდიული პირისათვის შესაბამისი პასუხისმგებლობის დაკისრებას;

ბ) ახორციელებს „კერძო დაცვითი საქმიანობის შესახებ“ საქართველოს კანონით გათვალისწინებული მცველის მოწმობის დამზადებასა და გაცემას, რომლის ღირებულება შეადგენს 15 ლარს;

გ) უზრუნველყოფს კერძო დავით საქმიანობასთან დაკავშირებით შეტყობინებების მიღებას ელექტრონული პორტალის საშუალებით და პორტალის გამართულ ფუნქციონირებას;

დ) კომპეტენციის ფარგლებში, ახორციელებს საქართველოს კანონმდებლობით დადგენილი ვიდეომეთვალყურეობის სისტემების და მათ დამონტაჟება-ექსპლუატაციასთან დაკავშირებული მოთხოვნების შესრულების მონიტორინგს და გასცემს შესაბამის რეკომენდაციებს;

ე) შეიმუშავებს ლიცენზირებადი დაწესებულებების შემოწმების გეგმას და დასამტკიცებლად წარუდგენს დირექტორს;

ვ) კომპეტენციის ფარგლებში აწარმოებს სტატისტიკას;

ზ) ლიცენზირებადი დაწესებულებების განცხადებების მიღება-დამუშავება და ინფორმაციის გაცემა ხორციელდება ელექტრონული პორტალის მეშვეობით;

თ) ახორციელებს ამ დებულებით და საქართველოს კანონმდებლობით გათვალისწინებულ სხვა უფლებამოსილებებს.

2. კერძო დაცვითი საქმიანობის შემოწმების განყოფილება უზრუნველყოფს ამ მუხლის პირველი პუნქტის „ა“-„გ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელებას.

3. ლიცენზირებული დაწესებულებების შემოწმების განყოფილება უზრუნველყოფს ამ მუხლის პირველი პუნქტის „დ“-„ზ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელება