1. ეკონომიკური სამმართველო:

ა) წარმართავს საზოგადოებრივი უსაფრთხოების მართვის ცენტრ „112“-ის საფინანსო-ეკონომიკურ, სამეურნეო და საბუღალტრო საქმიანობას;

ბ) უზრუნველყოფს საზოგადოებრივი უსაფრთხოების მართვის ცენტრ „112“-ის ფინანსური და მატერიალური სახსრების ეფექტიან მართვას საქართველოს კანონმდებლობით დადგენილი წესით;

გ) შეიმუშავებს საზოგადოებრივი უსაფრთხოების მართვის ცენტრ „112“-ის ბიუჯეტსა და ხარჯთა ნუსხის პროექტებს და კანონით განსაზღვრულ სტატისტიკურ ანგარიშს;

დ) საქართველოს კანონმდებლობით დადგენილი წესით საზოგადოებრივი უსაფრთხოების მართვის ცენტრ „112“-ის დირექტორს დასამტკიცებლად წარუდგენს საზოგადოებრივი უსაფრთხოების მართვის ცენტრ „112“-ის წლიურ ბიუჯეტს;

ე) ახორციელებს საფინანსო და საბუღალტრო საქმიანობის ანალიზს;

ვ) ორგანიზებას უწევს ძირითადი საშუალებების, ფულადი სახსრებისა და საფინანსო-მატერიალური ფასეულობების ინვენტარიზაციის ჩატარებას;

ზ) უზრუნველყოფს სახელმწიფო შესყიდვების დაგეგმვას, სახელმწიფო შესყიდვების წლიური გეგმის შედგენას და სახელმწიფო შესყიდვების პროცედურების განხორციელებას საქართველოს კანონმდებლობის შესაბამისად;

თ) უზრუნველყოფს სახელმწიფო შესყიდვასთან დაკავშირებული ხელშეკრულების დადებას და აკონტროლებს დადებული ხელშეკრულების შესრულებას;

ი) ახორციელებს საზოგადოებრივი უსაფრთხოების მართვის ცენტრ „112“-ის ფუნქციონირებისთვის აუცილებელ მატერიალურ-ტექნიკურ უზრუნველყოფას;

კ) უზრუნველყოფს საზოგადოებრივი უსაფრთხოების მართვის ცენტრ „112“-ის ბალანსზე რიცხული სატრანსპორტო საშუალებების ტექნიკურ გამართულობასა და უძრავი ქონების მოვლა-პატრონობას;

ლ) უზრუნველყოფს ელექტრონული ზედამხედველობისთვის საჭირო ელექტრონული მოწყობილობის შესაბამის დანაყოფზე გადაცემას და აწარმოებს მათ ერთიან რეესტრს;

მ) მექანიკურ სატრანსპორტო საშუალებათა ევაკუატორით ან თავისი სვლით გადაადგილების უზრუნველყოფა;

ნ) საგზაო-სატრანსპორტო შემთხვევის შედეგად გარდაცვლილთა გადაყვანა პროზექტურაში;

ო) საქართველოს კანონმდებლობით გათვალისწინებული წესით ახორციელებს საზოგადოებრივი უსაფრთხოების მართვის ცენტრი „112“-ის სპეციალურად დაცულ (საჯარიმო) სადგომებზე სატრანსპორტო საშუალებათა განთავსება/შენახვას;

პ) უზრუნველყოფს საზოგადოებრივი უსაფრთხოების მართვის ცენტრ „112“-ის სპეციალურად დაცული (საჯარიმო) სადგომების გამართულ ფუნქციონირებას;

ჟ) კომპეტენციის ფარგლებში უზრუნველყოფს საზოგადოებრივი უსაფრთხოების მართვის ცენტრ „112“-ის ევაკუატორით მომსახურების სერვისით დაინტერესებულ პირებთან ურთიერთობას;

რ) დოკუმენტაციის წარმოებას და მომსახურების საფუძველზე შემოსავლების მიღების ადმინისტრირებას;

ს) ახორციელებს ამ დებულებით და საქართველოს კანონმდებლობით გათვალისწინებულ სხვა უფლებამოსილებებს.

2. ევაკუატორით მომსახურების სერვისცენტრი (განყოფილება) უზრუნველყოფს ამ მუხლის პირველი პუნქტის „მ“-„რ“ ქვეპუნქტებით და საქართველოს კანონმდებლობით გათვალისწინებული სხვა ფუნქციების განხორციელება