1. ქართული, რუსული ან ლათინური შრიფტით დაბეჭდილ გამოცემებში ძირითადი ტექსტის სტრიქონის სიგრძე, ინტერლინიაჟის, გარნიტურის (შრიფტის კეგელზე დამოკიდებულების მიხედვით) გადიდება, უნდა შეესაბამებოდეს დანართი 1-ის ცხრილ 2-ში მოცემულ მოთხოვნებს.
2. სწავლების პირველი წლისათვის განკუთვნილი გამოცემებისათვის ოპტიმალურად ითვლება შრიფტული გაფორმების პარამეტრები რომელიც შეესაბამება 23-ე მუხლის მე-2 პუნქტს.
3. II-VI კლასებისათვის განკუთვნილი გამოცემებისათვის ოპტიმალურად ითვლება შემდეგი პარამეტრები:
ა) შრიფტის კეგელი – 16 პუნქტი;
ბ) სტრიქონის სიგრძე – 120-130მმ;
გ) ინტერლინიაჟის გადიდება – 2-4 პუნქტი;
დ) შრიფტის ტევადობა – 5,5-6,0;
ე) შრიფტების ჯგუფი – გოგებაშვილის. ნორმალური, სწორი, ნათელი მოხაზულობით.
4. დაუშვებელია ძირითადი ტექსტის ორ სვეტად ბეჭდვა, გარდა ლექსებისა. ლექსებისათვის დასაშვებია ორსვეტიანი წყობა, მხოლოდ სვეტებს შორის მანძილი უნდა იყოს არანაკლებ 9მმ.
5. ორ და ორზე მეტი რაოდენობის სვეტებად შეიძლება ჩამოიწეროს სიტყვების ჩამონათვალი და სიტყვათშეწყობა, ასევე ქრონოლოგიური მასალა, მხოლოდ სვეტებს შორის მანძილი უნდა იყოს არანაკლებ 12მმ, გამყოფი ხაზი არანაკლებ 6მმ.
6. გამოცემის ლექსიკონურ ნაწილში დასაშვებია ორსვეტიანი წყობა, მხოლოდ სვეტებს შორის მანძილი უნდა იყოს არანაკლებ 9მმ, გამყოფი ხაზი არანაკლებ 6მმ.
7. შრიფტის კეგელი გამოცემათა ლექსიკონურ ნაწილში შეიძლება 2 პუნქტით ნაკლები იყოს ძირითადი ტექსტის შრიფტის კეგელზე, ხოლო ინტერლინიაჟის გადიდება – არანაკლებ 2 პუნქტი.
8. ტექსტის გამოსაყოფად შრიფტის კეგელი უნდა შეესაბამებოდეს დანართი 1-ის ცხრილ 2-ში მოცემულ მოთხოვნებს.
9. ხელნაწერი შრიფტის გამოყენებისას, მისი ზომა ძირითადი ტექსტის შრიფტის კეგელზე 2 პუნქტით მეტი უნდა იყოს. სწავლების პირველი წლისათვის განკუთვნილ კომბინირებულ გამოცემებში დასაშვებია დავალებათა ტექსტი დაიბეჭდოს შრიფტით კეგელი არანაკლებ 14 პუნქტი, ხოლო სწავლების II-VI წლისათვის – არანაკლებ 12 პუნქტი.
10. ილუსტრაციებზე წარწერებისათვის რეკომენდებულია გამოყენებული იქნეს შრიფტი კეგელით არანაკლებ 12 პუნქტი და ილუსტრაციის კიდეებიდან მათი დაშორება არანაკლებ 16 პუნქტი