2. თამბაქოს ადამიანის ორგანიზმზე მოქმედების შესწავლის საკითხს დიდი ხნის ისტორია აქვს, მაგრამ, ძირითადად, იგი ეხება თამბაქოს წევის და ნიკოტინის მოქმედების მავნეობას. თამბაქოს მტვერში კი, ნიკოტინის გარდა, შედის მთელი რიგი ტოქსიკური ნივთიერებები (ნოკოტეინი, ნიკოტოპლინი, პიროლიდინი, ამონიაკი, ფენოლი, ეთერზეთები და სხვა), რომლებიც ტოქსიკურობით არ ჩამოუვარდება ნიკოტინს და ერთობლივი მოქმედებით აძლიერებენ ტოქსიკურ ეფექტს. როგორც ცნობილია, თამბაქოს წარმოება მიეკუთვნება განსაკუთრებით მავნე დარგს, რამეთუ ტექნოლოგიური პროცესის დროს გამოყოფილი თამბაქოს მტვრისა და მისი შემადგენელი ქიმიური ნივთიერებების კომპლექსური მოქმედება, სხვა საწარმოო ფაქტორებთან ერთად, მავნე გავლენას ახდენს მომუშავეთა ორგანიზმზე.
3. თამბაქო მიეკუთვნება მცენარეული წარმოების მავნე ნივთიერებათა რიცხვს, რომელიც თავისი ხასიათით წარმოადგენს დაბალი ხვედრითი წონისა და მაღალი დისპერსობის მქონე ორგანულ მტვერს, რის გამოც ის მუდამ იმყოფება სამუშაო ზონის ჰაერში შეწონილ მდგომარეობაში. თამბაქოს მტვრის ორგანიზმზე ტოქსიკური მოქმედება, ძირითადად, განპირობებულია მასში ნიკოტინის შემცველობით (0,7-დან 3%-მდე), ხოლო თამბაქოს მტვრისა და მის შემადგენლობაში მყოფი სხვადასხვა ტოქსიკური ქიმიური ნივთიერებების კონცენტრაციების მაღალი დონე განსაზღვრავს თამბაქოს წარმოების ძირითად მავნეობას.
4. ნიკოტინი (ჩ10 14 2), რთული ნაერთი – პიროდილ-მეთილპიროლიდინი, უფერო, ზეთოვანი სითხეა, არასასიამოვნო სუნით, რომელიც მალე ორთქლდება, კარგად იხსნება წყალში, სპირტში, ეთერში, ნავთში და აზოტმჟავას ზემოქმედების დროს გადადის ნიკოტინის მჟავაში.
5. ნიკოტინი ორგანიზმში ხვდება სასუნთქი ორგანოებიდან, კუჭ-ნაწლავის ტრაქტიდან და კანიდან. ის ადვილად იხსნება ბიოსუბსტრატში. ნიკოტინის ორგანიზმიდან გამოყოფა უცვლელი სახით ხდება ამოსუნთქული ჰაერის საშუალებით, ნაწილობრივ, თირკმელებიდან და სარძევე ჯირკვლებიდან