ა) ბაქტერიციდული ნათურა;
ბ) გაუსნებოვნების კამერა;
გ) კვარცის შალითა.
2. უი გამოსხივების წყაროდ გამოიყენება გაზგანმმუხტველი ნათურები, 205–315 ნმ ტალღის სიგრძის დიაპაზონით. ნათურები, რომელთა კონსტრუქცია ვერცხლისწყლის განმმუხტვის გამოსხივების სპექტრის 185 ნმ-ის ხაზს შეიცავს, მუშაობის პროცესში ჰაერში წარმოქმნის ოზონს.
3. წყლის გამაუსნებოვნებელ დანადგარებში გამოყენებული ნათურების ძირითადი ტიპები შევსებულია ვერცხლისწყლის ორთქლისა და ინერტული აირების ნარევით, რომლებიც მუშაობენ მაღალი და დაბალი წნევის რეჟიმში:
ა) დაბალი წნევის ნათურებს გააჩნიათ 2–200 ვტ ელექტრული სიმძლავრე და 40–150 0C სამუშაო ტემპერატურა. ამ ტიპის ნათურებში 30% ელექტრული ენერგია გარდაიქმნება 254 ნმ ტალღის სიგრძის ბაქტერიციდულ გამოსხივებად. დაბალი წნევის ნათურების მუშაობის ხანგრძლივობა შეადგენს 5000–10000 სთ-ს;
ბ) მაღალი წნევის ნათურებს გააჩნიათ 50–10000 ვტ სიმძლავრე და მუშაობენ 600–8000C ტემპერატურისას. ამ ნათურებს აქვთ გამოსხივების ფართო სპექტრი და მოკლეტალღიანი გამოსხივების არეში მარგი ქმედების დაბალი კოეფიციენტი. მათი გამოყენება წყლის გაუსნებოვნების ტექნოლოგიაში განპირობებულია ნათურების დიდი სიმძლავრით.
4. კონსტრუქციის მიხედვით უი ნათურები იყოფა: ნათურები ამრეკლებითა და ნათურები დამცავი კვარცის შალითებით.
ა) უი ნათურები ამრეკლებით გამოიყენება დანადგარებში გამოსხივების ჩაუყურსავი წყაროთი. ნათურები მოთავსებულია თავისუფლად, გამდინარე წყლის ზემოთ და, ამგვარად, დანადგარში ნათურებს წყალთან უშუალო კონტაქტი არ აქვთ;
ბ) უი ნათურები დამცავი კვარცის შალითით გამოიყენება დანადგარებში გამოსხივების ჩაყურსული წყაროთი. ნათურები დამცავი შალითით მოთავსებულია წყლის ნაკადში და გარსშემოდენილია წყლით ყველა მხრიდან. დამცავი შალითები ჩვეულებრივ მზადდება კვარცის მინისაგან და გამიზნულია ნათურების ტემპერატურული რეჟიმის სტაბილიზაციისათვის.
5. წყლის გაუსნებოვნებისათვის უკეთესია გამოიყენებულ იქნეს დანადგარები გამოსხივების ჩაყურსული წყაროთი, უი ნათურების ეფექტურობის მაქსიმალური გამოყენების მიზნით