1. დაწესებულების დაბალი რისკის თავისუფლების აღკვეთის ნაწილში მოთავსებულ მსჯავრდებულებს შეუძლიათ დამოუკიდებლად გადაადგილდნენ დაწესებულებაში ამისთვის სპეციალურად გამოყოფილ იზოლირებულ დანაყოფებზე, დღის განრიგით დადგენილი წესით და სასჯელის მოხდის ინდივიდუალური გეგმის შესაბამისად. დღის განრიგით გათვალისწინებული ვალდებულებებისაგან თავისუფალ დროს კი მსჯავრდებულებს შეუძლიათ გადაადგილდნენ დაწესებულების დაბალი რისკის თავისუფლების აღკვეთის ნაწილის ტერიტორიის სხვა მონაკვეთებში – დაწესებულების წარმომადგენლის თანხმობით ან/და ზედამხედველობით.
2. დაწესებულების ნახევრად ღია ტიპის ნაწილში დღის განრიგით გათვალისწინებული ვალდებულებებისაგან თავისუფალ დროს მსჯავრდებულებს შეუძლიათ დამოუკიდებლად გადაადგილდნენ ამისთვის სპეციალურად გამოყოფილ იზოლირებულ ტერიტორიაზე, ხოლო დაწესებულების ნახევრად ღია ტიპის ნაწილის სხვა მონაკვეთებში – დაწესებულების დირექტორის თანხმობითა და დაწესებულების წარმომადგენლის ზედამხედველობით.
3. დაწესებულების დახურული ტიპის თავისუფლების აღკვეთის ნაწილში მსჯავრდებულებს შეუძლიათ გადაადგილდნენ დაწესებულებაში ამისთვის სპეციალურად გამოყოფილ იზოლირებულ ტერიტორიაზე, დღის განრიგით დადგენილი წესით, ხოლო დაწესებულების დახურული ტიპის ნაწილის სხვა მონაკვეთებში - დაწესებულების დირექტორის თანხმობითა და დაწესებულების წარმომადგენლის ზედამხედველობით.
4. დაწესებულების განსაკუთრებული რისკის თავისუფლების აღკვეთის ნაწილში დღის განმავლობაში, დღის განრიგის შესაბამისად, მსჯავრდებულის საკნიდან გამოყვანა და გადაადგილება ხორციელდება სამართლებრივი რეჟიმის განყოფილების ან/და უსაფრთხოების განყოფილების არანაკლებ ორი უფლებამოსილი მოსამსახურის თანხლებით, როგორც წესი, ხელბორკილის გამოყენების გარეშე. მსჯავრდებულის გადაადგილება ისე უნდა იქნეს ორგანიზებული, რომ თავიდან იქნეს აცილებული მისი უშუალო კონტაქტი სხვა მსჯავრდებულთან, გარდა თანამესაკნისა (ასეთის არსებობის შემთხვევაში).
5. დაწესებულების ნახევრად ღია და დახურული ტიპის თავისუფლების აღკვეთის ნაწილებში მსჯავრდებულთა ჯგუფების გადაადგილება დაწესებულების ტერიტორიაზე ხორციელდება მწყობრად დაწესებულების წარმომადგენლის წარმართვით.
6. მსჯავრდებულის გადაადგილების დროს დაწესებულების შესაბამის მოსამსახურეს უფლება აქვს უსაფრთხოების დაცვის მიზნით მოსთხოვოს მას ხელების ზურგს უკან დაწყობა.
7. დაწესებულების უფლებამოსილი მოსამსახურის დასაბუთებული პატაკის საფუძველზე გამოცემული დაწესებულების დირექტორის ბრძანებით, დღის განმავლობაში, დღის განრიგის შესაბამისად, დაწესებულების განსაკუთრებული რისკის თავისუფლების აღკვეთის ნაწილში განთავსებული მსჯავრდებულის საკნიდან გამოყვანა და დაწესებულებაში გადაადგილება დანიშნულების ადგილას მიყვანამდე, დასაშვებია ხელბორკილის გამოყენებით, თუ მსჯავრდებული თავისი ქმედებით წინააღმდეგობას უწევს სამსახურის მოსამსახურეს ან/და არ ემორჩილება მის კანონიერ მოთხოვნას, ასევე, თუ საფრთხეს უქმნის საკუთარ ან/და სხვის სიცოცხლეს ან/და ჯანმრთელობას, აზიანებს ან ცდილობს დააზიანოს სხვისი/სახელმწიფო ქონება, ცდილობს გაქცევას, ან/და თუ არსებობს ამ პუნქტით გათვალისწინებული გარემოებების დადგომის გონივრული ეჭვი.
8. ამ მუხლის მე-7 პუნქტით გათვალისწინებულ შემთხვევაში მსჯავრდებულის მიმართ, მისი საკნიდან გამოყვანისა და დაწესებულებაში გადაადგილებისას დანიშნულების ადგილას მიყვანამდე, ხელბორკილის გამოყენება დასაშვებია იმ საფრთხის აღმოფხვრამდე, რამაც მისი გამოყენება განაპირობა, მაგრამ არაუმეტეს 1 თვისა.
9. ღამის საათებში მსჯავრდებულის გადაადგილება თავისი საერთო საცხოვრებლის/საკნის ფარგლებს გარეთ აკრძალულია, გარდა განსაკუთრებულ შემთხვევებში (მათ შორის, სამედიცინო დახმარების გაწევის აუცილებლობის შემთხვევაში) დაწესებულების უფლებამოსილი მოსამსახურის (დაწესებულების განსაკუთრებული რისკის თავისუფლების აღკვეთის ნაწილში - არანაკლებ 2 მოსამსახურის) თანხლებით. ღამის საათები განისაზღვრება დღის განრიგით.
10. სამარტოო საკანში მოთავსებული მსჯავრდებულის სამარტოო საკანს გარეთ გადაადგილება ხორციელდება მხოლოდ დაწესებულების წარმომადგენლის თანდასწრებით.
11. დღის განრიგით გათვალისწინებული ვალდებულებების შესასრულებლად და საქართველოს კანონმდებლობით დადგენილ სხვა პროცედურებზე (შემოწმება, პაემანი ან სხვა შეხვედრა, სამედიცინო მომსახურებით სარგებლობა და სხვა) გასვლის დროს მსჯავრდებული ვალდებულია დაიცვას წესრიგი, დაემორჩილოს დაწესებულების წარმომადგენლის კანონიერ მოთხოვნას.
12. დღის განრიგით განსაზღვრული კვების დროს ნახევრად ღია ტიპის ნაწილში არსებული საერთო საცხოვრებლები იკეტებ