1. ავიასაწარმო ვალდებულია:

ა) უზრუნველყოს ამ პროგრამის მოთხოვნების შესრულება;

ბ) უზრუნველყოს საავიაციო უშიშროების უზრუნველმყოფი პერსონალისა და სხვა პერსონალის შერჩევა და მომზადება მომზადების პროგრამის მოთხოვნათა შესაბამისად, როგორც ამ საწარმოში დასაქმებული პირების, ასევე იმ პირების, რომლებიც ხელშეკრულების საფუძველზე (ქვეკონტრაქტი) ახორციელებენ საავიაციო უშიშროების უზრუნველყოფას ამ საწარმოში, ასევე უზრუნველყოს ამ შერჩევა-მომზადების პროცესში წარმოებული ყველა დოკუმენტის შენახვა და დაცვა ამ წესის მოთხოვნის შესაბამისად;

გ) შეიმუშაოს საავიაციო უშიშროების პროგრამაში შესატანი საავიაციო უშიშროების  მომზადების საკითხები,  დანერგოს და პერიოდულად განახორციელოს ცვლილებები მასში ამ პროგრამის მოთხოვნათა შესაბამისად;

დ) ხარისხის შიდა კონტროლის ფარგლებში განახორციელოს საავიაციო უშიშროების უზრუნველმყოფი პერსონალისა და სხვა პერსონალის შერჩევის, მიღებისა და მომზადების მოთხოვნების შესრულების შემოწმება.

2. ავიასაწარმოს საავიაციო უშიშროების  მომზადების საკითხები უნდა ითვალისწინებდეს მოთხოვნებს როგორც საავიაციო უშიშროების უზრუნველმყოფი პერსონალის, ასევე სხვა პერსონალის მიმართ და მოიცავდეს შემდეგს:

ა)  შერჩევის კრიტერიუმებს;

ბ) მინიმალურ საკვალიფიკაციო მოთხოვნებს სხვადასხვა კატეგორიის პერსონალისთვის;

გ) პირველადი მომზადების პროგრამას (საკითხები, ხანგრძლივობა და ა.შ.);

დ) სამუშაო ადგილზე მომზადების საკითხებს (საჭიროების მიხედვით);

ე) პერიოდული მომზადების პროგრამას (საკითხების ჩამონათვალი, სიხშირე და სხვა