1. ტესტირების ჩატარებისას, საზოგადოებრივი კონტროლისა და საჯაროობის უზრუნველყოფის მიზნით, საკონკურსო-საატესტაციო კომისიის გადაწყვეტილებით შეიძლება მეთვალყურეებად დაშვებულ იქნენ საზოგადოების წარმომადგენლები.
2. მეთვალყურეები აკრედიტაციას გადიან სამდივნოში, ტესტირების ჩატარებამდე არა უგვიანეს       2 დღისა.
3. მეთვალყურეები საგამოცდო დარბაზში დაიკავებენ მათთვის სპეციალურად გამოყოფილ ადგილებს. მათ არა აქვთ ტესტირების პროცესში ჩარევის უფლება, ხოლო ამ მოთხოვნის დარღვევის შემთხვევაში მეთვალყურე საკონკურსო-საატესტაციო კომისიის ან სამდივნოს წარმომადგენლის მიერ დათხოვნილ იქნება საგამოცდო დარბაზიდან, რის შესახებაც დგება შესაბამისი ოქმი.
4. ტესტირებისას საგამოცდო დარბაზში დაიშვებიან მხოლოდ საკონკურსო კომისიისა და სამდივნოს წევრები, ასევე საკონკურსო კომისიის მიერ უფლებამოსილი პირები და კონკურსანტები. საგამოცდო დარბაზში შესვლის უფლების მინიჭების მიზნით (გარდა კონკურსანტების, საკონკურსო კომისიისა და სამდივნოს წევრებისა), საშვებს გასცემს სამდივნო, საკონკურსო-საატესტაციო კომისიის გადაწყვეტილების საფუძველზე.
5. საკონკურსო-საატესტაციო კომისიის წევრები, სამდივნოს წარმომადგენლები და მეთვალყურეები საგამოცდო დარბაზში შესვლისას ხელს აწერენ დასწრების ფურცელს, სადაც აღინიშნება ტესტირებაზე მათი გამოცხადებისა და მათ მიერ ტესტირების დატოვების ზუსტი დრო