1. კონკურსანტის შესახებ გადაწყვეტილების მიღებისას საკონკურსო-საატესტაციო კომისია აფასებს კონკურსანტის შესაბამისობას ვაკანტური თანამდებობის დასაკავებლად დადგენილ მოთხოვნებთან.
2. გასაუბრებისას კონკურსანტის შეფასება ხდება საკონკურსო-საატესტაციო კომისიის მიერ განსაზღვრული თითოეული პარამეტრის მიხედვით საკონკურსო-საატესტაციო კომისიის თითოეული წევრის მიერ მაქსიმუმ 10 ქულით, მინიმუმ – 0 ქულით.
3. საკონკურსო-საატესტაციო კომისიის წევრების მიერ თითოეული კონკურსანტის ქულებით შეფასება ხდება სპეციალურად მომზადებულ და საკონკურსო-საატესტაციო კომისიის მიერ დამტკიცებულ ბლანკებში, რომელსაც ხელს აწერს საკონკურსო-საატესტაციო კომისიის შემფასებელი წევრი.
4. საკონკურსო-საატესტაციო კომისიის წევრების მიერ კონკურსანტის შეფასების სპეციალური შევსებული ბლანკები გადაეცემა საკონკურსო-საატესტაციო კომისიის სამდივნოს წევრს ქულების დაჯამებისა და საბოლოო ქულის გამოთვლის მიზნით.
5. სამდივნოს უფროსი პასუხისმგებელია თითოეული კონკურსანტისათვის საკონკურსო-საატესტაციო კომისიის წევრების მიერ დაწერილი ქულების დაჯამებაზე.
6. ქულების გამოთვლა ხდება შემდეგნაირად: კომისიის ყველა დამსწრე წევრის მიერ დაწერილი ქულების ჯამი იყოფა საკონკურსო-საატესტაციო კომისიის დამსწრე წევრების რაოდენობაზე.
7. გასაუბრების შედეგი ჩაითვლება დადებითად, თუ კონკურსანტი მიიღებს მაქსიმალურ ქულათა არანაკლებ 70 %-ს