1. საჯარო სამართლის იურიდიული პირი ,,აკრედიტაციის ერთიანი ეროვნული ორგანო – აკრედიტაციის ცენტრი“ – (შემდგომში – აკრედიტაციის ცენტრი, შემოკლებული დასახელება ქართულად – ,,საკ“, ლათინურად – ,,GAC“) შექმნილია ,,პროდუქციის და მომსახურების სერტიფიკაციის შესახებ“ საქართველოს კანონის საფუძველზე, ქმნის აკრედიტაციის სისტემას, რომელიც შეესაბამება საერთაშორისო მოთხოვნებს და საქართველოს მთელ ტერიტორიაზე ახორციელებს აკრედიტაციას.
2. აკრედიტაციის ცენტრი ახორციელებს ტესტირების (საგამოცდო), მათ შორის, ანალიზური, გამზომი ლაბორატორიების, ასევე დაკალიბრების და მეტროლოგიური დამოწმების ლაბორატორიების (შემდგომში – ლაბორატორიები), პროდუქციის და მომსახურების სერტიფიკაციის ორგანოების, ხარისხის სისტემების და პერსონალის სერტიფიკაციის ორგანოების (შემდგომში – სერტიფიკაციის ორგანოები) აკრედიტაციის სამუშაოების ჩატარებას