1. საამფეთქებლო სამუშაოები ყინულის დამსხვრევისათვის სრულდება ტექნიკური ზედამხედველის ხელმძღვანელობით.
2. თუ სამუშაოები სრულდება ნავიდან, აუცილებელია მომუშავეებს დაურიგდეთ მაშველი ჟილეტები ან დამზღვევი სარტყლები.
3. ყინულის დამსხვრევისას ერთ ამფეთქებელს უფლება აქვს ერთჯერადად მოუკიდოს მხოლოდ 12 ამნთებ მილაკს.
4. მუხტების აფეთქება ხორციელდება შუა მდინარიდან ნაპირებისაკენ, დამრეცი ნაპირიდან სწორი ნაპირისაკენ, მდინარის დინების საწინააღმდეგო მიმართულებით.
5. მცურავი ყინულის ბელტებზე, ჩახერგილ უბნებზე მუხტების ხელით გადასროლა პირდაპირ ნაპირიდან ან დაცული ნაგებობებიდან დასაშვებია გამონაკლის შემთხვევებში. ასეთ სამუშაოს ასრულებს ამფეთქებელი, რომელსაც აქვს ყინულების მსხვრევაზე პრაქტიკული მუშაობის, სულ ცოტა, ორი სეზონის სტაჟი. მუხტები გადაისროლება სათითაოდ. გადასასროლი მუხტების ცეცხლგამტარი ზონრის ან ამნთები მილაკის სიგრძე აიღება არანაკლებ 15 და არა უმეტეს 25 სმ-ისა.
6. წყალქვეშა მუხტებით ყინულის საფარის აფეთქებისას, მუხტები ხვრელებში ჩაიშვება კანაფის ან სხვა მსგავსი საიმედო დასამაგრებელი მასალის საშუალებით. მუხტების უშუალოდ წყალში ჩაშვების წინ დგინდება ხვრელების ზომები. აკრძალულია მუხტების ჩაშვება ლილოებში და ჩანატეხებში (ნაპრალებში).
7. თუ აფეთქებები წარმოებს გემიდან, ფეთქებადი მასალები ამფეთქებელზე გაიცემა გემის კაპიტნის წერილობითი განკარგულებით საამფეთქებლო სამუ-შაოების ხელმძღვანელის განაცხადის საფუძველზე