1. ლითონების აფეთქებით მსხვრევისას და აფეთქების ენერგიის გამოყენებით ლითონების დამუშავებისას, საამფეთქებლო სამუშაოები ხორციელდება წესებისა და უსაფრთხოების ტიპური ინსტრუქციების საფუძველზე შედგენილი პროექტების მიხედვით, რომ-ლებიც მტკიცდება ტექზედამხედველობის მიერ. აუცილებლობის შემთხვევაში დასაშვებია საწარმოებში დამუშავდეს და ტექზედამხედველობასთან შეთანხმდეს ინსტრუქციები, რომლებშიც გათვალისწინებული იქნება ლითონის აფეთქების ენერგიით დამუშავების უსაფრთხოების სპეციფიკური თავისებურებანი.
2. იმ სათავსებისა და მოედნების კონსტრუქციები, სადაც სრულდება ლითონის აფეთქებით დამუშავება, გათვლილი უნდა იყოს მაქსიმალურად დასაშვები მასის მუხტის აფეთქებაზე. ასეთი სათავსები და მოედნები საექსპლუატაციოდ მიიღება საწარმოს კომისიის მიერ. კომისიაში მონაწილეობს ტექზედამხედველობის წარმომადგენელი. სათავსები და მოედნები წელიწადში ერთხელ მოწმდება საწარმოს კომისიის მიერ, რაზეც დგება აქტი მათი შემდგომი ექსპლუატაციის შესახებ.
3. ტექნოლოგიური მოწყობილობის (რომლებზედაც ჩამონტაჟებულია ფეთქებადი ნივთიერების მუხტი) ასაწევი საშუალებები აღჭურვილი უნდა იყოს ორი ერთმანეთისაგან დამოუკიდებლად მოქმედი მუხრუჭით, ასევე ავტომატურად გასაჩერებელი ბოლო ამომრთველებით