1. საწარმოში ფეთქებადი მასალების დანაკლისის შემთხვევაში ხელმძღვანელობისათვის შეტყობინებასა და მუშაკთა მოქმედების წესს განსაზღვრავს საწარმოს ხელმძღვანელი ბრძანებით.
2. საწარმოს ხელმძღვანელმა ფეთქებადი მასალების დანაკლისის შემთხვევაში დაუყოვნებლივ უნდა აცნობოს ტექზედამხედველობასა და საქართველოს შინაგან საქმეთა სამინისტროს.
3. საწარმოს ხელმძღვანელი ვალდებულია მიიღოს ზომები იმ საგნებისა და დოკუმენტების დაცვისათვის, რომლებიც დაკავშირებულია ფეთქებადი მასალების დანაკლისის ფაქტთან; შემთხვევის ადგილზე შეწყვი-ტოს სამუშაოები გამომკვლევი კომისიის მოსვლამდე, გარდა სამუშაოებისა, რომლებიც დაკავშირებულია ფეთქებადი მასალების შემდგომ შესაძლო დანაკარგებთან, ხალხის გადარჩენასა და ავარიის ლიკვიდაციასთან; მიიღოს ზომები ფეთქებადი მასალების მოძიებისა და დაბრუნებისათვის.
4. ტექზედამხედველობის უფროსი საწარმოდან შეტყობინების საფუძველზე ბრძანებით ქმნის ფეთქებადი მასალების დანაკლისის გამომკვლევ კომისიას შემდეგი შემადგენლობით:
ა) ტექზედამხედველობის წარმომადგენელი – თავმჯდომარე;
ბ) საწარმოს პასუხისმგებელი პირი;
გ) საქართველოს შინაგან საქმეთა სამინისტროსა და ტერიტორიული ორგანოს წარმომადგენელი (შეთანხმებით).
5. ფეთქებადი მასალების დანაკლისის გამომკვლევი კომისია ვალდებულია უმოკლეს ვადაში გამოიკვლიოს მომხდარი შემთხვევის გარემოება და გამომწვევი მიზეზები, გამოავლინოს ის პირები, რომლებმაც დაარღვიეს „საამფეთქებლო სამუშაოების უსაფრთხოების წესები“, შეიმუშაოს მომხდარი შემთხვევის გამომწვევი მიზეზების აღმოფხვრის ღონისძიება და შეადგინოს აქტი (დანართი 1).
6. ფეთქებადი მასალების დანაკლისის შემთხვევის ტექნიკური გამოკვლევის კომისია, ფეთქებადი მასალების შენახვის, ტრანსპორტირების, გამოყენებისა და აღრიცხვის არსებული წესების დარღვევის მიზეზებისა და გარემოებების დადგენის მიზნით ფაქტის თვითმხილველებსა და სხვა პირებს ჩამოართმევს წერილობით ახსნა-განმარტებებს. ყოველ ახსნა-განმარტებასა და ოქმს ხელს აწერენ კომისიის ის წევრები, რომლებმაც მიიღეს ახსნა-განმარტება.
7. ფეთქებადი მასალების დანაკლისის ტექნიკური გამოკვლევის აქტს აუცილებლობის შემთხვევაში თან უნდა ერთვოდეს:
ა) სპეციალისტების მიერ შედგენილი და კომისიის წევრების მიერ დადასტურებული შემთხვევის ადგილის დათვალიერების აქტი და ესკიზი;
ბ) თვითმხილველთა ახსნა-განმარტებები;
გ) ფეთქებადი მასალების დაცვაზე, შენახვაზე, ტრანსპორტირებაზე, გამოყენებასა და აღრიცხვაზე დასაქმებულ პირთა სამედიცინო დასკვნის ასლები, რომლებიც იძლევიან ამ სამუშაოზე მათი დაშვების შესაძლებლობის ნებართვას;
დ) ამონაწერი პროექტიდან, ბურღვა-აფეთქებითი სამუშაოების პასპორტებიდან, ადგილობრივი (უწყებრივი) ინსტრუქციებიდან და სახელმძღვანელოებიდან; ფეთქებადი მასალების შემოსავლის, გაცემისა და დაბრუნების წიგნებიდან; აგრეთვე საწარმოს დებულებიდან ქვედანაყოფების შესახებ და მუშაკთა თანამდებობრივი ინსტრუქციებიდან;
ე) ტექზედამხედველობის წარმომადგენელთა მიერ გაცემული აქტების ან მიწერილობების ასლები;
ვ) განწესზედნადებისა და განწეს-საგზურის ასლები;
ზ) საექსპერტო კომისიის ან ექსპერტის დასკვნა;
თ) ცნობა მატერიალური ზარალის მითითებით და სხვა დოკუმენტები, რომლებიც ახასიათებენ საწარმოში შექმნილ მდგომარეობასა და გარემოებას, რასაც შეიძლებოდა გამოეწვია ფეთქებადი მასალების დანაკლისი.
8. ფეთქებადი მასალების დანაკლისის ტექნიკური გამოკვლევის დამთავრების შემდეგ არა უგვიანეს 5 დღისა საწარმოს ხელმძღვანელი გამოსცემს ბრძანებას კომისიის მიერ შემუშავებული ღონისძიებების შესრულების მიზნით.
9. ტექნიკური გამოკვლევის მასალების გაფორმება და ადრესატისათვის ჩაბარება ევალება კომისიას მუშაობის დამთავრებიდან არა უგვიანეს 3 დღისა.
10. ტექნიკური გამოკვლევის მასალები და დოკუმენტების ორიგინალები ინახება ტექზედამხედველობის ბურღვა-აფეთქებით სამუშაოთა ზედამხედველობის სამმართველოში, ხოლო ასლები ეგზავნება სამართალდაცვის ორგანოებს და იმ ორგანიზაციას, სადაც მოხდა ფეთქებადი მასალების დანაკლისი.
11. საწარმოს ადმინისტრაცია ვალდებულია ტექზედამხედველობაში გააგზავნოს წერილობითი შეტყო-ბინება მომხდარი შემთხვევის შედეგად შემუშავებული ღონისძიებებისა და წინადადებების შესრულების შესახებ