ადამიანის უფლებათა დაცვის განყოფილება (შემდგომში – განყოფილება) ფუნქციონალური მოვალეობიდან გამომდინარე:
ა) ახორციელებს ადამიანის უფლებათა და თავისუფლებათა დაცვის სფეროში ქვეყანაში არსებული მდგომარეობის მონიტორინგს;
ბ) მიღებული ინფორმაციის საფუძველზე ადამიანის უფლებათა დაცვის მიზნით შეიმუშავებს გადაუდებელ ორგანიზაციულ ღონისძიებებს;
გ) ადამიანის უფლებათა დაცვის საკითხებზე მოპოვებული ინფორმაციის ანალიზის საფუძველზე ეროვნული უშიშროების საბჭოზე განსახილველად ამზადებს შესაბამის საკითხებს;
დ) ამზადებს მოხსენებებს გაეროს სახელშეკრულებო ორგანოებში წარსადგენად ადამიანის უფლებათა სფეროში არსებული საერთაშორისო ვალდებულებების შესრულების შესახებ;
ე) თანამშრომლობს საქართველოს პარლამენტის ადამიანის უფლებათა და სამოქალაქო ინტეგრაციის კომიტეტთან, საქართველოს სახალხო დამცველთან, საქართველოში აკრედიტირებულ დიპლომატიურ წარმომადგენლობებთან, ადამიანის უფლებათა დაცვის საერთაშორისო ორგანიზაციებთან და არასამთავრობო ორგანიზაციებთან;
ვ) განიხილავს ადამიანის უფლებათა დაცვის სფეროში მიღებულ ინფორმაციებს და ეროვნული უშიშროების საბჭოს მდივნისთვის მოსახსენებლად ამზადებს შესაბამის წინადადებებსა და რეკომენდაციებს;
ზ) ახორციელებს ადამიანის უფლებათა დაცვის პრობლემათა ორგანიზაციულმეთოდოლოგიური უზრუნველყოფას;
თ) საქართველოში ადამიანის უფლებათა დაცვის მდგომარეობის შესახებ მიღებული ინფორმაციის შემოწმებისა და ანალიზის საფუძველზე საჭიროების შემთხვევაში ამზადებს უშიშროების საბჭოსთვის წარსადგენად სათანადო დასკვნებს, წინადადებებსა და რეკომენდაციებს;
ი) ამზადებს და მართავს შეხვედრებს საერთაშორისო და არასამთავრობო ორგანიზაციებთან;
კ) წარუდგენს ხელმძღვანელობას ადამიანის უფლებათა დაცვის სფეროში სამართლებრივი აქტების პროექტებს, აგრეთვე ადამიანის უფლებათა დაცვის პრობლემათა შესახებ მეცნიერული კვლევის შედეგებსა და რეკომენდაციებს;
ლ) ადამიანის უფლებათა დაცვის მიზნით ახორციელებს დროებითი დაკავებისა და თავისუფლების აღკვეთის დაწესებულებათა საქმიანობის მონიტორინგსა და აღნიშნულ საკითხებზე შესაბამისი თანამდებობის პირთა ანგარიშების მოსმენას;
მ) რეგულარულად აწვდის ხელმძღვანელობას ინფორმაციას ადამიანის უფლებათა დაცვის მდგომარეობისა და ამ მიზნით გაწეული საქმიანობის შესახებ