1. შემოწმების შემდგომ ხორციელდება ობიექტის მიერ მიღებული შეუსაბამობების აღმოფხვრის ღონისძიებების გეგმის შესრულების მსვლელობის კონტროლი.
2. კონტროლის ღონისძიებების შედეგად გამოვლენილი შეუსაბამობების მიხედვით შემმოწმებლები ობიექტს წარუდგენენ საინსპექციო მიწერილობას.
3. საინსპექციო მიწერილობა გამოიყენება:
ა) იმ შემთხვევაში, თუ ობიექტმა არ შეასრულა შეუსაბამობების აღმოფხვრის ღონისძიებათა გეგმა და არ აღმოფხვრა გამოვლენილი შეუსაბამობები;
ბ) კონტროლის განხორციელების ნებისმიერ ეტაპზე შეუსაბამობის ხარისხიდან და საავიაციო უშიშროების უზრუნველყოფაზე ამ შეუსაბამობის ზეგავლენიდან გამომდინარე.
4. საინსპექციო მიწერილობა სავალდებულოა შესასრულებლად. მისი შეუსრულებლობის შემთხვევაში ადმინისტრაცია უფლებამოსილია გამოიყენოს კანონმდებლობით დადგენილი ზომები.
5. ობიექტის მიერ შეუსაბამობების აღმოფხვრის შემდეგ გატარებული ღონისძიებების შესახებ ეცნობება ადმინისტრაციას