1. სადისციპლინო კომისიის დასკვნის განხილვის შემდეგ შესაბამისი სასამართლოს თავმჯდომარეს გამოაქვს ერთპიროვნული დადგენილება, ხოლო შესაბამის იუსტიციის საბჭოს – გადაწყვეტილება დისციპლინური დევნის შეწყვეტის ანდა მოსამართლის დისციპლინურ პასუხისგებაში მიცემის შესახებ.
2. დადგენილებაში (გადაწყვეტილებაში) მოსამართლის დისციპლინურ პასუხისგებაში მიცემის შესახებ გადმოცემული უნდა იყოს მოსამართლის მიმართ წაყენებული ბრალდების შინაარსი.
3. იმავე აქტით შესაბამისად უფლებამოსილი თანამდებობის პირი თუ ორგანო ნიშნავს თავის წარმომადგენელს უზენაესი სასამართლოს სადისციპლინო კოლეგიაში საქმის განხილვის დროს დისციპლინური ბრალდების მხარდასაჭერად.
4. დადგენილების (გადაწყვეტილების) ასლი ეგზავნება დისციპლინურ პასუხისგებაში მიცემულ მოსამართლეს.
5. შესაბამისი სასამართლოს თავმჯდომარის დადგენილება ან იუსტიციის საბჭოს გადაწყვეტილება მოსამართლის დისციპლინურ პასუხისგებაში მიცემის შესახებ დადგენილების (გადაწყვეტილების) მიღებიდან სამ დღეში დისციპლინურ საქმესთან ერთად ეგზავნება საქართველოს უზენაესი სასამართლოს სადისციპლინო კოლეგიას