1. დისციპლინური დევნის აღძვრის, სადისციპლინო კომისიის შექმნის, მოსამართლის დისციპლინურ პასუხისგებაში მიცემის ან დისციპლინური დევნის შეწყვეტის საკითხებზე საქართველოს იუსტიციის საბჭო, აფხაზეთისა და აჭარის ავტონომიური რესპუბლიკების იუსტიციის საბჭოები გადაწყვეტილებას იღებენ იმ წესითა და პროცედურით, რაც მათ მიერ გადაწყვეტილების მიღებისათვის არის დადგენილი „საერთო სასამართლოების შესახებ“ საქართველოს ორგანული კანონითა და შესაბამისი იუსტიციის საბჭოს რეგლამენტით, იმ დათქმით, რომ შესაბამის საკითხთა განხილვაში საქართველოს პრეზიდენტი არ მონაწილეობს და სხდომებს თავმჯდომარეობს, შესაბამისად, საქართველოს უზენაესი სასამართლოს თავმჯდომარე, აფხაზეთის ან აჭარის ავტონომიური რესპუბლიკის უმაღლესი სასამართლოს თავმჯდომარე.
2. იუსტიციის საბჭო სხდომაზე ისმენს სადისციპლინო კომისიის წერილობით დასკვნას. მას უფლება აქვს სხდომაზე მოიწვიოს სადისციპლინო კომისიის წევრები, მოსამართლე, ვის მიმართაც არის აღძრული დისციპლინური დევნა, საჩივრის (განცხადების) ავტორი, მოისმინოს მათი ინფორმაცია და ახსნა-განმარტებები