სახელმწიფო სექტორის ფინანსური მართვის რეფორმის მხარდაჭერის პროექტის მართვის კომიტეტის შექმნის შესახებ

საქართველოს მთავრობის

განკარგულება №229

2006 წლის 31 მაისი

ქ. თბილისი

სახელმწიფო სექტორის ფინანსური მართვის რეფორმის მხარდაჭერის პროექტის მართვის კომიტეტის   შექმნის შესახებ

საქართველოსა და საერთაშორისო განვითარების ასოცი­აციის 2006 წლის 10 მარტის „სახელმწიფო სექტორის ფინანსური მართვის რეფორმის მხარდაჭერის პროექტის ფინანსური ხელშეკრულებით” ნაკისრი ვალდებულებების შესრუ­ლების მიზნით:

1. პროექტის მართვის კომიტეტში საქართველოს მხარის მონაწილეობა განისაზღვროს შემდეგი შემადგენლობით:

ალექსი ალექსიშვილი	–	საქართველოს ფინანსთა მინისტრი, კომიტეტის თავმჯდომარე
კახა ბენდუქიძე	–	საქართველოს სახელმწიფო მინისტრი რეფორმების კოორდინაციის საკითხებში
დიმიტრი გვინდაძე	–	საქართველოს ფინანსთა მინისტრის მოადგილე, კომიტეტის მდივანი
ირაკლი კოვზანაძე	–	საქართველოს პარლამენტის საფინანსო-საბიუჯეტო კომიტეტის თავმჯდომარე
ზურაბ სოსელია	–	საქართველოს კონტროლის პალატის თავმჯდომარე.

2. კომიტეტმა უზრუნველყოს „სახელმწიფო სექტორის ფინანსური მართვის რეფორმის მხარდაჭერის პროექტის” განმახორციელებელი ჯგუფის შემადგენლობისა და „სახელმწი­ფო სექტორის ფინანსური მართვის რეფორმის მხარდაჭერის პროექტის” საოპერაციო სახელმძღვანელოს დამტკიცება.

3. კომიტეტმა იმოქმედოს „სახელმწიფო სექტორის ფინანსური მართვის რეფორმის მხარდაჭერის პროექტის” საოპერაციო სახელმძღვანელოს შესაბამისად.

4. განკარგულება ძალაშია ხელმოწერის დღიდან.

 

პრემიერ-მინისტრი       ზურაბ ნოღაიდელი