ამერიკის შეერთებული შტატების მთავრობის მიერ დაფინანსებული პროექტის OPERATION PROVIDE HOPE (OPH) საქართველოში განხორციელების მხარდაჭერის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №481
2007 წლის 7 სექტემბერი
ქ. თბილისი
ამერიკის შეერთებული შტატების მთავრობის მიერ დაფინანსებული პროექტის OPERATION PROVIDE HOPE (OPH) საქართველოში განხორციელების მხარდაჭერის შესახებ
ამერიკის შეერთებული შტატების მთავრობის მიერ დაფინანსებული Operation Provide Hope (OPH) პროექტის საქართველოში განხორციელების მხარდაჭერის მიზნით საქართველოს პარლამენტის 1996 წლის 11 დეკემბრის №525 დადგენილებით რატიფიცირებული ,,საქართველოს რესპუბლიკის მთავრობასა და ამერიკის შეერთებული შტატების მთავრობას შორის ჰუმანიტარული და ტექნიკური ეკონომიკური დახმარების ხელშეწყობისათვის თანამშრომლობის თაობაზე“შეთანხმების შესაბამისად:
1. საქართველოს შრომის, ჯანმრთელობისა და სოციალური დაცვის სამინისტრომ „საქართველოს 2007 წლის სახელმწიფო ბიუჯეტის შესახებ“საქართველოს კანონით გამოყოფილ ასიგნებათა ფარგლებში უზრუნველყოს მედიკამენტებითა და სამედიცინო დანიშნულების საგნებით დატვირთული აშშ-ის სამხედრო-საჰაერო ძალების სატვირთო თვითმფრინავის ჩ-17-ის საქართველოში აფრენა-დაფრენასთან დაკავშირებული ყველა ხარჯის, აგრეთვე კონტეინერების რკინიგზის სადგურზე გადმოტვირთვის, კონტეინერების 60 (სამოცი) დღემდე დასაწყობების, სატვირთო სადგურზე სასაწყობო ფართობის დაქირავებისა და შესაბამისი საქონლის (სამედიცინო აღჭურვილობა და ნივთები) ამ განკარგულების მე-3 პუნქტით გათვალისწინებულ დაწესებულებებში გადასატანი ხარჯის ანაზღაურება.
2. სახელმწიფოებრივი და საზოგადოებრივი მნიშვნელობის გათვალისწინებით საქართველოს შრომის, ჯანმრთელობისა და სოციალური დაცვის სამინისტრომ „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბამისად სახელმწიფო შესყიდვა განახორციელოს ერთ პირთან მოლაპარაკების საშუალებით.
3. მოცემულ ეტაპზე მიზანშეწონილად ჩაითვალოს ამერიკის შეერთებული შტატების მთავრობის მიერ დაფინანსებული პროექტის Operation Provide Hope (OPH) ფარგლებში მიღებული სამედიცინო დანიშნულების საგნებისა და აპარატურის გადანაწილება შემდეგ სამედიცინო დაწესებულებებში:
ა) ღუდუშაურის სახელობის ეროვნული სამედიცინო ცენტრი;
ბ) აკადემიკოს ნ. ყიფშიძის სახელობის თბილისის სახელმწიფო სამედიცინო უნივერსიტეტის ცენტრალური კლინიკა;
გ) იაშვილის სახელობის ბავშვთა ცენტრალური კლინიკური საავადმყოფო;
დ) წმ. იოაკიმესა და ანას სამშობიარო სახლი;
ე) ტუბერკულოზისა და ფილტვის დაავადებათა ეროვნული ცენტრი.
4. საქართველოს ფინანსთა სამინისტრომ და ეკონომიკური განვითარების სამინისტრომ კომპეტენციების ფარგლებში ხელი შეუწყონ ამერიკის შეერთებული შტატების მთავრობის მიერ დაფინანსებული პროექტის Operation Provide Hope (OPH) განხორციელებას.
5. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი