რუსეთის ფედერაციის სამხედრო აგრესიის შედეგად დაზარალებული მოსახლეობის საცხოვრებელი ფართობებით უზრუნველყოფის ზოგიერთ ღონისძიებათა შესახებ

საქართველოს მთავრობის

განკარგულება №534

2009 წლის 24 ივლისი

ქ. თბილისი

 რუსეთის ფედერაციის სამხედრო აგრესიის შედეგად დაზარალებული მოსახლეობის საცხოვრებელი ფართობებით უზრუნველყოფის ზოგიერთ ღონისძიებათა შესახებ

1. საქართველოს ლტოლვილთა და განსახლების სამინის­ტრომ საკომპენსაციო თანხით უზრუნველყოს 2008 წლის 6 აგ­ვის­ტოდან რუსეთის ფედე­რაციის სამხედრო აგრესიის შედეგად უსახლკაროდ დარ­ჩენილი ის ოჯახები, რომ­ლე­ბ­მაც უარი თქვეს სახელმწიფოს მიერ შესყიდული, რეაბი­ლი­ტი­რებული ან ახლად აშენებული საცხოვრებელი ფართო­ბების მიღებაზე.

2. ამ განკარგულების პირველი პუნქტით გათვალის­წინე­ბული საკომპენსაციო თანხის ოდენობა განისაზღვროს ოჯახზე 10 000 (ათი ათასი) აშშ დოლარის ეკვივალენტი ლარით.

3. თუ ამ განკარგულების პირველი პუნქტით გათვალის­წინებული ოჯახის შემადგენლობაში აღმოჩნდება სამ სულზე ნაკ­ლები, ამგვარი ფაქტის სისწორე უნდა დადასტურდეს საქარ­თვე­ლოს ლტოლვილთა და განსახლების სამინისტროს, საქარ­თველოს იუსტიციის სამინისტროს საჯარო სამართლის იური­დიული პირის – სამოქალაქო რეესტრის სააგენტოსა და შე­საბამისი მუნიციპალიტეტის გამგეობის უფლებამოსილ წარ­მო­მადგენელთა ხელმოწერით ამ განკარგულების მე-2 პუნქტით გათვა­ლისწინებული საკომპენსაციო თანხის მისაღებად.

4. საქართველოს ლტოლვილთა და განსახლების სამინის­ტრომ „საქართველოს 2009 წლის სახელმწიფო ბიუჯეტის შე­სახებ” საქართველოს კანონით გათვალისწინებული საბიუჯეტო ასიგნებებიდან (ორგანიზაციული კოდი _ 34 06) 4 076 000 (ოთხი მილიონ სამოცდათექვსმეტი ათასი) აშშ დოლარის ეკვივალენტი ლარი მიმართოს ამ განკარგულების პირველი პუნქტით გათვა­ლის­­წინებული ღონისძიების განსახორციელებლად.

5. ამ განკარგულების მე-4 პუნქტით გათვალისწინებული თანხიდან 76 000 (სამოცდათექვსმეტი ათასი) აშშ დოლარის ეკვივალენტი ლარი წარიმართოს შესაბამისი საბანკო მომსახუ­რების ასანაზღაურებლად.

6. ეთხოვოთ ქურთის, ერედვის, თიღვის, ახალგორისა და აჟარის (ზემო აფხაზეთის) მუნიციპალიტეტების გამგეობებს სა­ქარ­თველოს ლტოლვილთა და განსახლების სამინისტროს წა­რუდ­გინონ ამ განკარგულების პირველი პუნქტით გათვალისწინე­ბული ოჯახებისა და ამ ოჯახებიდან სახელმწიფოს მიერ შესყიდული, რეაბილიტირებული ან ახლად აშენებული საცხოვ­რე­ბელი ფართობების სანაცვლოდ საკომპენსაციო თანხის მიმ­ღებ, კანონმდებლობით დადგენილი წესით განსაზღვრულ (ნოტა­რიულად დამოწმებული თანხმობა) უფლებამოსილ პირთა (სახე­­ლი, გვარი, პირადობის მოწმობის მონაცემები _ სახელობითი პირადი კოდის მითითებით) სიები.

7. საქართველოს ლტოლვილთა და განსახლების სამინის­ტრომ საქართველოს იუსტიციის სამინისტროს საჯარო სამარ­თ­ლის იურიდიულ პირთან – სამოქალაქო რეესტრის სააგენ­ტოს­თან ერთად დააზუსტოს ამ განკარგულების მე-6 პუნქტით გა­თვა­­ლისწინებული სიები სახელმწიფოს მიერ შესყიდულ, რეაბი­ლი­­ტი­რებულ ან ახლად აშენებულ საცხოვრებელ ფართობებში გან­სახლებულ დაზარალებულ პირთა სიასთან.

 

   პრემიერ-მინისტრი                 ნიკა გილაური