ქ. თბილისი საქართველოს ნავთობის საერთაშორისო კორპორაციისა და ,,ბაქო-თბილისი-ჯეიჰანის მილსადენის კომპანია „საქართველოსათვის” სახელმწიფო საკუთრებაში არსებული მიწის ფართობების გამოყოფის ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №405
2006 წლის 26 აგვისტო
ქ. თბილისი
საქართველოს ნავთობის საერთაშორისო კორპორაციისა და ,,ბაქო-თბილისი-ჯეიჰანის მილსადენის კომპანია „საქართველოსათვის” სახელმწიფო საკუთრებაში არსებული მიწის ფართობების გამოყოფის ღონისძიებათა შესახებ
1. მოწონებულ იქნეს ბორჯომის რაიონის გამგეობის 2005 წლის 8 ივნისის №90, 19 დეკემბრის №280, 2006 წლის 18 იანვრის №2, წალკის რაიონის გამგეობის 2005 წლის 7 დეკემბრის №66, თეთრი წყაროს რაიონის გამგეობის 2006 წლის 20 აპრილის №6/4, ლანჩხუთის რაიონის გამგეობის 2005 წლის 26 სექტემბრის №63 დადგენილებებით დასმული წინადადება და საქართველოს მიწის გამოყენებისა და დაცვის სახელმწიფო კომისიის 2006 წლის 18 ივლისის სხდომის რეკომენდაცია (ოქმი №6, საკითხი №3), რომ საქართველოს ნავთობის საერთაშორისო კორპორაციასა და ,,ბაქო-თბილისი-ჯეიჰანის მილსადენის კომპანია „საქართველოს” გამოეყოს 13.2213 ჰა მიწის ფართობი, აქედან: ბორჯომის რაიონში – 12.3091 ჰა, წალკის რაიონში – 0.12 ჰა, თეთრი წყაროს რაიონში – 0.7002 ჰა, ლანჩხუთის რაიონში – 0.092 ჰა, დანართის მიხედვით.
2. ბორჯომის რაიონის ადმინისტრაციულ საზღვრებში არსებული სახელმწიფო ტყის ფონდიდან გამოსაყოფად შერჩეულ 0.21 ჰა სასოფლო-სამეურნეო (საძოვარი) კატეგორიის მიწასა და 4.2568 ჰა სახელმწიფო ტყით დაფარულ მიწას შეეცვალოს კატეგორია და გადაყვანილ იქნეს სახელმწიფო ტყის ფონდის სპეციალური დანიშნულების მიწის კატეგორიაში.
3. საქართველოს გარემოს დაცვისა და ბუნებრივი რესურსების სამინისტრომ დაიწყოს „ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე” საქართველოს მთავრობის 2005 წლის 11 აგვისტოს №132 დადგენილებით დამტკიცებული დებულების მე-2 მუხლის 41 და 42 პუნქტებით გათვალისწინებულ გადაწყვეტილებათა მიღების პროცედურები ,,ბაქო-თბილისი-ჯეი-ჰანის მილსადენის კომპანია „საქართველოსათვის” სახელმწიფო ტყის ფონდის მიწის სპეციალური მიზნით ტყით სარგებლობაში გაცემასა და ამ ტერიტორიაზე სპეციალური ჭრების განხორციელებასთან დაკავშირებით.
4. საქართველოს მიწის გამოყენებისა და დაცვის სახელმწიფო კომისიამ მოამზადოს და წარმოადგინოს საქართველოს პრეზიდენტის ბრძანებულების პროექტი „ბაქო-თბილისი-ჯეი-ჰანის მილსადენის კომპანია „საქართველოსათვის” სახელმწიფო საკუთრებაში არსებული არასასოფლო-სამეურნეო დანიშ-ნულების მიწების აღნაგობის უფლებით გადაცემის თაობაზე.
5. ,,ბაქო-თბილისი-ჯეიჰანის მილსადენის კომპანია „საქართველომ” თეთრი წყაროს რაიონში გამოსაყოფად შერჩეული 0.7002 ჰა საძოვარი მიწის ფართობიდან მილსადენის ჩასადებად შერჩეულ 0.1653 ჰა სასოფლო-სამეურნეო სავარგულს სამუშაოთა დამთავრებისთანავე ჩაუტაროს რეკულტივაცია და მოიყვანოს პირვანდელ მდგომარეობაში.
6. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი