სსიპ – ივანე ჯავახიშვილის სახელობის თბილისის სახელმწიფო უნივერსიტეტისათვის მაგისტრატურის აკრედიტებული უმაღლესი საგანმანათლებლო პროგრამის საფასურის სახელმწიფო სასწავლო სამაგისტრო გრანტის თანხის ოდენობისაგან განსხვავებული თანხის დაწესებისათვის თანხმობის მიცემის შესახებ

საქართველოს მთავრობის

განკარგულება№2583

2011 წლის 27 დეკემბერი

ქ. თბილისი

სსიპ – ივანე ჯავახიშვილის სახელობის თბილისის სახელმწიფო უნივერსიტეტისათვის მაგისტრატურის აკრედიტებული უმაღლესი საგანმანათლებლო პროგრამის საფასურის სახელმწიფო სასწავლო სამაგისტრო გრანტის თანხის ოდენობისაგან განსხვავებული თანხის დაწესებისათვის თანხმობის მიცემის შესახებ

„უმაღლესი განათლების შესახებ“ საქართველოს კანონის 81-ე მუხლის მე-3 პუნქტის შესაბამისად, მიეცეს თანხმობა სსიპ – ივანე ჯავახიშვილის სახელობის თბილისის სახელმწიფო უნივერსიტეტს მაგისტრატურის აკრედიტებულ საგანმანათლებლო პროგრამაზე განსაზღვროს სახელმწიფო სასწავლო სამაგისტრო გრანტის თანხის ოდენობისგან განსხვავებული თანხა შემდეგი ოდენობით:

ა) სსიპ – ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტისა და იენის ფრიდრიხ შილერის სახელობის უნივერსიტეტის ერთობლივი სამაგისტრო პროგრამა – საერთაშორისო საწარმოთა მართვა (სწავლების ენა – ქართული, ინგლისურენოვანი კომპონენტებით) – 3000 ევრო (ეკვივალენტი ლარი) წლიურად;

ბ) სსიპ – ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ეკონომიკის საერთაშორისო სკოლის სამაგისტრო პროგრამაზე – ეკონომიკა (სწავლების ენა – ინგლისური) სწავლის საფასური განისაზღვრება სტუდენტის აკადემიური მოსწრების შესაბამისად – 2250 ლარიდან 4000 აშშ დოლარამდე (ეკვივალენტი ლარი) წლიურად;

გ) სსიპ – ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტისა და შპაიერის ადმინისტრაციულ მეცნიერებათა უნივერსიტეტის ინტერდისციპლინური ერთობლივი სამაგისტრო პროგრამა – საჯარო მმართველობა (სწავლების ენა – ინგლისური) – 3000 ლარი წლიურად;

დ) კიოლნის უნივერსიტეტის სამართლის სამაგისტრო პროგრამა (სწავლების ენა – გერმანული) – 5000 ლარი წლიურად;

ე) სსიპ – ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტისა და ვესტმინსტერის უნივერსიტეტის ერთობლივი სამაგისტრო პროგრამა – სამედიცინო მოლეკულური ბიოლოგია (სწავლების ენა – ინგლისური) – 2275 გირვანქა სტერლინგი (ეკვივალენტი ლარი) წლიურად;

ვ) ტურიზმის საერთაშორისო სკოლის სამაგისტრო პროგრამა – ტურიზმისა და მასპინძლობის მენეჯმენტი (სწავლების ენა – ინგლისური) – 4200 ლარი წლიურად;

ზ) ინტერფაკულტეტური სამაგისტრო პროგრამა – ევროპისმცოდნეობა (სწავლების ენა – ინგლისური) – 4000 ლარი წლიურად.

პრემიერ-მინისტრი ნ . გილაური